ۋاقىت تالابىنا ساي, توتەنشە جاعداي كەزەڭىندە شىمكەنتتىك وقۋشىلار قاشىقتان وقىتۋدىڭ وتكەن اپتاسىندا دا ينتەرنەت جەلىسىن پايدالانۋدا الدىڭعى قاتاردان كورىنۋدە.
«Zoom», «Google class», «Edu page» باعدارلامالارى كومەگىمەن دە ساباق وقيتىن وقۋشىلار سانى ارتىپ كەلەدى. بۇگىندە شىمكەنتتەگى 213 ءبىلىم بەرۋ ۇيىمى (مەكتەپتەر, كوللەدجدەر, جوو) تولىعىمەن قاشىقتان وقىتۋ فورماتىنا كوشكەن.
قالاداعى 172 مەكتەپتە وقيتىن 222 مىڭنان استام وقۋشىلاردىڭ 96,7 پايىزى ءتۇرلى ەلەكتروندى قۇرىلعىلارمەن (كومپيۋتەر, نوۋتبۋك, پلانشەت, سمارتفون) قامتىلسا, 3,3 پايىزى (نەمەسە 7424-ءسى) تەلەارنا ارقىلى ءبىلىم الۋدا. سونداي-اق الەۋمەتتىك تۇرعىدا از قامتىلعان وتباسىلارعا مەكتەپتەردەگى 10192 كومپيۋتەر ۋاقىتشا بەرىلدى.
قاشىقتان وقىتۋ جۇيەسىنىڭ ءۇشىنشى اپتاسىندا قالامىز بويىنشا 100 وقۋشى ۇزدىك دەپ تانىلدى. ولار № 28, 65, 25, 49, 7, 72, 35, دارىن-1, №77, 9, 48, 52, 15, 77, 23, 103, 77, 132, 99, 51, 68, 120, 31, 24, 133-ءشى مەكتەپتىڭ وقۋشىلارى «Daryn.online» پلاتفورماسىن پايدالانىپ, ءبىلىم الۋدا باسىپ وزدى.
سونىمەن قاتار «Bilimland.kz» پلاتفورماسىنداعى «ونلاين مەكتەپ» جاڭا ءمودۋلى بويىنشا شىمكەنت قالاسىندا ۇزدىك جۇمىس ىستەگەن 11 مەكتەپتى ەرەكشە ايتا كەتكەن ءجون. ولار №9, 16, 28, 24, 41, 30, 59, 65, 36, 23, 50 مەكتەپ وقۋشىلارى ساباق قارالىمىن جاساپ, بەرىلگەن تاپسىرمالاردى جۇيەلى ورىنداعان.
شىمكەنتەگى جوعارعى وقۋ ورىندارى مەن تەحنيكالىق جانە كاسىپتىك ءبىلىم بەرۋ ۇيىمدارىنىڭ ستۋدەنتتەرى دە قاشىقتان وقىپ جاتىر.
شىمكەنت
