ايماقتار • 04 مامىر، 2020

شىمكەنتتەن ماقتاارال تۇرعىندارىنا 30 ارنايى تەحنيكا كومەككە جىبەرىلدى

71 رەت كورسەتىلدى

شىمكەنت قالاسىنان ماقتاارال اۋدانىنداعى سۋ باسقان ەلدىمەكەندەرگە اۆاريالىق-قۇتقارۋ قىزمەتى ءۇشىن 30 ارنايى تەحنيكا جىبەرىلدى.  

اۋداندا توتەنشە جاعداي ورىن العان العاشقى كۇننەن شىمكەنت قالاسىنان ارنايى تەحنيكالار كومەككە جىبەرىلە باستاعان بولاتىن. 

شىمكەنت قالاسى اكىمىنىڭ ورىنباسارى الماسبەك مامىتبەكوۆتىڭ مالىمدەۋىنشە، سۋ تاسقىنىنان زارداپ تارتىپ وتىرعان اۋدانعا كومەك مۇنىمەن توقتامايدى جانە شاھاردان جىبەرىلىپ جاتقان كومەك ماقتاارال اۋدانى اكىمىنىڭ ۇسىنىسىنا سايكەس قاراستىرىلۋدا. 

– قازىر ماقتاارال اۋدانىنىڭ تۇرعىندارىن ەۆاكۋاتسيالاۋ ماقساتىندا شىمكەنت قالاسى تاراپىنان جىبەرىلگەن 10 ارنايى تەحنيكا جۇمىس ىستەۋدە. بۇگىن اۋدانعا كومەككە اتتانعان 30 ارنايى كولىك تە اۆاريالىق-قۇتقارۋ جۇمىستارىنا جۇمىلدىرىلادى، - دەدى الماسبەك كەڭەسبەك ۇلى.

ايتا كەتەيىك، كۇنى كەشە ماقتاارال اۋدانىندا اۆاريالىق-قۇتقارۋ جۇمىستارىن جۇرگىزۋ ءۇشىن شىمكەنت قالاسى تج دەپارتامەنتىنىڭ ء«ورت ءسوندىرۋ جانە اۆاريالىق-قۇتقارۋ جۇمىستارى قىزمەتى» مەملەكەتتىك مەكەمەسىنىڭ جەكە قۇرامىنان 12 ادام جانە  4 تەحنيكا، 2 سۋ قۇرالى، 4 موتوپومپا، سونداي-اق اتالعان مەكەمەگە تيەسىلى شاردارا قالاسىندا ورنالاسقان جەدەل-قۇتقارۋ جاساعىنىڭ 5 قىزمەتكەرى مەن 1 تەحنيكاسى، 2 سۋ قۇرالى تەز ارادا كومەككە اتتانعان بولاتىن. 

سونداي-اق وقيعا ورنىندا شىمكەنت قالاسىنىڭ تجد ءورت ءسوندىرۋ جانە اۆاريالىق-قۇتقارۋ جۇمىستارى قىزمەتىنىڭ كوماندالىق-شتابتىق اۆتوكولىگى دە جۇمىلدىرىلعان.

 

شىمكەنت 

سوڭعى جاڭالىقتار

تۇركىستان جاسىل قالاعا اينالۋدا

وڭتۇستىك قازاقستان • كەشە

ۇقساس جاڭالىقتار