قوعام • 04 مامىر، 2020

ويىننان شىققان ءورت

58 رەت كورسەتىلدى

ادام زەينەت جاسىنا جاقىنداعان كەزدە وتكەن ءومىر جولىنا ءبىر بۇرىلىپ قاراپ، ۇمىتىلماس وقيعالاردى تاعى ءبىر وي ەلەگىنەن وتكىزۋگە كوڭىلى اۋىپ تۇرادى ەكەن.

سونداي ەرەكشە جاعدايدىڭ ءبىرى 5-6 جاستاعى بالا كەزىمدە ورىن العانى ەسىمە ءتۇسىپ وتىر. بۇل سوناۋ الپىسىنشى جىلداردىڭ باس كەزى ەدى. كەڭەستىك كەزەڭدە بالالار نەمىستەر مەن كەڭەستىكتەر بولىپ ەكىگە جارىلىپ «سوعىسىپ» ويناعاندى جاقسى كورەتىن بۇعان سول كەزدەگى قىزىل يدەولوگيانىڭ اسەرى، ەشكىمنەن جەڭىلمەيتىن كەڭەس ارمياسىن ماداقتاعان فيلمدەر دە اسەر ەتكەنى كامىل. بۇل سوعىس ويىنى اۋىل شەتىندەگى مال قامايتىن گ ءارپى پىشىندەس ۇزىن باز-قورانىڭ ىشىندە جۇرگىزىلدى. مەزگىل جازدىڭ بەل ورتاسى. كۇن وتە ىستىق. كولەڭكە قۋىپ بارعان جەرىمىز باز بولدى. ويىننىڭ شارتى مەن ءتارتىبى بويىنشا «تۇتقىنعا» ءتۇسىپ قالدىم. سودان سوڭ قارسى جاقتاستار اياق-قولىمدى باعاناعا مۇقيات بايلاپ تاستادى. جاۋاپ الىپ جاتىر، سىر بەرەتىن ەمەسپىن. ءسويتىپ تۇرعاندا قورانىڭ ورتەنىپ جاتقانىن كوردىك. ونى كورىپ شوشىپ كەتكەن بالا-دوستارىم مەنى بوساتۋدى ەسكەرمەستەن بازدىڭ اشىق تۇرعان تەرەزەسىنەن سەكىرىپ شىعىپ كەتتى. ويتكەنى ءبىز كەلگەندە ونىڭ ەسىگى كىلتتەۋلى تۇرعان-دى. قورانىڭ ىشىنە اۋىل تۇرعىندارى جىلقىلارىن قاماپ كەتكەن ەكەن. جانۋارلار شىڭعىرىپ، كىسىنەپ ەرسىلى-قارسىلى شاپقىلاپ ءجۇر ءورت كۇشەيە ءتۇستى. قورانىڭ توبەسى ءشوپ پەن اعاشتان جابىلعان-دى. بۇل وتە تەز جانىپ ورتەنەتىن ماتەريالدار. ساتىرلاپ جانىپ جاتىر. بازدىڭ ءىشى كوك تۇتىنگە تولىپ كەتتى. ءبىر كەزدە قورانىڭ ىشىنە كورشى تۇراتىن قاديشا شەشەمىزدىڭ ايقاي سالىپ كىرىپ كەلە جاتقانىن بايقادىم. مەنى كورىپ: بايعۇس بالا-اي دەپ ءجۇرىپ اياق-قولىمدى شەشىپ، دالاعا سۇيرەتىپ الىپ شىقتى.

ول كىسى مال قورانىڭ ورتەنىپ جانىپ جاتقانىن كورىپ، قاماپ كەتكەن جىلقىلارىن ايداپ شىعۋعا كەلگەنىن كەيىن ءبىلدىم. الايدا بۇل ويىن ورىنداي المادى. ەسىك اشىلسا دا جانۋارلار ءارى سوقتىعىپ، بەرى سوقتىعىپ، شىڭعىرىپ جانىپ كەتتى. ويتكەنى ساتىرلاپ جاتقان توبە وپىرىلىپ، تومەنگە قۇلاعان-دى. ءسىرا، گ پىشىندەس باز جانۋارلاردىڭ سورى بولعان سەكىلدى. بۇرىلۋدى بىلمەيدى، تەك تىكە شاۋىپ قابىرعاعا سوقتىعادى. ويىننان ءورت شىعادى دەگەن وسى بولدى. بۇل ءورت نەدەن پايدا بولدى، 5-6 جاستاعى بالا-دوستارىمنان با، جوق، الدە كۇننىڭ وتە ىستىعىنان پايدا بولعان ۇشقىن شوق پا؟ بۇل جاعداي ءالى كۇنگە دەيىن بەلگىسىز كۇيىندە قالىپ قويدى.

ءومىردىڭ سىني ساتتەرى مەن اياق استىنان قاۋىپ-قاتەرگە كەزىكتىرەر كەزدەرى دە از ەمەس. بۇگىن سونىڭ ءبىر مىسالى جونىندە ايتىپ وتىرمىن. ءبىر وكىنىشتىسى ونى ەشكىم الدىن-الا بولجاپ بىلە المايدى. تەك تاتار ءدام-تۇز تاۋسىلماسىن دەڭىز. ء دام تاۋسىلسا كولدەنەڭ جاعدايدان دا، حاق دەپ ەسەپتەلگەن ولىمنەن دە ەشكىمنىڭ قاشىپ، قۇتىلا الماسى انىق. مىنە، بالا كەزىمدە ورىن العان وقيعانىڭ ءبىرى وسىنداي ەدى.

سوڭعى جاڭالىقتار

15169 ادام كوروناۆيرۋس جۇقتىردى

كوروناۆيرۋس • بۇگىن، 09:17

ۇقساس جاڭالىقتار