پرەزيدەنت • 04 مامىر، 2020

قاسىم-جومارت توقاەۆ سوورونباي جەەنبەكوۆپەن تەلەفون ارقىلى سويلەستى

97 رەت كورسەتىلدى

قاسىم-جومارت توقاەۆ سوورونباي جەەنبەكوۆپەن تەلەفون ارقىلى سويلەستى. بۇل تۋرالى اقوردانىڭ ءباسپاسوز قىزمەتى حابارلادى.

پرەزيدەنتتەر كوروناۆيرۋس ىندەتىنىڭ تارالۋىن بولدىرماۋ جونىندەگى ەكى ەل ۇكىمەتتەرىنىڭ اتقارعان تىعىز ءارى جۇيەلى جۇمىسىنا جانە تۋىنداعان بارلىق ماسەلەلەردىڭ جەدەل شەشىلگەنىنە وڭ باعا بەردى.

سوورونباي جەەنبەكوۆ  قاسىم-جومارت توقاەۆقا قازاقستاننىڭ گۋمانيتارلىق كومەك كورسەتكەنى ءۇشىن ريزاشىلىعىن ءبىلدىردى.

– ءبىز باۋىرلاس قازاق حالقىنىڭ ىزگى نيەتىن جانە ءسىزدىڭ جەكە قولداۋىڭىزدى ءاردايىم سەزىنەمىز، – دەدى قىرعىزستان پرەزيدەنتى. 

تاراپتار ەكىجاقتى ساۋدا-ەكونوميكالىق ىنتىماقتاستىقتىڭ جوعارى قارقىنىن ساقتاۋ ءۇشىن بىرلەسكەن ءىس-قيمىلدار قاجەت ەكەنىن اتاپ ءوتتى.

سونىڭ ىشىندە شەكاراداعى وتكىزۋ بەكەتتەرىنىڭ جۇمىس رەجيمىن تالقىلاپ، كوروناۆيرۋس پاندەمياسى اياقتالعاننان كەيىن ونىڭ تولىققاندى جۇمىسىن قايتا قالپىنا كەلتىرۋدىڭ ماڭىزدىلىعىنا توقتالدى. سونىمەن قاتار مەملەكەتتەر باسشىلارى ەكى ەل اراسىنداعى زاڭسىز تاۋار تاسىمالىنا جول بەرمەۋ ءۇشىن ناقتى شارالاردى جۇزەگە اسىرۋ تۋرالى ۋاعدالاستىققا قول جەتكىزدى.

تاراپتار ينۆەستيتسيالىق ىقپالداستىقتى ودان ءارى نىعايتۋ ماقساتىندا قىرعىزستانداعى قازاقستاندىق كومپانيالاردىڭ جۇمىسىنا قاتىستى بىرقاتار وزەكتى ماسەلەگە ەرەكشە ءمان بەردى.

تەلەفون ارقىلى سويلەسۋگە قازاقستان تاراپى باستاماشى بولدى.

سوڭعى جاڭالىقتار

اراق اۋرۋدان ايىقتىرمايدى

كوروناۆيرۋس • كەشە

ۇقساس جاڭالىقتار