كومپانيانىڭ مالىمدەۋىنشە, جاھاندىق The Coca-Cola Foundation قورى بولگەن قاراجاتتىڭ كوپ بولىگى قازاقستان رەسپۋبليكاسىنىڭ دەنساۋلىق مينيسترلىگىنە قولداۋ كورسەتۋگە باعىتتالادى.
«الەۋمەتتىك جاۋاپتى بيزنەس رەتىندە ءبىز قوعامعا قولداۋ كورسەتۋ ىسىندە شەتتە قالا المايمىز. جاھاندىق The Coca-Cola Foundation قورى كورونوۆيرۋسپەن كۇرەسكە ارنايى گرانتتار بولگەن ەدى. قر دەنساۋلىق مينيسترلىگىمەن بىرلەسە ءبىز سول قاراجاتتى قانداي قاجەتتىلىكتەرگە باعىتتاۋ كەرەكتىگىن انىقتادىق. بۇل پروتسەستە بىزگە حالىقارالىق «قىزىل كرەست» جانە «قىزىل جارتى اي» قوزعالىسى كومەكتەسەتىن بولادى. بىرلەسكەن تالقىلاۋلار بارىسىندا گرانتتاردى جەكە قورعانىس قۇرالدارى مەن كورونوۆيرۋستى انىقتايتىن تەستتەردى ساتىپ الۋعا جانە قيىن جاعدايعا دۋشار بولعان جاندارعا كومەك كورسەتۋگە جۇمساۋ تۋرالى شەشىم قابىلداندى», – دەدى Coca-Cola Icecek Kazakhstan كومپانياسىنىڭ كورپوراتيۆتىك جانە رەتتەۋ قاتىناستارى جونىندەگى ديرەكتور ءاليما يسەمباەۆا.
سونىمەن قاتار, Coca-Cola مەديتسينالىق مەكەمەلەر مەن قازاقستانداعى پاندەميامەن كۇرەسكە جۇمىلدىرىلعان باسقا دا قىزمەتتەرگە بەلسەندى ءتۇردى قولداۋ كورسەتۋىن جالعاستىرۋدا. بۇگىنگى تاڭدا كومپانيا قايىرىمدىلىق شارا تۇرىندە 5 مىڭ ليتردەن استام ءونىمىن تاراتىپ ۇلگەردى, 1000 استام وتباسىعا گۋمانيتارلىق كومەك كورسەتىلدى. كومپانيا ءوز بيزنەسىن جالعاستىرۋعا, جۇمىس ورىندارىن ساقتاپ قالۋعا جانە سەرىكتەستەرىن, جابدىقتاۋشىلاردى, ديستريبيۋتورلار مەن ساۋدا نۇكتەلەردى قولداۋ ءۇشىن دە بار كۇش-جىگەرىن سالا باستادى.
ۇكىمەت ورناتقان قاتاڭ شەكتەۋلەر مەن باسقا دا نارىقتىق قيىندىقتارعا قاراماستان, CCI-دىڭ ءبىر دە ءبىر ءوندىرىس وشاعى جابىلعان جوق, ولاردىڭ بارلىعى ءوز جۇمىسىن جالعاستىرۋدا. قازاقستانداعى ەكى زاۋىت, ءبىرى نۇر-سۇلتاندا, ال ەكىنشىسى الماتى وبلىسىندا, بارلىق قاۋىپسىزدىك جانە گيگيەنا ستاندارتتارىن قاتاڭ ساقتاي وتىرىپ ءوز ونىمدەرىن وندىرۋدە. ءار قىزمەتكەر جەكە قورعانىس قۇرالدارىمەن جابدىقتالعان, ءوندىرىس جايلارى ءار ساعات سايىن دەزينفەكتسيالانادى, قىزمەتكەرلەردى تاسىمالداۋ ۇيىمداستىرىلعان, ال اۋىسىمدار سانى قىسقارتىلعان. دەگەنمەن, قاتاڭ كارانتين كەيبىر وزگەرىستەر ەنگىزۋگە ءماجبۇر ەتتى.
بارشامىز كۋا بولىپ وتىرعانداي, قوعام ءۇشىن وسى ءبىر قيىن قىستاۋ كەزەڭدە ءىرى كومپانيالار ءوز ۇلەسىن قوسۋدا, ال «biz birgemiz» ءسوزى ماعىناسى جاعىنان كەڭ اۋقىمدا قولدانىس تاپتى.
