ءمادينا ءۇيدىڭ ۇلكەنى بولعاندىقتان, وتباسىنىڭ كادىمگىدەي قولعاناتى. 13 جاسىندا بەت ارلەۋگە ارنالعان كۋرستى تامامداعان. سودان بەرى ەكى جىل ىشىندە تالاي قىزدىڭ بەتىن ارلەدى. سۇلۋلىق وبرازىن جاساۋدان ءلاززات الادى. گريم جاساۋمەن قاتار بيگە دە اۋەس. ونەرىمەن كوزگە تۇسكەن ءمادينا قازىر وبلىستىق فيلارمونيا جانىنداعى «گاككۋ» بي انسامبلىندە ءبيشى.
– ءسويتىپ, كارانتين باستالعالى وسى بالانىڭ ەڭبەكاقىسىنا ازىق-ت ۇلىك الىپ وتىرمىز. كادىمگىدەي كوپكورىم كومەك, – دەيدى ءمادينانىڭ اناسى اسەل بازارباەۆا.
بيشىلىك ونەرىمەن تاپقان ەڭبەكاقىسىنان بولەك, بەت ارلەۋگە تاپسىرىستار الىپ تا جۇمىس ىستەيدى. قازىر كارانتين بولعاندىقتان, وتباسىنداعى حانشايىمداردى عانا ساندەپ ءجۇر. ۇيدە بوس وتىرعاندى ۇناتپايدى. شەتەلدىك ۆيزاجيستتەردىڭ ونلاين مارافونىنا قاتىسىپ, ءتۇرلى وبرازدار جاساپ, شەبەرلىگىن شىڭداۋدا. ال وتباسى ونەرلى قىزدىڭ ىنتا-جىگەرىنە ءاردايىم قولداۋ ءبىلدىرىپ كەلەدى.
– مەن العاشىندا اناما بەت ارلەۋشى بولامىن دەگەن نيەتىمدى ايتۋعا جۇرەكسىندىم. دەگەنمەن, وتباسىما شامالى بولسا دا قارجىلاي جاردەمدەسۋگە ۇلكەن مۇمكىندىك دەپ ويلادىم, –دەيدى بەت ارلەۋشى ءمادينا نۇكەەۆا.
سۇلۋلىق الەمىنىڭ قىر-سىرىن تانىپ, وعان دەن قويۋ ءۇشىن مىقتى ەرىك-جىگەر, قايسارلىق قاجەت. 15 جاسار ءمادينانىڭ بويىندا بۇل قاسيەتتەردىڭ ءبارى بار. ال, سۇلۋلىق الەمدى قۇتقارادى.
كوكشەتاۋ قالاسى
