ەشكىم دە, ەشقاشان دا ۇمىتىلمايدى. ەسىل اۋدانىندا سۇراپىل مايدانعا قاتىسقان ارداگەر جوق. ولاردىڭ ەڭ سوڭعىسى وسىدان ەكى جىل بۇرىن ومىردەن وزعان. ال قان مايدانعا اتتانىپ, جەڭىستى كۇنگە جەتۋگە اتسالىسقان ەسىلدىكتەر سانى 3 مىڭنان اسادى. ولاردىڭ ۇرپاقتارى قازىر اتا-بابا ەرلىگىن دارىپتەپ, تاريحىن ايتىپ, بەينەجازبا تۇسىرۋدە. ونى اۋداندىق جاستار رەسۋرستىق ورتالىعى ءوز الەۋمەتتىك پاراقشاسىندا جاريالايدى.
– توتەنشە جاعدايعا بايلانىستى بيىل ۇلى جەڭىستىڭ 75 جىلدىعى جاڭاشا فورماتتا وتكىزىلمەك. قازىرگى تاڭداعى ىندەتتىڭ ورىن الۋىنا بايلانىستى قازاقستاندىقتار ۇيدە وتىرۋعا ءماجبۇر. دەگەنمەن ەل قورعاعان ەرلەردى ەسكە الۋ بىزگە مىندەت. جەڭىس كۇنى قارساڭىندا عالامتور جەلىسى ارقىلى اۋدان تۇرعىندارىنا «ماڭگىلىك پولك» اتتى ونلاين اكتسيا وتكىزەتىندىگىمىز تۋرالى حابارلادىق,–دەيدى اۋداندىق جاستار رەسۋرستىق ورتالىعى جەتەكشىسىنىڭ مىندەتىن اتقارۋشى نازگۇل نۇرلىبەكقىزى.
بۇگىندە جاستار ورتالىعىنا ون شاقتى اۋدان تۇرعىنىنان مايدانگەرلەر جايىندا اقپارات, بەينەبايان كەلىپ تۇسكەن.
– ءبىز, ءوز اكەلەرىمىز بەن اتالارىمىزدىڭ مايدانداعى ەرەن ەرلىگىن ۇمىتپايمىز. سۇراپىل ۇرىسقا اتتانعان قازاقستاندىقتاردىڭ اراسىندا ءبىزدىڭ اكەمىز بايزۋللا ايعايبەكوۆ تە بولدى. اسكەر قاتارىنا ول 1940 جىلى ەڭبەكشىلدەر اۋدانىنىڭ اسكەري كوميسسارياتىنان اتتاندى. اكەم باسىنان كەشكەنى تۋرالى ايتىپ وتىراتىن. ول سوعىستىڭ باسىنان باستاپ, سوڭىنا دەيىن الدىڭعى شەپتە ءجۇردى,–دەيدى ارداگەردىڭ قىزى التىناي ايعايبەكوۆا.
تاريح ەشقاشان ۇمىتىلمايدى دەگەن وسى-اۋ.
اقمولا وبلىسى
