ايماقتار • 02 مامىر، 2020

سايدا – مال دارىگەرى

27 رەت كورسەتىلدى

مال دارىگەرلەرى قازىر  ۇلكەن سۇرانىسقا يە.  جان-جانۋارلاردىڭ ءتىلىن تۇسىنەدى دەۋگە ابدەن بولاتىن مال دارىگەرى سايدا زاكيريانوۆا ءتورت ت ۇلىكپەن بىرگە جان-جانۋاردىڭ بارلىق ءتۇرىن ەمدەيدى.       

24 جاسار سايدا  وسى ماماندىعىن ءوزى تاڭداعان. اناسى دا - مال دارىگەرى. جاس ماماننىڭ ءحوببيى دە بار. بوس ۋاقىتىندا تىرناق ارلەيدى.

– جانۋارلار قاي جەرى اۋىرىپ تۇرعانىن ايتىپ، شاعىمدانا المايدى  عوي. اۋرۋدىڭ بەلگىلەرىن قاراپ ەمدەيمىز. العاش رەت  ءىرى قارادان قان العانىم ەسىمدە. قورقىنىشتى بولدى. مال دارىگەرى ماماندىعىن  تاڭداعان سەبەبىم-بالا كەزىمنەن انامنىڭ جۇمىسىنا قاراپ قىزىقتىم. قازىر مال دارىگەرى ماماندىعىن يگەرىپ، جۇمىس ىستەپ جاتىرمىن. 2 جىلدان استى. تاڭداۋىما ەش وكىنبەيمىن، – دەيدى مال دارىگەرى سايدا زاكيريانوۆا.

كەيىپكەرىمىز جۇمىس ىستەيتىن ۆەتەرينارلىق  ستانتسيادا 7 ادام جۇمىس ىستەيدى.  ارالارىنداعى جالعىز ارۋ-سايدا. ەر مىنەزدى كەيىپكەر ەش جاسقانباي،  ۇساق مالدارعا ەكپە جاساپ، تاڭبالايدى. بۇل سالاعا كەلگەنىنە ەكى جىل بولىپتى.

– ءبىزدىڭ ۆەتەريناريالىق ستانتسيادا تاجىريبەدەن ءوتىپ، جۇمىسقا قابىلداندى. ىنتاسى زور. ءبىزدىڭ سالاعا جاستار كەلە قويمايدى عوي. سايدا  ەر ازاماتتاردان قالىسپاي ەكپە جاساپ ءجۇر. كۇزگە دەيىن  4 مىڭنان اسا ءىرى قارا مەن 10 مىڭعا جۋىق ۇساق مالعا ۆاكتسيناتسيا  جاسالۋى ءتيىس، – دەيدى قالالىق ۆەتەريناريا ستانتسياسىنىڭ ديرەكتورى ەركىن ەسىلباەۆ.

«مەديتسينا ادامدى، ال، ۆەتەريناريا ادامزاتتى ەمدەيدى» دەگەن قاناتتى ءسوز بار. ادامزاتتى ەمدەپ جۇرگەن ارۋدىڭ ىسىنە ادام قىزىققانداي.

 

كوكشەتاۋ قالاسى

سوڭعى جاڭالىقتار

ۇقساس جاڭالىقتار