كەشە جاڭادان 114 ادامنىڭ ىندەت جۇقتىرعانى انىقتالسا, بۇگىن تۇسكە دەيىن 89 وقيعا تىركەلدى.
ولاردىڭ 16-سى پروۆيزورلىق ستاتسيوناردا كارانتيندەگى ۆيرۋسى بار اداممەن بايلانىستا بولعاندار, 4-ءۋى ماسكەۋ–اقتوبە–الماتى رەيسىمەن ۇشىپ كەلگەندەر, ولار ۇشىپ كەلگەن سوڭ ستاتسيوناردا كارانتيندە بولدى جانە قالعاندار تەستىلەۋ ناتيجەسىندە ۆيرۋسى جاڭادان انىقتالعاندار.
ولارمەن بايلانىستا بولعان بارلىق ادامدار تابىلدى جانە پروۆيزورلىق گوسپيتالدارعا كارانتينگە ورنالاستىرىلدى.
بۇگىن ينفەكتسيالىق ستاتسيونارلاردا 1015 ادام ەمدەلىپ جاتىر, ونىڭ ىشىندە 39-ى بالا.
ەكى ادامنىڭ جاعدايى – وتە اۋىر, 27 ادامدا – اۋىر, 208 ادامدا – ءحالى ورتاشا بولسا, قالعاندارىندا – قاناعاتتانارلىق.
پروۆيزورلىق گوسپيتالداردا 395 ادام, كارانتيندىك وقشاۋلاۋدا 366, ۇيدە 11846 ادام بار.
وتكەن تاۋلىكتەردە الماتىدا 15 ناۋقاس كوروناۆيرۋستىق ينفەكتسيادان ساۋىعىپ, اۋرۋحانادان شىقتى. ونىڭ ىشىندە ورتالىق قالالىق كلينيكالىق اۋرۋحانانىڭ 10 مەديتسينا قىزمەتكەرى, 4 بالالار كلينيكالىق جۇقپالى اۋرۋلار اۋرۋحاناسىنىڭ قىزمەتكەرى جانە ءبىر ايەل ۆيرۋسى بۇرىن انىقتالعان ناۋقاسپەن بايلانىستا بولعان 1964 جىلى تۋىلعان پاتسيەنت بار.
1964 جىلى تۋىلعان بۇل پاتسيەنت 2 ساۋىردەن باستاپ ەمدەۋدە بولعان.
قالعان پاتسيەنتتەردى ەمدەۋ ورتا ەسەپپەن 16-18 كۇنگە سوزىلدى.
الماتى
