ايماقتار • 01 مامىر، 2020

«مەن جاستارعا سەنەمىن» بايقاۋىنا 5 مىڭداي ستۋدەنتتىڭ جۇمىسى كەلىپ ءتۇستى

12 رەت كورسەتىلدى

كوروناۆيرۋس پاندەمياسى ءبىزدىڭ ومىرىمىزگە ەلەۋلى وزگەرىستەر ەنگىزدى. بيىلعى جىلى «مەن جاستارعا سەنەمىن» رەسپۋبليكالىق بايقاۋى ونلاين-فورماتتا باستالدى. ەلىمىزدەگى جانە الەمدەگى كۇردەلى جاعدايعا قاراماستان، ءبىز ستۋدەنتتەردىڭ ۇلكەن بەلسەندىلىگىن اڭعارۋدامىز. بايقاۋعا قاتىسۋعا ەلىمىزدىڭ بارلىق وڭىرلەرىنىڭ جاستارى نيەت ءبىلدىردى.

بايقاۋدىڭ جاستار اراسىندا ۇلكەن تانىمالدىققا يە بولۋى كەزدەيسوق ەمەس. بۇل ولاردىڭ وزدەرى تۋرالى مالىمدەۋگە، سونداي-اق الەۋمەتتىك-ماڭىزدى باستامالارى جانە شىعارماشىلىق جوبالارىمەن بولىسۋگە بىرەگەي مۇمكىندىك.

وسىنداي مۇمكىندىكتى 5 مىڭ ادام پايدالانىپ، قازۇۋ سايتىندا تىركەلىپ شاراعا قاتىسۋعا ءوتىنىش بەرگەن. ولار ءوز قالاۋى بويىنشا ءارتۇرلى ساناتتاردى تاڭدادى. وسىلايشا، پوەتيكالىق نوميناتسياعا 1،5 مىڭعا جۋىق ادام قاتىسۋعا نيەت بىلدىرسە، 436 جاس ورىنداۋشى پاتريوتتىق اندەر كونكۋرسىنا، 1،7 مىڭنان استام قاتىسۋشى ءوز ەسسەلەرىن جىبەردى. ۇيىمداستىرۋ كوميتەتىنىڭ اتىنا 1،4 مىڭنان استام الەۋمەتتىك ماڭىزى بار «قايىرىمدى قوعام» باستامالارى مەن 145 ستۋدەنتتىك يننوۆاتسيالىق جوبالار كەلىپ ءتۇستى.

بايقاۋدىڭ اۋقىمى كەڭ جانە قازاقستاننىڭ بارلىق وڭىرلەرىن قامتيدى. الماتى قالاسىنىڭ 1146 ستۋدەنتى اسا ۇلكەن بەلسەندىلىك تانىتتى. بەس جۇزدەن استام جۇمىس نۇر-سۇلتان، شىمكەنت جانە اتىراۋ قالالارىنان، باتىس قازاقستان، اقتوبە جانە تۇركىستان وبلىستارىنان كەلىپ ءتۇستى. شىعىس قازاقستان، پاۆلودار جانە قاراعاندى وبلىستارىنان 300-گە جۋىق ۇمىتكەر ءوتىنىم جىبەردى.

كوپتەگەن ستۋدەنتتەردىڭ وتىنىشتەرى بويىنشا وتىنىمدەر مەن كونكۋرستىق جۇمىستاردى قابىلداۋ مەرزىمى 15-مامىرعا دەيىن ۇزارتىلدى. www.kaznu.kz سايتىندا تىركەلۋ ارقىلى ءوتىنىم بەرۋ، ىرىكتەۋ تۋرىنىڭ بارىسىن قاداعالاپ، سونداي-اق ونلاين-داۋىس بەرۋگە قاتىسۋعا بولادى.

ەستەرىڭىزگە سالا كەتەيىك، بايقاۋ ۇزدىك ستۋدەنتتىك يننوۆاتسيالىق جوبا مەن «ەلىمىزدىڭ يننوۆاتسيالىق دامۋىنا مەنىڭ ناقتى ۇلەسىم» اتتى ستارتاپ، «قايىرىمدى قوعام» الەۋمەتتىك جوباسى، سونداي-اق «مەن ءوز ەلىمنىڭ وركەندەۋى ءۇشىن نە ىستەي الامىن؟» اتتى ۇزدىك ەسسە، پوەتيكالىق شىعارمالار مەن پاتريوتتىق تاقىرىپتاعى ءان نوميناتسيالارى بويىنشا وتكىزىلەدى. قاتىسۋشىلاردىڭ جۇمىستارىن تاۋەلسىز قازىلار القاسى باعالايدى، وعان قوعام قايراتكەرلەرى، عىلىم، مادەنيەت جانە ونەر، بيزنەس، مەملەكەتتىك قۇرىلىمدار مەن باق وكىلدەرى كىرەدى.

بايقاۋدىڭ قورىتىندىسى «مەن جاستارعا سەنەمىن!» VIII فورۋمىنىڭ اياسىندا 2020 جىلدىڭ قاراشا ايىندا ءال-فارابي اتىنداعى قازۇۋ-دا وتكىزىلەدى. قاتىسۋشىلار تاقىرىپتىق سەكتسيالاردىڭ وتىرىستارىندا ءوز جوبالارىن تانىستىرىپ قورعاۋعا مۇمكىندىك الادى. جەڭىمپازدارعا ديپلومدار مەن باعالى سىيلىقتار بەرىلەدى. ەڭ ۇزدىك دەپ تانىلعاندار باس جۇلدە – قازۇۋ-دىڭ ءبىر جىلدىق تەگىن وقۋ گرانتىنا يە بولادى. ونلاين-داۋىس بەرۋ ناتيجەسى بويىنشا كورەرمەن كوزايىمى سىيلىعى تابىس ەتىلەدى.

 

 

 

الماتى

سوڭعى جاڭالىقتار

تۇركىستان جاسىل قالاعا اينالۋدا

وڭتۇستىك قازاقستان • كەشە

ۇقساس جاڭالىقتار