بريفينگكە الماتى قالاسى ءماسليحاتىنىڭ دەپۋتاتى, «يلداش» تاتار گۋمانيتارلىق دامىتۋ ورتالىعىنىڭ ءتورايىمى, الماتى قالاسى قحا جانىنداعى انالار كەڭەسىنىڭ ءتورايىمى, قحا مۇشەسى نۇريا نيازوۆا, الماتى قالاسى قحا قوعامدىق كەلىسىم كەڭەسىنىڭ توراعاسى, الماتى كوپىر كونسترۋكتسيالارى زاۋىتىنىڭ ديرەكتورى احمەتجان شاردينوۆ, «قازاقستان ۇيعىر جاستارى وداعى» رقب توراعاسى, قحا مۇشەسى رۋستام قايرىەۆ, قحا الماتى قالاسى «باربانگ» كۇرد قاۋىمداستىعىنىڭ ۆيتسە-پرەزيدەنتى, «نۇر وتان» پارتياسى مەن قحا مۇشەسى ۆاكيل نابيەۆ, سوعىس ارداگەرى, «قازاقستان دۇنگەن قوعامى» قوعامدىق بىرلەستىگىنىڭ توراعاسى ابۋباكىر ۆايسىر ۇلى قاتىسىپ, قازاقستان حالقىن 1-مامىر مەرەكەسىمەن قۇتتىقتادى.
«قۇرمەتتى الماتىلىقتار, مىنە, بيىل 25 جىل قاتارىنان 1 مامىر مەرەكەسىن – قازاقستان حالقىنىڭ بىرلىگى رەتىندە اتاپ ءوتىپ كەلەمىز. بىراق, بيىلعى مەرەكەنى ءبىز توتەنشە جاعداي رەجيمىندە – كارانتين جاعدايىندا كارسى العالى وتىرمىز. دەسەكتە, ءار ءساتتىڭ وزىندىك قۋانىشى, قىزىعى بار. بۇل جولعى مەرەكە ءبىزدىڭ ءوز وتباسىمىزعا كوڭىل بولۋىمىزبەن ەرەكلەشەنەدى. حالىقتىڭ قۋاتى – ونىڭ بىرلىگىندە! ەندەشە, ەلىمىزدە بولىپ جاتقان ۋاقىتشا قيىندىقتى ءبىز بىرلىگىمىز بەن ىنتىماعىمىزدىڭ ارقاسىندا جەڭىپ شىعاتىنىمىزعا سەنىمىمىز مول», — دەدى «يلداش» تاتار گۋمانيتارلىق دامۋ ورتالىعىنىڭ ءتورايىمى نۇريا نيازوۆا.
وسى ارادا ايتا كەتۋ كەرەك, 2014 جىلدىڭ اقپان ايىندا قازاقستان حالقى اسسامبلەياسى جانىنان وتە – «انالار كەڭەسى» قۇرىلعان بولاتىن. ء«بىر قولىمەن, بەسىكتى, ءبىر قولىمەن الەمدى تەربەتەتىن» ايەل-انالار قحا الاڭىندا دا بەلسەندى جۇمىس ىستەدى.
«بۇل ۇيىم جۇرەكتەرى بالالارعا دەگەن سۇيىسپەنشىلىككە تولى, جەر بەتىندە ءومىر سىيلايتىن, سودان كەيىن ءبىزدىڭ قوعامىمىزدىڭ ازاماتى بولاتىن بولاشاق تۇلعانى تاربيەلەۋ ءۇشىن تولىق جاۋاپتى بولاتىن انالاردىڭ باسىن بىرىكتىردى. سوندىقتان, بۇگىنگىدەي سىن ساعاتتا قحا, ەتنو-مادەني بىرلەستىكتەر, قوعامدىق كەلىسىم كەڭەسى, انالار كەڭەسى بىرىگىپ, كومەككە مۇقتاج جاندارعا قولۇشىن بەرىپ كەلەدى», — دەدى ن.نيازوۆا.
سونىمەن بىرگە, ونىڭ ايتۋىنشا, قازىرگى تاڭدا ەتنومادەني بىرلەستىكتەردىڭ جاستارى ازىق-ت ۇلىك سەبەتىن, ماسكالار مەن دەزينفەكتسيالاۋ قۇرالدارىن مۇقتاج جاندارعا جەتكىزىپ بەرۋدە, مەملەكەتتىك كومەك بويىنشا الەۋمەتتىك تولەمدەردى شەشۋ بويىنشا كەڭەس بەرۋ سەكىلدى جۇمىستارمەن اينالىسىپ جاتىر.
ء«بىزدىڭ ەتنومادەني بىرلەستىكتەردىڭ توراعالارى قحا قۇرۋدا ۇيىتقى بولعان ازاماتتار. كەزىندە ولاردىڭ ءبىرازى جاستار قاناتىندا جۇمىس ىستەدى. ەندى بۇگىن ۇرپاقتار ساباقتاستىعى بويىنشا وزدەرىنىڭ ەتنو-مادەني ورتالىقتارىنا باسشىلىق جاساۋدا. ەڭ باستىسى, ولار ءوز زامانداستارىنا, ارينە, ءوز بالالارىنا باقىتتى وتباسىن قۇرۋدىڭ ۇلگىسىن كورسەتىپ وتىر. بىرلىك پەن ىنتىماقتىڭ ۇلگىسى, بۇل بۇگىنگى تاڭدا قازاقستان ءجۇرىپ جاتقان جاسامپازدىقتىڭ جولى!» – دەپ اتاپ ءوتتى الماتى قالاسى قحا جانىنداعى انالار كەڭەسىنىڭ ءتورايىمى.
الماتى
