بۇعان دەيىن ەلىمىزدە كوروناۆيرۋس پاندەمياسىنا بايلانىستى ىشكى رەيستەر 100% -عا, حالىقارالىق رەيستەر 98% -عا توقتاتىلعان بولاتىن. قازىرگى ۋاقىتتا وتاندىق اۋە تاسىمالداۋشىلارى اعىمداعى جىلدىڭ 1-ءشى مامىرىنان باستاپ نۇر-سۇلتان جانە الماتى قالالارى اراسىندا ۇشۋعا دايىن ەكەندىكتەرىن مالىمدەدى. الدىن الا مالىمەت بويىنشا كۇنىنە 4 رەيس جاسالماق. ونىڭ ىشىندە «ەير استانا» 2 رەيس, «Fly Arystan» 1 رەيس جانە «SCAT» اۋە كومپانياسى 1 رەيس ورىندايدى.
تاياۋدا ازاماتتىق اۆياتسيا سالاسىنىڭ وكىلدەرى جىل سوڭىنا دەيىنگى شىعىن كولەمى شامامەن 300 ملرد تەڭگەنى قۇراۋى مۇمكىن ەكەنىن مالىمدەپ, ەير استانا - 148,4 ملرد تەڭگە, SCAT - 84,6 ملرد تەڭگە, Qاzaq Air – 2 ملرد تەڭگە, اۋەجايلار – 24,5 ملرد تەڭگە, قازاەروناۆيگاتسيا – 28 ملرد تەڭگەگە شىعىنعا باتۋى مۇمكىن ەكەنىن ايتقان ەدى. بۇگىنگى كۇنى ەلىمىزدە يندۋستريا جانە ينفراقۇرىلىمدىق دامۋ ءمينيسترى تاراتقان مالىمەت بويىنشا, ازاماتتىق اۆياتسيا سالاسىندا شامامەن 20 000 ادام جۇمىس ىستەيدى. بارلىعىنىڭ جۇمىس ورىندارى تولىعىمەن ساقتالىپ وتىر.
