ايماقتار • 01 مامىر، 2020

جان-جاقتى كومەك كورسەتىلۋدە

33 رەت كورسەتىلدى

ءبىز قانداي قيىن كەزەڭدە دە قينالعانعا قول ۇشىن سوزا بىلگەن، سۇرىنگەندى دەمەگەن، جىلاعاندى جۇباتقان حالىقپىز. ەلگە دە، ەرگە دە ۇلكەن سىن بولىپ، GOVID-19-دىڭ بەت قاراتپاس دۇلەي داۋىلى سوعىپ تۇرعان ساتتە اتا-بابالارىمىزدان اۋىسقان وسى قاسيەتىمىز بۇگىنگى قوعام مۇشەلەرىنە دە ءسىڭىستى بولعانىنا كوزىمىز جەتىپ وتىر. وسى ورايدا توتەنشە جاعداي كەزىندە حالىقتىڭ وسال توپتارىن قولداۋ مەملەكەتتىڭ باستى مىندەتى دەگەن پرەزيدەنت قاسىم-جومارت توقاەۆتىڭ مالىمدەمەسى ەل-جۇرتتىڭ سەنىمىن كۇشەيتتى.

بۇل باعىتتا اقتوبە وبلىسىندا كو­مەك­كە مۇقتاج حالىقتىڭ وسال توپتارىن الەۋ­مەتتىك تۇرعىدان قولداۋ جونىندە كەشەن­دى ءىس-شارالار جوسپارى جاسالىپ، ويداعى­داي ىسكە اسىپ كەلەدى. وسى ورايدا ءوڭىر تۇر­عىندارىنىڭ 15 ساناتى بويىنشا 100 مىڭعا جۋىق ادامعا 1 ملرد 500 ملن تەڭ­گەدەن استام الەۋمەتتىك كومەك كورسەتىلدى.

بۇل – اتاپ ايتۋعا تۇرارلىق سوما. مەملەكەتتىڭ باستى بايلىعى ادامدار دەسەك، توتەنشە جاعداي تۇسىندا ولاردىڭ مۇقتاج توپتارىنا جەرگىلىكتى اتقارۋشى بيلىك تاراپىنان جان-جاقتى قولداۋ كور­سە­تىلۋى – ەلدىكتىڭ بەلگىسى. جۋىردا وڭىر­دە اتاۋلى الەۋمەتتىك كومەك الاتىن وتبا­سىلاردىڭ جاي-كۇيى تاعى ءبىر ساراپقا سالىنىپ، ولاردىڭ ەڭ مۇقتاجدارىنا قارجىلاي قولداۋ شارالارى قولعا الىندى.

سونىمەن بىرگە وبلىس اكىمى وڭداسىن ورازالين وبلىستىق بيۋدجەتتەن ءوڭىر تۇر­عىن­دارىنىڭ 8 ساناتى بويىنشا 45 مىڭعا جۋىق ادامعا 900 ملن تەڭگەگە جۋىق قاراجات بولىنگەنىن جەتكىزدى. ءبىر جول­عى كومەك – ءبىر ادامعا شاققاندا جيىر­ما مىڭ تەڭگەدەن كەلەدى. قازىرگى كارانتين كەزىندە بارلىق قىزمەت كورسەتۋ مەكەمەلەرى، سونىڭ ىشىندە الەۋمەتتىك تولەم­دەر تولەۋ ورتالىعىنىڭ ەسىگى جابۋلى تۇرعانى بەلگىلى. مۇنداي جاعدايدا تۇر­عىندار وزدەرىنە تاعايىندالعان بىرجولعى الەۋمەتتىك كومەكتى الۋ ءۇشىن ابىگەرگە ءتۇسىپ جۇرمەي مە؟

– جوق، ولاي بولمايدى. جەرگىلىكتى جەردەن بەلگىلەنگەن ماتەريالدىق كومەكتى الۋ ءۇشىن قوسىمشا قۇجات تاپسىرۋدىڭ نەمەسە جيناق بانكىلەر كاسسالارىنا بارۋدىڭ قاجەتى جوق. ويتكەنى الەۋمەتتىك كومەك الۋشىلاردىڭ دەرەكتەرى مەن ءتىزىمى اقپاراتتىق جۇيە ارقىلى جاساقتالعان. اتالعان قاراجات ءتيىستى ادامداردىڭ ەسەپشوتتارىنا اۋدارىلادى، – دەدى ساۋابى مول ءىستىڭ ءمان-جايىنا قاتىستى وبلىستىق جۇ­مىسپەن قامتۋدى ۇيلەستىرۋ جانە الەۋ­مەتتىك باعدارلامالار باسقارماسىنىڭ باسشىسى بۇلبۇل ەلەۋسىنوۆا.

سونداي-اق وڭىردە مەملەكەت تاراپىنان تاعايىندالعان 42 500 تەڭگە مولشەرىندەگى الەۋمەتتىك تولەم مەن Nur Otan پارتياسى بەلگىلەگەن 50 مىڭ تەڭگە كولەمىندەگى بىرجاقتى كومەك تولەمدەرىن اۋدارۋ ماسە­لە­لەرىنە قاتىستى اۋقىمدى جۇمىس جۇر­گىزىلدى. اتالعان ماسەلەدە ادىلدىك پەن اشىقتىق قاعيداتتارى العا شىعىپ، ونى الۋعا تىركەلگەن ياكي تىركەلمەي قالعان ازاماتتار اراسىندا ورىنسىز وكپە-رەنىش پەن تۇسىنبەستىك تۋىنداماۋ ءۇشىن بارلىق قاجەتتى جاعدايلار جاسالدى.

ەل پرەزيدەنتى قاسىم-جومارت توقاەۆ ء«بىز بىرگەمىز!» اكتسياسىن جاريالاپ، بارشا قازاقستاندىق قوعام مۇشەلەرىن وسىناۋ كۇردەلى كەزەڭدە ءبىر-بىرىنە قولداۋ كورسەتىپ، كومەگىن تيگىزۋگە شاقىرعانى بەلگىلى. يگى باستامانى اقتوبە ايماعىنىڭ تۇرعىندارى، ءوڭىر كاسىپكەرلەرى مەن مەتسەناتتار، وزگە دە ەل-جۇرتقا جاناشىر تۇلعالار قىزۋ قولدادى. اسىرەسە ولار الەۋمەتتىك وسال توپتاعى تۇرعىندارعا قايىرىمدىلىق كومەك كورسەتۋدى باستى پارىزى دەپ ساناي بىلگەندەرى ريزاشىلىق سەزىمىن تۋعىزادى.

GOVID-19 ىندەتىمەن كۇرەستە ءوڭىر دارىگەرلەرى مەن وزگە دە مەديتسينا قىز­مەت­كەرلەرى جاۋاپتى دا قاۋىپ-قاتەرى مول ءىستىڭ بەل ورتاسىندا كەلەدى. ولار كوروناۆيرۋس ينفەكتسياسىن وزدەرى دە جۇقتىرىپ الۋى مۇمكىن ەكەنىنە قاراماستان، ادامدارعا اراشا ءتۇسۋدىڭ جانقيارلىق ۇلگىسىن كورسەتۋدە. مىنە، وسىنداي اق حالاتتى ابزال جاندارعا وڭىردەگى داۋلەتتى ازاماتتار مەن الەۋەتى مول كاسىپورىن جەتەكشىلەرى تاراپىنان زاتتاي جانە قارجىلاي تۇرىندە كومەك كورسەتىلىپ كەلەدى. شاپاعاتى مول ءىستىڭ باسىندا «اكتەپ» جشس مەن «قازحروم» اق-نىڭ نار تۇلعالى باسشىلارى نۇرلان ساعىنالين مەن ارمان ەسەنجولوۆتار بار.

وڭىردە اتقارۋشى ورگاندار تاراپىنان تۇرمىسى تومەن كوپ بالالى وتباسىلارعا جانە مۇگەدەك جاندار مەن زەينەتكەرلەرگە ازىق-ت ۇلىك پاكەتى مەن گيگيەنالىق قۇرالدار جانە مەديتسينالىق بەتپەردەلەر مەن اقشالاي كومەكتەر كورسەتىلۋدە.

 

اقتوبە

 

سوڭعى جاڭالىقتار

جىل ءسوزى

الەم • بۇگىن، 20:36

ەنەرگەتيكا – ەكونوميكا درايۆەرى

ەكونوميكا • بۇگىن، 20:31

قۇلدىرامايتىن قۇندىلىق

تانىم • بۇگىن، 20:20

اۋعانستاندا جارىلىس بولدى

الەم • بۇگىن، 12:21

ۇقساس جاڭالىقتار