2020 جىلعى قاڭتاردا اقتوبەلىك مۇنايدى ايداۋدىڭ توقتاتىلۋىنا جانە مۇناي ونىمدەرىن تۇتىنۋدىڭ ازايۋىنا ىقپال ەتكەن قازاقستاننىڭ ءىرى قالالارىندا كارانتين ەنگىزىلۋىنە وراي پمحز مەن پقوپ-تا شامالى ازايۋ بايقالدى. رۋمىنياداعى KMG International زاۋىتتارىندا (پەتروميديا, ۆەگا) وڭدەۋ كولەمى 1 312 مىڭ توننانى قۇرادى, بۇل 2019 جىلعى ءبىرىنشى توقسانداعى كورسەتكىشتەن 17,7%-عا تومەن. كولەمنىڭ ازايۋى 2020 جىلعى ناۋرىزدىڭ13-ءى مەن ءساۋىردىڭ 30-ى ارالىعىندا جوسپارلى كۇردەلى جوندەۋ جۇمىستارىنىڭ جۇرگىزىلۋىنە بايلانىستى پەتروميديا ءموز-دە ءوندىرىستىڭ توقتاتىلۋىنا بايلانىستى بولدى.
2020 جىلعى ءبىرىنشى توقساندا قازاقستاندىق جانە رۋمىن زاۋىتتارىندا مۇناي ونىمدەرىن شىعارۋ كولەمى 8,0%-عا قىسقارىپ, 4 231 مىڭ توننانى قۇرادى:
قازاقستاندىق ءموز-دەر قمگ ۇلەسىنە 2 954 مىڭ توننا مۇناي ونىمدەرىن شىعاردى, بۇل وتكەن جىلعى وسىنداي كەزەڭدەگى كورسەتكىشتەن 2,8%-عا تومەن. مۇناي ونىمدەرى ءوندىرىسىنىڭ ازايۋى 2020 جىلعى قاڭتاردا اقتوبەلىك مۇناي ايداۋدىڭ توقتاتىلۋىنا جانە قازاقستاننىڭ ءىرى قالالارىندا كارانتين ەنگىزىلۋىنە بايلانىستى بولدى; KMG International زاۋىتتارى (پەتروميديا, ۆەگا) 1 276 مىڭ توننا مۇناي ونىمدەرىن شىعاردى, بۇل 2019 جىلعى ءبىرىنشى توقسانداعى كورسەتكىشتەن 18,1%-عا تومەن. كولەمنىڭ ازايۋى جوسپارلى كۇردەلى جوندەۋ جۇمىستارىن جۇرگىزۋ سەبەبىنەن پەتروميديا ءموز-دە ءوندىرىستىڭ توقتاتىلۋىنا بايلانىستى.
بارلىق مۇناي-گاز سەكتورى سياقتى, قازىرگى احۋال كەزىندە بولاشاق كورسەتكىشتەرگە قاتىستى ناقتى بولجام جاساۋ قيىن. الايدا قمگ نارىقتاعى جاعدايدى ءجىتى باقىلاپ, بارلىق وزگەرىستەرگە مونيتورينگ جۇرگىزۋدە جانە 2020 جىلعى ەكىنشى توقسان ناتيجەلەرىنە ىقپال ەتەتىن سۇرانىستىڭ بۇرىن-سوڭدى بولماعان وزگەرىستەرى كەزىندە ارەكەت ەتۋدىڭ ءتۇرلى ستسەناريلەرىن پىسىقتاۋدا. كومپانيا قاجەتتىلىك تۋىنداعان كەزدە مۇددەلى تاراپتاردى جاڭا جاعدايلار نەمەسە قابىلدانعان شارالار تۋرالى حاباردار ەتەتىن بولادى.
