كاسىپكەر, بالالار ءۇيى تۇلەكتەرى قاۋىمداستىعىنىڭ قامقورشىلىق كەڭەسىنىڭ مۇشەسى, «نۇر وتان» پارتياسىنىڭ جانە قازاقستان حالقى اسسامبلەياسىنىڭ مۇشەسى, قازاقستان كۇردىلەرىنىڭ «باربانگ» قاۋىمداستىعىنىڭ ۆيتسە-پرەزيدەنتى, اباي اتىنداعى قازۇپۋ-دىڭ تاريح جانە قۇقىق ينستيتۋتى ساياساتتانۋ جانە الەۋمەتتىك-فيلوسوفيالىق پاندەر كافەدراسىنىڭ «6D050200-ساياساتتانۋ» ماماندىعىنىڭ PhD دوكتورانتى ۆاكيل نابيەۆ بالالار ءۇيىنىڭ بۇرىنعى 20 تۇلەگىنە ازىق-ت ۇلىك سەبەتى ۇلەستىرىلدى. قاۋىمداستىق 100-دەن استام ادامدى قامتىپ وتىر, بالالار ءۇيىنىڭ بارلىق مۇقتاج تۇلەكتەرىنە بەلسەندى كومەك كورسەتۋ جالعاسۋدا.
«بۇل قيىن-قىستاۋ كەزەڭدە ەل ءۇشىن جەكە جاۋاپكەرشىلىكپەن قاتار الەۋمەتتىك ىنتىماقتاستىق ماڭىزدى», - دەدى ۆاكيل نابيەۆ.
توتەنشە جاعداي كەزىندە ء«بىز بىرگەمىز!» رەسپۋبليكالىق اكتسياسى اياسىندا الماتى وبلىسى مەن الماتىدا كومەك رەتىندە 500-دەن استام ازىق-ت ۇلىك جيىنتىعى جاساقتالىپ, الەۋمەتتىك جاعىنان وسال ساناتتاعى مۇقتاج ادامدارعا تاراتىلدى. بۇل-جالعىز باستى قارت ادامدار, از قامتىلعان كوپ بالالى وتباسىلار, ەرەكشە قاجەتتىلىكتەرى بار ادامدار. ەرىكتىلەردىڭ قۇرىلعان ءموبيلدى توپتارى قايىرىمدىلىق كومەكتىڭ تاراتىلۋىن قامتاماسىز ەتتى. ءىس-شارا قازاقستان حالقى اسسامبلەياسى مەن «باربانگ» كۇردتەر قاۋىمداستىعىنىڭ قولداۋىمەن ءوتىپ جاتىر. بۇل ناۋقان توتەنشە جاعداي كەزىندە دە جالعاسادى.
