كارانتين رەجيمىن بۇزعانداردىڭ باسىم بولىگى ماس كۇيىندە نەمەسە قۇجاتسىز كولىك تىزگىندەگەندەر. ولاردى پوليتسيا ساقشىلارى ارنايى جۇرگىزىلگەن رەيد بارىسىندا انىقتادى. ءتارتىپ بارىنە ورتاق. ال, وعان باعىنباعاندار جازالانادى. ماسەلەن, ءبىر كۇندە ءتارتىپ ساقشىلارى قۇقىق بۇزعان 11 اۆتوكولىك جۇرگۋشىسىن انىقتاعان. ونىڭ ءبىرى ۋداي ماس بولسا, ەندى ءبىرىنىڭ مۇلدەم قۇجاتى جوق بولىپ شىققان. 2 اۆتوكولىك ايىپ تۇراعىنا قويىلدى. سونىمەن قاتار, كارانتين كەزىندە تۇندە ءوز كولىگىمەن جولاۋشىلار تاسىمالداپ, تاكسي قىزمەتىن اتقارعان 34 جاستاعى جۇرگىزۋشى قۇرىقتالدى. ول جۇرگىزۋشىگە اكىمشىلىك-قۇقىق بۇزۋشىلىق كودەكسىنىڭ 476-بابىنا سايكەس «توتەنشە جاعداي رەجيمىن بۇزۋ» جانە 612-بابىنا سايكەس «جولاۋشىلاردى تاسىمالداۋ ەرەجەسىن بۇزۋعا» قاتىستى ارنايى حاتتامالار تولتىرىلدى.
–توتەنشە جاعدايعا بايلانىستى قاۋلىنىڭ ورىندالۋى وبلىستىق پوليتسيا دەپارتامەنتىنىڭ ءجىتى قاداعالاۋىندا. ياعني, بارلىق جەكە مەنشىكتىك ۇيىمدار مەن جەكەلەگەن ازاماتتاردىڭ شەكتەۋ شارالارىن ساقتاۋىن باقىلاۋ ماقساتىندا كۇندەلىكتى رەيد جۇرگىزىلەدى. الايدا, بارلىق ازاماتتار قالىپتاسقان جاعدايدىڭ ماڭىزدىلىعىن تولىق تۇسىنە بەرمەيدى. تەك سوڭعى ءبىر تاۋلىكتە توتەنشە جاعداي رەجيمىن بۇزعان 60 ادامعا اكىمشىلىك ءىس قوزعالدى,–دەيدى وبلىستىق اكىمشىلىك پوليتسياسى باسقارماسى باستىعىنىڭ ورىنباسارى ەرجان قوشقارباەۆ.
كارانتين رەجيمىن بۇزعاندارعا زاڭ قاتاڭ. دەسە دە, كولىك قوزعالىسى ءالى دە تىيىلماي تۇر. پوليتسيا قىزمەتكەرلەرى تۇرعىنداردان ەسكەرتۋلەرگە قۇلاق اسىپ, توتەنشە جاعداي رەجيمىن قاتاڭ ساقتاۋعا شاقىرادى.
