«Birgemiz» قوعامدىق قورى بۇل كومەكتى بەرۋدىڭ ەكىنشى ترانشىن ىسكە اسىرۋدا. سونداي كومەككە يە بولعان جاننىڭ ءبىرى – كوكشەتاۋلىق زينايدا چەلاەۆا. جالعىزباستى كەيۋانا 40 جىل بۇرىن اپاتقا ۇشىراعان. مۇگەدەك جاننىڭ بويىندا قانت ديابەتى, وكپە دەمىكپەسى ءتارىزدى سىرقاتتارى بار. دەنساۋلىعىنا بايلانىستى جۇمىس ىستەمەگەندىكتەن, ەڭ تومەنگى زەينەتاقى الاتىن اجەيگە قوعامدىق قوردىڭ 50 مىڭ تەڭگەسى اجەپتاۋىر قولداۋ بولاتىندىعى شىندىق.
– بۇل اقشانى بولگەن قايىرىمدى جاندارعا مىڭ دا ءبىر العىس ايتامىن! مەن ءۇشىن ۇلكەن قولداۋ. باسىمدى ءيىپ ريزاشىلىعىمدى ايتامىن. دەنساۋلىق, باقىت تىلەيمىن! – دەيدى قالا تۇرعىنى زينايدا چەلاەۆا.
ەكىنشى كەزەڭ بويىنشا وبلىس كولەمىندە مۇگەدەك جاندارعا, از قامتىلعان وتباسىلارعا, تۇل جەتىمدەر جانە ەڭ تومەنگى زەينەتاقى الاتىن زەينەتكەرلەرگە تاراتىلدى.
– بۇگىندە كوكشەتاۋ قالاسى اكىمدىگى بەكىتكەن ءتىزىم بويىنشا بەس مىڭنان استام ازاماتقا 50 مىڭ تەڭگە كولەمىندە كومەك كورسەتىلدى. العاشقى كەزەڭ بويىنشا 3 مىڭداي ازاماتتى قامتىعان بولاتىنبىز. بۇل كومەككە توتەنشە جاعداي كەزىندە شىنىمەن اۋىر جاعدايدا قالعان ازاماتتار قامتىلدى, – دەيدى «Birgemiz Akmola» قوعامدىق قورىنىڭ جەتەكشىسى قازەزتاي دۇيسەنوۆ.
قىسىلتاياڭ شاقتا ەلىمىزدە ەشكىمنىڭ قيىندىقپەن بەتپە-بەت جالعىز قالمايتندىعى كوپ كوڭىلىندەگى سەنىمدى ۇيالاتا تۇسۋدە.
اقمولا وبلىسى
