ىزگى نيەتتىڭ ارقاسىندا تاعى ءبىر كوكشەتاۋلىق وتباسى باسپانالى بولدى. بۇل جولى ءۇش بولمەلى پاتەردىڭ كىلتى كوپبالالى سۇلتانوۆتار اۋلەتىنە تابىستالدى.
سۇلتانوۆتار وتباسىندا 8 بالا بار. تۇڭعىشى 19-دا بولسا, ءسۇت كەنجەسى 2 جاستا. وسى ۋاقىتقا دەيىن بۇل وتباسى قالا ىرگەسىندەگى نۇرلى كوش اۋىلىندا باسپانا جالداپ كەلگەن. ءۇي كەزەگىندە تۇرعاندارىنا ون جىلعا جۋىقتاعان. ال, قاسيەتتى ايدا «حارەكەت» قورى اكتسياسىنىڭ اياسىندا باسپانالى بولىپ, اق تۇيەنىڭ قارنى جارىلدى.
–سىزدەرگە اق العىسىمدى ايتامىن. بالالارىم دا قۋانىپ جاتىر,–دەيدى قالا تۇرعىنى اسقار سۇلتانوۆ.
«حارەكەت» قورىنىڭ ىقپالىمەن كوكشەتاۋدا بەسىنشى وتباسى باسپالانى بولدى. وسىعان دەيىن بۋراباي اۋدانىندا جانە كوكشەتاۋ قالاسىندا ءتورت وتباسى قونىس تويىن تويلاعان.
وسىعان دەيىن «حارەكەت» قورى «1000 تەڭگەگە باسپانا» اكتسياسىن دا ءساتتى جۇزەگە اسىرعان. اكتسيا اياسىندا رەسپۋبليكا بويىنشا 200-گە تارتا وتباسى پاتەرگە قول جەتكىزدى. بۇل وسى اكتسياعا قاتىسىپ, ءوز ۇلەستەرىن قوسقان بۇقارانىڭ ەڭبەگى. حالىق كوڭىلىنە قۋانىش ۇيالاتىپ, مەرەيىن اسىرعان جوبالار ءالى دە جالعاسا بەرمەك.
