العاشقى جارىس 9 مامىردا وتەدى. اقش-تىڭ فلوريدا شتاتىنداعى دجەكسونۆيلل قالاسىندا ورنالاسقان VyStar Veterans Memorial ارەناسىندا شىمىلدىعى تۇرىلەتىن تۋرنيردە توني فەرگيۋسون مەن دجاستين گەتجي اراسىنداعى جەكپە-جەكتەن بولەك, گەنري سەحۋدو مەن دومينيك كرۋز, فرانسيس نگاننۋ مەن جايرزينو روزەنسترۋيك, الەكسەي ولەينيك پەن فابريسيو ۆەردۋم, دونالد سەررونە مەن ەنتوني پەتتيس سىندى جۇلدىزداردىڭ ايقاسىن تاماشالايمىز. ودان كەيىن UFC باسشىلىعى 13-23 مامىر ارالىعىندا تاعى ءۇش ءدۇبىرلى دودا ءۇيىمداستىرۋدى جوسپارلاۋدا. بۇل باسەكەلەردە ەنتوني سميت پەن گلوۆەر تەيشەيرا, اليستار وۆەريم مەن ۋولت حارريس جانە تاعى باسقا ساڭلاقتار كۇش سىناسادى.
- ەڭ باستىسى, فلوريدا شتاتى باسشىلىعىنىڭ رۇقساتىن الىپ, بارلىعى زاڭدى تۇردە بەكىتىلدى. ءبىر وكىنشىتىسى, بۇل جەكپە-جەكتەر كورەرمەنسىز وتەدى. بىراق ودان جارىستىڭ قىزىعى ەش كەمىمەيدى. تەلەديدار نەمەسە عالامتور ارقىلى تاماشالايتىن كورەرمەندەردىڭ قاتارى مول بولاتىنىنا سەنىمىم زور. UFC تۋرنيرلەرى ودان كەيىن دە جالعاسادى. ەگەر قاجەت بولسا, ءبىز سول باسەكەلەردى الىستاعى ارالدا دا وتكىزۋگە ءازىرمىز, – دەيدى دەينا ۋايت .
كەيبىر دەرەككوزدەرگە سەنسەك, UFC ۇيىمى وسىدان ءبىراز ۋاقىت بۇرىن اقش-تىڭ ماڭىنداعى ارالداردىڭ ءبىرىن ساتىپ العان ەكەن. دەينا ۋايت سونىڭ جاعالاۋىندا وكتاگون ورناتىپ, جارىس ۇيىمداستىرۋدى كوزدەپ وتىرعان كورىنەدى.
