ايماقتار • 29 ءساۋىر، 2020

«قازمۇنايگاز»: بيىلعى ءبىرىنشى توقسانداعى وندىرىستىك ناتيجەلەر جاريالاندى

7 رەت كورسەتىلدى

«قازمۇنايگاز» ۇلتتىق كومپانياسى قازاقستاننىڭ تىگىنەن ينتەگراتسيالانعان ۇلتتىق مۇناي-گاز كومپانياسى 2020 جىلعى ءبىرىنشى توقسانداعى وندىرىستىك ناتيجەلەرىن جاريالادى، دەپ حابارلادى كومپانيانىڭ جۇرتشىلىقپەن بايلانىس دەپارتامەنتى.

2020 جىلعى ءبىرىنشى توقسانىندا مۇناي مەن گاز كوندەنساتىن ءوندىرۋ دەڭگەيى 5 929 مىڭ توننانى قۇراپ، 2019 جىلعى ءبىرىنشى توقسانداعى دەڭگەيمەن شامالاس بولسا، مۇناي مەن گاز تاسىمالداۋ سەگمەنتى سالىستىرمالى تۇردە تۇراقتى، 18 517 مىڭ توننا مۇناي مەن 28 320 ملن م³ گازدى قۇرادى. وتاندىق جانە رۋمىن مۇناي وڭدەۋ زاۋىتتارىندا كومىرسۋتەك شيكىزاتىن وڭدەۋ كولەمى4،9%-عا ازايىپ، 4 660 مىڭ توننانى قۇرادى.

-قازىر ءبىز ءبارىمىز كۇردەلى كەزەڭدى باستان وتكىزىپ جاتىرمىز. جاھاندىق پاندەميا سالدارىنان كوپتەگەن ەلدەردە ادامدار، دەنساۋلىق ساقتاۋ جۇيەسى جانە جالپى الەم ەكونوميكاسى اۋىر سىناقتان وتۋدە. بۇگىنگى تاڭدا ىندەتتىڭ تارالۋىن بولدىرماۋ جانە قاتاڭ ءتارتىپتى ساقتاۋ ءۇشىن الدىڭعى شەپتە جۇرگەن بارلىق دارىگەرلەرگە، پوليتسيا جانە باسقا دا قىزمەتكەرلەرگە العىس بىلدىرگىم كەلەدى. سالانىڭ ەرەكشەلىگىنە قاراي، ەل ەكونوميكاسىن قولداۋ قاجەتتىلىگى جانە ۇزدىكسىز وندىرىستىك پروتسەستى قامتاماسىز ەتۋ ءۇشىن قمگ وندىرىستىك قىزمەتىن توقتاتقان جوق. الايدا كوروناۆيرۋس پاندەمياسى سالدارىنان مۇناي باعاسىنىڭ كۇرت تومەندەۋى جانە قازاقستان ءوندىرۋدى تاۋلىگىنە 390 مىڭ باررەلگە قىسقارتۋ جونىندە شەشىم قابىلداعان مۇناي ءوندىرۋدى ۇجىمدىق قىسقارتۋ تۋرالى وپەك+ كەلىسىمى 2020 جىلدىڭ ەكىنشى توقسانىندا قمگ ءوندىرىسىنىڭ شەكتەلۋىنە اكەلۋى مۇمكىن. ۇلتتىق كومپانيا ەنەرگەتيكا مينيسترلىگىمەن بىرلەسىپ ءتۇرلى ستسەناريلەردى ازىرلەۋدە جانە قمگ مۇددەلى تاراپتارمەن بىرگە قاجەتتى شارالار قابىلدايتىن بولادى.

ەل ءۇشىن وسىنداي بۇرىن-سوڭدى بولماعان كەزەڭدە قمگ ءۇشىن قىزمەتكەرلەر مەن ولاردىڭ وتباسىلارىنىڭ اماندىعى، كومپانيانىڭ مۇمكىندىكتەرىنە قاراي داعدارىستى جاعدايدى ەڭسەرۋ باستى باسىمدىق بولىپ تابىلادى، دەدى  قمگ باسقارما توراعاسى اليك سەرىك ۇلى ايدارباەۆ.

سوڭعى جاڭالىقتار

ۇقساس جاڭالىقتار