«بۇگىنگى تاڭدا وبلىستا 113 ادام كوروناۆيرۋس ىندەتىن جۇقتىرعان. اتالعان ازاماتتار ءبىزدىڭ وڭىرگە وزگە ەلدەردەن نەمەسە باسقا قالالاردان كەلگەن. ايتار بولساق, قىرعىزستان رەسپۋبليكاسى, رەسەي, ءۇندىستان ەلدەرىنەن 26 ادام كەلگەن جانە وسى ناۋقاستارمەن بايلانىستا بولعان ادامداردان انىقتالۋدا. قازىرگى تاڭدا تەستىلەۋدەن 6700 ادام ءوتتى. ولار الەۋمەتتىك ماڭىزى بار مەكەمەلەردىڭ قىزمەتكەرلەرى, دارىگەرلەر, اسكەريلەر, توتەنشە جاعداي قىزمەتكەرلەرى جانە تاعى باسقالار. بۇل جۇمىستى ودان ءارى جالعاستىراتىن بولامىز», دەيدى ەرجان جىلقىباەۆ. سونىمەن قاتار, ول وڭىرگە بۇگىندە «تەنگيز شەۆرون» مەكەمەسىندە جۇمىس ىستەيتىن 300 ادامنىڭ كەلگەنىن جانە وزگە دە مەكەمەلەردە ۆاحتالىق جۇمىستا ىستەيتىن جامبىلدىقتاردىڭ كەلىپ جاتقانىن, ولاردىڭ ءبارى جاپپاي تەستىلەۋدەن وتۋدە ەكەنىن جەتكىزدى. جالپى, ەرجان جىلقىباەۆتىڭ ايتۋىنشا, بۇگىندە 43 ناۋقاس جازىلىپ, اۋرۋحانادان شىعارىلعان. قالعان 62 ازاماتتىڭ جاعدايى تۇراقتى. كارانتيننەن 1784 ادام شىققان. ناۋقاستاردى ەمدەۋ جانە وقشاۋلاۋ ءۇشىن 1364 توسەك قورى ازىرلەنىپ, 984 توسەك قولدانىسقا بەرىلگەن. ستاتسيونارلارعا جاتقىزۋ كەزىندە تسيكلدىك ءتارتىپ قاتاڭ ساقتالادى. كوروناۆيرۋس ىندەتىمەن كۇرەسۋ ءۇشىن جامبىل وبلىسى بويىنشا 770 مەديتسينا قىزمەتكەرى جۇمىس اتقارادى. «قازىرگى تاڭدا اق حالاتتى ابزال جانداردىڭ زور ەڭبەكتەرىنىڭ كۋاسى بولىپ وتىرمىز. بارشا مەديتسينا قىزمەتكەرلەرىنە ەرەن ەڭبەكتەرى ءۇشىن العىسىمىزدى بىلدىرەمىز. ەل پرەزيدەنتى مەديتسينا سالاسىنىڭ قىزمەتكەرلەرىنە قوسىمشا ۇستەماقى تولەۋ بويىنشا تاپسىرما بەرگەن بولاتىن. بۇگىنگى كۇنگە وبلىس بويىنشا 2000 مەديتسينا قىزمەتكەرىنە 190 ميلليون تەڭگە قارجى ءبولىنىپ, تولەنۋدە. بۇدان باسقا, الدىڭعى شەپتە جۇرگەن سالا قىزمەتكەرلەرىنە جاعداي جاساۋ ءۇشىن ەكى قوناقۇيگە 132 مەديتسينا قىزمەتكەرلەرى ورنالاستىرىلىپ, ولاردىڭ ءجۇرىپ-تۇرۋىنا ارنايى تاسىمالداۋ ۇيىمداستىرىلدى جانە تاڭعى, تۇسكى, كەشكى اسپەن قامتاماسىز ەتىلدى», دەدى وبلىس اكىمىنىڭ ورىنباسارى.
بۇگىندە وبلىستا مەديتسينالىق بۇيىمدار مەن قاجەتتى پرەپاراتتار قورى جەتكىلىكتى. ناقتى ايتساق, 6 441 دانا كوستيۋمدەر, 157 432 دانا ءبىر رەتتىك ماسكالار, 1 200 ۆيرۋسقا قارسى پرەپاراتتار, 5 384 انتيسەپتيكتەر جانە دەزينفەكتسيالىق زاتتاردىڭ (1122425 تابلەتكا, 1862 قۇتى, 3486 ليتر, 5125 كيلوگرامم) قورى بار. شۇعىل شىعىندارعا جالپى 1,5 ميلليارد تەڭگە كولەمىندە قاراجات بولىنگەن. سونىمەن قاتار, قاجەتتى مەديتسينالىق ماقساتتاعى بۇيىمدار مەن زەرتحانالىق قۇرالدار, جەكە قورعانىش قۇرالدارى, ءدارى-دارمەكتەر ساتىپ الۋ, جەتكىزۋ جۇمىستارى ۇيىمداستىرىلىپ, جۇرگىزىلۋدە. سونداي-اق, جيىندا قورداي اۋدانىندا قوسىمشا لابوراتوريا جاساقتالىپ, سونىڭ ارقاسىندا اناليزدەردىڭ ناتيجەسىن الۋ ۋاقىتى 6 ساعاتقا قىسقارتىلعانى ايتىلدى. قوسىمشا 3 لابوراتوريا اشىلىپ, وڭىردە بارلىعى 6 لابوراتوريا جۇمىس ىستەپ تۇر. ال, ءاناليزدىڭ ناتيجەسىن ءبىلۋ ءۇشىن تاراز قالاسىنا كەلىپ-كەتۋدىڭ قاجەتى جوق ەكەن. ءوز سوزىندە ەرجان جىلقىباەۆ مەركى اۋداندىق اۋرۋحاناسىنداعى كەلەڭسىزدىكتەر بويىنشا وبلىس اكىمى بەردىبەك ساپارباەۆتىڭ تاپسىرماسىمەن ارنايى كوميسسيا قۇرىلىپ, تەكسەرۋ جۇمىستارىنىڭ جۇرگىزىلگەنىن, باس دارىگەر, ونىڭ ورىنباسارى جانە باس ەسەپشى جۇمىستان بوساتىلعانى جونىندە بۇقارالىق اقپارات قۇرالدارىندا جاريالانعانىن ايتتى. سونىمەن قاتار, وسى ۋاقىتقا دەيىن باسشىسى جوق «مەركى اۋداندىق ورتالىق اۋرۋحاناسى», «جامبىل وبلىستىق كوپبەيىندى بالالار اۋرۋحاناسى», «جامبىل وبلىستىق كوپبەيىندى اۋرۋحاناسى», «قالالىق كوپبەيىندى اۋرۋحاناسى», «جامبىل وبلىستىق پسيحيكالىق دەنساۋلىق ورتالىعى» جانە «جامبىل اۋداندىق ورتالىق اۋرۋحاناسى» سياقتى 6 مەكەمەگە كونكۋرستىق كوميسسيانىڭ شەشىمىمەن باس دارىگەرلەر تاعايىندالعان. وبلىس اكىمىنىڭ ورىنباسارى بۇگىنگىدەي سىن ساعاتتا دارىگەرلەرگە جۇكتەلەتىن جۇمىستىڭ اۋقىمدى ەكەنىن, دەسەك تە جاڭا تاعايىندالعان باس دارىگەرلەردەن جاۋاپكەرشىلىك پەن كاسىبيلىكتى كۇتەتىنىن جەتكىزدى.
«تاعى دا ايتا كەتەتىن دۇنيە, ول تۇرعىندار تاراپىنان كوتەرىلگەن ماسەلەلەرگە جاۋاپ بەرۋ, جىلدام ارەكەت ەتۋ, كارانتين تالاپتارىن ءتۇسىندىرۋ ماقساتىندا تاراز قالاسىندا «109 جاردەم, جەدەل ارەكەت شتابىن» قۇردىق. تۇرعىنداردىڭ يگىلىگىنە تاۋلىگىنە 24 ساعات قىزمەت جاساپ وتىر. بۇل «حالىق ۇنىنە قۇلاق اساتىن مەملەكەت» ءپرينتسيپى جۇيەسى اياسىندا قىزمەت ەتەتىن تۇرعىندار ءۇشىن وڭتايلى قۇرال. توتەنشە جاعداي ۋاقىتىندا مەملەكەتتىك مەكەمەلەردەن حالىق دەر كەزىندە ارەكەت ەتەتىن تىندىرىمدى تىرلىكتى كۇتەتىنى ءسوزسىز. بۇگىنگى كۇننىڭ تالابى دا وسى. نەگىزگى مىندەتىمىز – ۆيرۋستىڭ تارالۋىنا جول بەرمەۋ. وبلىس اۋماعىندا ورناتىلعان بارلىق 48 بلوك-بەكەتتەردىڭ جۇمىسى كۇشەيتىلدى. بارلىعى 1000 ادام جۇمىلدىرىلدى. وندا ارنايى كامەرا, پالاتكالار ورناتىلىپ, تەپلوۆيزورمەن جانە قاجەتتى قۇرال-جابدىقتارمەن قامتاماسىز ەتىلدى. ءوڭىر تۇرعىندارىنىڭ دەنساۋلىعىنىڭ قاۋىپسىزدىگىن ىندەتتەن قورعايتىن قالقان وسى پوستتار بولىپ وتىر. ونداعى ءاربىر قىزمەتكەر وزىنە جۇكتەلگەن مىندەتتى مۇلتىكسىز الگوريتم تالاپتارىنا ساي ورىنداۋ كەرەك», دەدى ەرجان جىلقىباەۆ.
مەملەكەت باسشىسى قاسىم-جومارت توقاەۆ ءوزىنىڭ ۇندەۋلەرىندە, مەملەكەتتىك كوميسسيا وتىرىستارىندا حالىقتىڭ الەۋمەتتىك الەۋەتىنە باستى نازار اۋدارىپ كەلەدى. وبلىس اكىمىنىڭ ورىنباسارى وسىعان وراي, وڭىردە تۇرعىنداردى الەۋمەتتىك قولداۋ بويىنشا كەشەندى تۇردە كومەك كورسەتىلۋدە ەكەنىن جەتكىزدى. توتەنشە جاعدايعا بايلانىستى تابىسىنان ايىرىلعان تۇلعالارعا تاعايىندالاتىن 42 500 تەڭگە بىرىڭعاي جيىنتىق تولەمدەر تولەگەندەردى قوسقاندا بارلىعى 268 882 ازاماتقا تولەنگەن. تەك وسى باعىتتا 11,4 ميلليارد تەڭگە جۇمسالعان. «مەملەكەت باسشىسىنىڭ تاپسىرماسى بويىنشا وبلىستاعى 77 130 ادامعا قۇنى 5567 تەڭگەنى قۇرايتىن 429 ميلليون تەڭگەنىڭ ازىق-ت ۇلىك جيىنتىعى تولەندى. سونىمەن قاتار, وبلىستىق ەكونوميكالىق تەرگەۋ دەپارتامەنتى تاراپىنان تاركىلەنگەن قۇنى 546,5 ميلليون تەڭگەنى قۇرايتىن 530 مىڭ دانا كيىم-كەشەكتەر كوممۋنالدىق مەنشىككە الىنىپ, مۇقتاج جانە الەۋمەتتىك جاعدايى تومەن وتباسىلارعا تاراتىلاتىن بولادى», دەدى ەرجان جىلقىباەۆ. بۇدان بولەك, Nur Otan پارتياسى جامبىل وبلىستىق فيليالىمەن بىرلەسە, «BizBirgemiz» قورى قاراجاتىنان تاراز قالاسى بويىنشا حالىقتىڭ الەۋمەتتىك وسال توپتارىنا كومەك بەرۋ جۇمىستارى جۇرگىزىلگەن. ازاماتتار ءتىزىمى 7 سانات بويىنشا جاساقتالىپ, بۇگىنگى كۇنگە 16 768 ازاماتتىڭ ەسەپ شوتتارىنا 50 مىڭ تەڭگەدەن اۋدارىلعان. بارلىعى 838 ميلليون تەڭگە قاراجاتقا كومەك كورسەتىلۋدە. سونداي-اق, Nur Otan پارتياسىنىڭ ايماقتاعى بەلسەندى مۇشەلەرى, جەكە كاسىپكەرلەردىڭ كومەگىمەن 80 ميلليون تەڭگە كولەمىندە قارجى جينالىپ, 3000 وتباسى العاشقى كەزەكتەگى قاجەتتىلىكتەگى ازىق-ت ۇلىك سەبەتتەرىمەن قامتىلعان. وبلىستىڭ 400 مىڭ تۇرعىنىنا 20 ميلليارد تەڭگەگە جۋىق الەۋمەتتىك تولەمدەر تولەنگەن. بريفينگ بارىسىندا مۇنىڭ ءبارى مەملەكەتتىڭ قولداۋى ەكەنىن اتاپ وتكەن ەرجان جىلقىباەۆ بۇگىنگى تاڭدا حالىق ءۇشىن ماڭىزدى اقپاراتتىڭ ءبىرى – توتەنشە جاعداي كەزەڭىندە كوممۋنالدىق قىزمەتتەردى جەتكىزۋشىلەردىڭ شىعىندارىن وتەۋ ەكەنىن ايتتى. كوممۋنالدىق قىزمەتتەردى وتەۋ بىرىنشىدەن 1, 2, 3 توپتاعى مۇگەدەكتەر, مۇگەدەك بالا تاربيەلەۋشى وتباسىلار, كوپبالالى وتباسىلار, ۇلى وتان سوعىسىنىڭ مۇگەدەكتەرى مەن قاتىسۋشىلارى جانە ۇوس مۇگەدەكتەرى مەن قاتىسۋشىلارىنا تەڭەستىرىلگەن ازاماتتار, مەملەكەتتىك نەمەسە قوعامدىق مىندەتتەرىن, اسكەري قىزمەتىن ورىنداۋ كەزىندە, عارىش كەڭىستىگىنە ۇشۋدى دايىنداۋ نەمەسە جۇزەگە اسىرۋ كەزىندە, ادام ءومىرىن قۇتقارۋ كەزىندە, قۇقىق ءتارتىبىن قورعاۋ كەزىندە قازا تاپقان ادامداردىڭ وتباسى, ەڭ تومەن جانە از زەينەتاقى الاتىن زەينەتكەرلەر, اتاۋلى الەۋمەتتىك كومەك الاتىن ازاماتتار, ونىڭ ىشىندە جالعىزباستى زەينەتكەرلەر سياقتى ساناتتارداعى ازاماتتارعا بەرىلەدى.
«كوممۋنالدىق قىزمەت تۇتىنۋشىلاردىڭ دەربەس ەسەپ شوتتارىنا اي سايىن, 2 ايعا تىكەلەي 15 مىڭ تەڭگە كولەمىندە شىعىندار وتەلىپ تۇرادى. جالپى, وبلىس بويىنشا وسى باعىتتا 119 مىڭ تۇرعىندى قامتۋدى جوسپارلاپ وتىرمىز. CALL ورتالىق قۇرىلدى. وسى توتەنشە جاعداي ۋاقىتىندا ەڭ ۇلكەن ماسەلەنىڭ ءبىرى – حالىقتىڭ تابىسىن ارتتىرۋ بولسا, بۇل ءبىرىنشى كەزەكتە ناتيجەلى جۇمىسپەن قامتۋ ارقىلى شەشىلەتىنى ءسوزسىز. مەملەكەت تاراپىنان حالىقتى جۇمىسپەن قامتۋ جانە جاپپاي كاسىپكەرلىككە تارتۋ بويىنشا «ەڭبەك» مەملەكەتتىك باعدارلاماسى ىسكە اسىرىلۋدا. وبلىستا اتالعان باعدارلامانى جۇزەگە اسىرۋ ءۇشىن 2020 جىلعا 17 ميلليارد تەڭگە ءبولىندى. ونىڭ ىشىندە رەسپۋبليكالىق بيۋدجەتتەن 13,0 ميلليارد, جەرگىلىكتى بيۋدجەتتەن 3,8 ميلليارد تەڭگە. اعىمداعى جىلدىڭ 3 ايىندا باعدارلامامەن 8085 ادام قامتىلدى. جىلدىق جوسپار 49100 ادام, ول 16,5 پايىزعا ورىندالدى. رەسپۋبليكالىق بيۋدجەتتەن كورسەتىلگەن قولداۋ ناتيجەسىندە وبلىسقا 136 ميلليارد تەڭگە ءبولىندى, 30 مىڭ جۇمىس ورىندارى اشىلادى. سونىڭ ىشىندە جۇمىسپەن قامتۋدىڭ جول كارتاسى اياسىندا وبلىستا بارلىعى 831 ينفراقۇرىلىمدىق جوبانى ىسكە اسىراتىن بولامىز», دەدى اكىمنىڭ ورىنباسارى. سونىمەن قاتار, ول بۇل ماقساتتاعى 690 جوباعا 70 ميلليارد تەڭگە جانە قورداي اۋدانى بويىنشا 141 جوباعا 12 ميلليارد تەڭگە قارجى قارالعان. اعىمداعى جىلى جوسپارلانعان جوبالاردىڭ ەسەبىنەن 20 مىڭعا جۋىق جۇمىس ورىندارى اشىلاتىن بولادى. ينفراقۇرىلىمدىق جوبالار نەگىزگى 4 باعىت بويىنشا ىسكە اسىرىلادى. الەۋمەتتىك-مادەني نىساندارعا جاتاتىن 181 جوباعا 11,1 ميلليارد تەڭگە قارالىپ, 3715 جۇمىس ورىندارى اشىلادى. تۇرعىن-ءۇي كوممۋنالدىق شارۋاشىلىعى نىساندارىنا جاتاتىن 179 جوباعا 24,2 ميلليارد تەڭگە قارالىپ, 8092 جۇمىس ورىندارى اشىلادى. سونىمەن قاتار, ول ينجەنەرلىك-كولىك ينفراقۇرىلىمدىق نىساندارىنا جاتاتىن 208 جوباعا 16,6 ميلليارد تەڭگە قارالىپ, 5531 جۇمىس ورىندارى اشىلسا, ەلدى مەكەندەردى اباتتاندىرۋ نىساندارىنا جاتاتىن 122 جوباعا 4,3 ميلليارد تەڭگە قارالىپ, ولاردا 1407 جۇمىس ورىندارى اشىلاتىنىن مالىمدەدى. بۇدان كەيىن ول مەكتەپ وقۋشىلارىنىڭ قاشىقتىقتان ءبىلىم الۋىنا وراي قويىلعان سۇراققا جاۋاپ بەردى. توتەنشە جاعدايعا بايلانىستى وبلىس اۋماعىندا بارلىق 442 ورتا ءبىلىم بەرۋ مەكەمەلەرى 6 ساۋىردەن باستاپ قاشىقتىقتان وقىتۋ رەجيمىنە اۋىسقانىن ايتا كەلە, 235 مەكتەپتە قولجەتىمدى پلاتفورمالاردا قاشىقتىقتان ساباقتار وتكىزىلۋدە ەكەنىن, وعان 193200 وقۋشىى قامتىلعانىن جەتكىزدى. سول سياقتى بيىلعى ۇلى جەڭىستىڭ 75 جىلدىعىنا وراي ارداگەرلەرگە مەملەكەت تاراپىنان قانداي قولداۋدىڭ بولىپ جاتقانى تۋرالى سۇراققا دا جاۋاپ بەردى. «بۇگىنگى كۇنگە وبلىستا 58 سوعىس ارداگەرى مەن سوعىس مۇگەدەكتەرى بار. ولارعا 9 مامىر جەڭىس كۇنىنە 1,0 ميلليون تەڭگەدەن بىرجولعى الەۋمەتتىك كومەك كورسەتىلەدى. سوعىس ارداگەرى مەن سوعىس مۇگەدەكتەرىمەن تەڭەستىرىلگەن 2103 ادام بار. ولارعا 100,0 مىڭ تەڭگەدەن بىرجولعى الەۋمەتتىك كومەك كورسەتىلەدى. جالپى, 6814 ادامدى بىرجولعى الەۋمەتتىك كومەكپەن قامتۋ ءۇشىن بارلىعى 501,0 ميلليون تەڭگە قاراستىرىلدى», دەدى ول.
بريفينگتى قورىتىندىلاعان ەرجان جىلقىباەۆ كوروناۆيرۋس ىندەتىنە بايلانىستى توتەنشە جاعداي كەزىندە وبلىس باسشىسى بەردىبەك ساپارباەۆتىڭ باسشىلىعىمەن كەشەندى الەۋمەتتىك قولداۋ شارالارى قابىلدانعانىن, وڭىردەگى كاسىپكەرلەرمەن بىرلەسە مۇقتاج جاندارعا ءتۇرلى كومەك كورسەتىلىپ, ىندەتكە قارسى ساقتىق شارالارى مەن الدىن الۋ جۇمىستارى جۇرگىزىلۋدە ەكەنىن ايتا كەلىپ, باتىر باۋىرجان مومىش ۇلىنىڭ «تارتىپكە باس يگەن قۇل بولمايدى» دەگەن ءسوزىن ەستەن شىعارماي, كوپشىلىكتى كارانتين تالاپتارىن ساقتاۋعا شاقىردى.
جامبىل وبلىسى
