«دوستار» كلۋبىنىڭ قىزمەتى قارت ادامداردىڭ بوس ۋاقىتىن ۇيىمداستىرۋعا باعىتتالعان. ونىڭ قاتىسۋشىلارى فيتنەس, يوگا, سكانديناۆيالىق ادىسپەن جاياۋ جۇرۋمەن اينالىسىپ, كومپيۋتەرلىك ساۋاتتىلىقتارىن ارتتىرۋدا.
مۇندا 50-دەن 80 جاسقا دەيىنگى ايەلدەر اينالىسادى. ولاردىڭ ءبىر بولىگى - بۇل حالىقتىڭ الەۋمەتتىك جاعىنان وسال توپتارىنىڭ ايەلدەرى - تەگىن اينالىسادى, ەكىنشى بولىگى اقىلى توپتارعا بارادى. بۇل رەتتە ساباق ايىنا 6 000 تەڭگەنى قۇرايدى. بارلىق باعدارلامالار قارت ادامدار ءۇشىن ارنايى بەيىمدەلگەن: رۇقسات ەتىلگەن ادىستەمە ازىرلەندى, ولارمەن ەگدە ادامداردىڭ ەرەكشەلىگىن بىلەتىن ارنايى وقىتىلعان جاتتىقتىرۋشىلار اينالىسادى.
ەلدە كوروناۆيرۋس پاندەمياسىنا بايلانىستى توتەنشە جاعداي جاريالانعاندا, كلۋب تەز بەيىمدەلىپ, ونلاين-جۇمىسقا كوشتى. ونىڭ بارلىق دەرلىك قاتىسۋشىسى بەينەبايلانىس ءۇشىن جاڭا قوسىمشالاردى پايدالانۋدى ۇيرەندى جانە ساباقتى ۇيرەنشىكتى رەجيمدە, اركىم ءوز ۇيىنەن جالعاستىردى.
رافيە گاليۋللينا 62 جىل جەرگىلىكتى ءسۇت زاۋىتىندا باس بۋحگالتەر بولىپ جۇمىس ىستەدى. زەينەتكەرلىككە شىققاننان كەيىن ونىڭ بەلسەندىلىگى ازايعان جوق, ونىڭ ايتۋى بويىنشا ءوزىنىڭ سۇيىكتى ساباقتارىنا كوپ ۋاقىت بولەدى. رافيا ماجيتقىزى ءوزىنىڭ باقشاسىن كۇتۋدە, كىتاپتار وقيدى, ال جاقىندا عانا سكانديناۆيالىق جاياۋ ءجۇرۋ جانە يوگامەن اينالىسا باستادى.
ء«بىز 2019 جىلدىڭ كۇزىندە سكانديناۆيالىق جاياۋ جۇرۋمەن اينالىسا باستادىق. ءبىز تەك فيزيكالىق فورمانى ساقتاپ قانا قويماي, جاڭا ادامدارمەن تانىستىق. قىستا يوگامەن اينالىسۋدى شەشتىم. قازىرگى زامانعى تەحنولوگيالاردىڭ ارقاسىندا, كارانتيننىڭ باستالۋىمەن ءبىز ساباقتى توقتاتپادىق, كەرىسىنشە وتە ىڭعايلى جۇيە – ونلاين-رەجيمگە كوشتىك. كلۋبقا كەلگەننەن بەرى, مەنىڭ ءومىرىمنىڭ ساپاسى جاقساردى. مەن ءوزىمدى بۇرىنعىدان جاقسىراق سەزىنەمىن, دەنساۋلىعىم نىعايدى, دۇنيەتانىمى دا وزگەردى», - دەيدى رافيا ماجيتقىزى.
«دوستار» كلۋبى - كوممەرتسيالىق ەمەس ۇيىم الەۋمەتتىك ماسەلەنى كاسىپكەرلىك ءتاسىل ارقىلى شەشە الاتىن الەۋمەتتىك كاسىپكەرلىكتىڭ ۇلگىسى.
ء«بىز وسى جوبامەن قارت ادامداردىڭ جۇمىسپەن قامتىلۋى مەن بوس ۋاقىتىن وتكىزۋ ماسەلەسىن شەشۋدەمىز. ولار ساباققا قۋانا قاتىسادى, وسىلايشا وزدەرىن ساۋىقتىرادى, بىراق ەڭ باستىسى, ولار ءبىر-بىرىمەن ارالاسىپ جاڭا تانىستىقتارعا يە بولۋدا. ءبىزدىڭ كلۋبقا شامامەن 40 ادام كەلەدى, كەيبىرەۋلەرى جاقىن جاتقان اۋىلداردان قاتىنايدى. كلۋب اقىلى توپتاردان تۇسكەن تابىس قوسىمشا قۇرال-جابدىقتاردى ساتىپ الۋعا جۇمسالادى», - دەيدى «تالدىقورعان ايماقتىق جۇمىسپەن قامتۋ قورى» قق ديرەكتورى سۆەتلانا سادۋاقاسوۆا.
كارانتيننەن كەيىن, كلۋب شتاتتىق رەجيمدە جۇمىس ىستەيتىن بولادى, ال ازىرگە قاۋىپسىزدىك شارالارىن ساقتاي وتىرىپ, مەسسەندجەردە چاتتار ۇيىمداستىرىلعان, وندا قاتىسۋشىلار قارىم-قاتىناستى قولدايدى, كەڭەستەرمەن بولىسەدى, ءوز قولدارىمەن جاسالعان زاتتاردى كورسەتەدى. كلۋبتىڭ كوپتەگەن قاتىسۋشىلارى ءتىپتى بانك كارتالارىن اشىپ, ۇيدەن ارتىق شىقپاۋ ءۇشىن ونلاين تولەم جۇرگىزۋدى ۇيرەندى.
ايتا كەتەيىك, «دوستار» زەينەتكەرلەر كلۋبى 2019 جىلدىڭ كۇزىندە اشىلدى. تالدىقورعان ايماقتىق جۇمىسپەن قامتۋ قورىنىڭ ارقاسىندا «ارەكەت» الەۋمەتتىك كاسىپكەرلىكتى دامىتۋ جوباسىندا جەڭىسكە جەتتى. سول كەزدە قور «Samruk-Kazyna Trust» الەۋمەتتىك جوبالاردى دامىتۋ قورىنان 3 000 000 تەڭگە كولەمىندەگە گرانتقا يە بولدى.
