ەكىنشى كەزەڭ بويىنشا رەسپۋبليكالىق «Birgemiz» قورىنان وڭىرلىك «Birgemiz - Mangystau» قورىنا 358 ملن 100 مىڭ تەڭگە ءبولىندى. بارلىعى 7162 مۇقتاج جاندارعا 50 مىڭ تەڭگەدەن قارجىلاي كومەك كوسەتىلدى, دەپ حاباراليدى «Nur Otan» پارتياسى ماڭعىستاۋ وبلىستىق فيليالىنىڭ ءباسپاسوز قىزمەتى.
ماڭعىستاۋ وبلىسى بويىنشا اقتاۋ قالاسىندا تۇراتىن 3944 ادامعا جانە جاڭاوزەن قالاسىنىڭ 3218 ازاماتىنا قارجىلاي كومەك كورسەتىلدى. 50 مىڭ تەڭگە الەۋمەتتىك جاعىنان مۇقتاج جاندارعا جەكە ەسەپ شوتتارىنا اۋدارىلدى. ءار بانكتەن كومەك الۋشىلاردىڭ شوتتارىنىڭ جاعدايى ناقتىلاندى. «Birgemiz-Mangystau» قوعامدىق قورىنان كومەك الۋشىلاردىڭ تىزىمدەرى جەرگىلىكتى اكىمدىكتەر جاساقتادى. وڭىرلىك قورعا تۇسكەن قارجىنىڭ ماقساتتى جۇمسالۋى «Nur Otan» پارتياسى ماڭعىستاۋ وبلىستىق فيليالىنىڭ باقىلاۋىندا بولادى.
اتالعان كومەك وبلىس ورتالىقتارى مەن كوروناۆيرۋس تارالۋ قاۋپى جوعارى ءىرى قالالاردىڭ كومەككە مۇقتاج تۇرعىندارىنا كورسەتىلدى. وسى جايتتەر ەسكەرىلە وتىرىپ, رەسپۋبليكاداعى 23 قالا بەلگىلەنگەن. سول 23 قالانىڭ تىزىمىنە اقتاۋ جانە جاڭاوزەن قالالارى دا بار.
ءبىرىنشى كەزەڭدە رەسپۋبليكالىق «Birgemiz» قورىنان وڭىرلىك «Birgemiz - Mangystau» قورىنا 324 ملن 350 مىڭ تەڭگە بولىنگەن بولاتىن. ناتيجەسىندە بارلىعى 6487 مۇقتاج جاندارعا قارجىلاي كومەك كورسەتىلدى. ونىڭ ىشىندە 4374 اقتاۋلىق جانە 2113 جاڭاوزەندىكتەر.
ء«بىز بىرگەمىز» رەسپۋبليكالىق اكتسياسى ماڭعىستاۋ وبلىسىندا قارقىندى جۇزەگە اسىپ جاتىر. ەلباسى, «Nur Otan» پارتياسىنىڭ توراعاسى نۇرسۇلتان نازارباەۆتىڭ تاپسىرماسى بويىنشا, «كەدەرگىسىز كەلەشەك», «باقىتتى وتباسى» جانە «ارداگەرلەردى ارداقتايىق» پارتيالىق جوبالارى اياسىندا مەتسەناتتار, كاسىپكەرلەر مەن بەلسەندى ازاماتتاردىڭ قولداۋىمەن بۇگىنگە دەيىن 3142 وتباسىعا كومەك كورسەتىلدى.
جيناقتالعان قارجىعا ءبىرىنشى كەزەكتەگى ازىق-ت ۇلىك سەبەتتەرى مەن مەديتسينالىق ماسكالار, انتيسەپتيكالىق قۇرالدار ساتىپ الىندى. الەۋمەتتىك كومەكتى پارتيالىقتار مەن «Jas Otan» ۆولونتەرلارى ارقىلى حالىقتىڭ تۇرمىسى تومەن الەۋمەتتىك توبىنا بايلانىسسىز تاراتۋ جولىمەن بەرىلدى. ەلدە جاريالانعان توتەنشە جاعدايعا بايلانىستى ء«بىز بىرگەمىز» اكتسياسى جالعاسىن تابادى, دەلىنگەن حابارلامادا.
