قازىرگى ۋاقىتتا كوروناۆيرۋس جايىندا سەنىمدى اقپارات الۋعا ارنالعان جەكەلەگەن شەشىمدەر مەن رەسۋرستار كوپتەپ تابىلادى. كەسەل جونىندەگى تولىققاندى كورىنىسكە يە بولۋ ءۇشىن قازاقستاندىق پايدالانۋشىنىڭ ءبىر مەزگىلدە بىرنەشە دەرەككوزدى شولۋىنا تۋرا كەلەدى, ولار: Telegram-داعى ستاتيستيكا, ينتەرنەتتەگى سىرقات بەلگىلەرى, ەلەكتروندى ۇكىمەت پورتالىنداعى اۋرۋ جۇقتىرعاندار كارتاسى, ددۇ سايتىنداعى نىشاندار مەن قورعانۋ ادىستەرى. وعان قوسا, كەيبىر رەسۋرستار كوبىنە-كوپ كومپيۋتەر مونيتورى ارقىلى قاراۋعا ەسەپتەلگەن, تەلەفوننان كورۋگە ىڭعايسىز. وسى جانە باسقا دا سەبەپتەر اتالعان سەرۆيستى ازىرلەۋ يدەياسىن قولعا الۋعا سەبەپشى بولدى.
سەرۆيستى بوت تۇرىندە ىسكە اسىرۋ يدەياسى حالىقارالىق تاجىريبەگە نەگىزدەلگەن. Microsoft-تىڭ كوروناۆيرۋس جونىندەگى بوتىن 18 ملن-نان استام ادام پايدالاندى. فينليانديادا CoronaBot كومەگىنە ەكى اپتا ىشىندە 73 مىڭ ادام جۇگىنىپ, ولار 1,5 ملن حابارلاما جولدادى. وسى شەشىمدەر مەيلىنشە تانىمالدىققا يە بولىپ, بوت پايدالانۋشىلارىن الدىن الا تەستىلەۋ ناتيجەلەرىنە سۇيەنۋ ارقىلى اۋرۋ جۇقتىرعاندار سانىنىڭ كۇرت ارتۋىن بولجاۋعا مۇمكىندىك بەردى.
CoronaApp-تىڭ باستى ەرەكشەلىگى – بوتتىڭ تولىق قولدانبا رەتىندەگى اتقارىم جۇيەسىنىڭ كەڭدىگى. ستاتيستيكا جانە جۇقتىرعاندار كارتاسى بويىنشا قاجەتتى بارلىق اقپاراتتى الۋدان بولەك, پايدالانۋشىلار ددۇ-نىڭ الدىن الا دياگنوستيكالاۋ ادىستەمەسى بويىنشا بايقالعان اۋرۋ نىشاندارى نەگىزىندە سكرينينگتەن دە وتە الادى. تەست ناتيجەسى بويىنشا دەربەس كەڭەستەر بەرىلەدى. سونىمەن قاتار سەرۆيس رەسمي دەرەككوزدەردەن الىنعان وزەكتى جاڭالىقتاردى ۇسىنىپ, اۋرۋ بەلگىلەرىمەن قانشالىقتى تانىس ەكەنىڭىز جونىندە تەستتەن وتۋگە كومەكتەسەدى. ءارى بوت ىشىندە كوروناۆيرۋسقا قاتىستى ءتۇرلى پايدالى رەسۋرستارعا سىلتەمەلەر ورنالاستىرىلعان. ماسەلەن, دارىگەردەن ونلاين كەڭەس الۋعا بولاتىن قولدانباعا سىلتەمە.
«كەسەل جونىندە ادامدار نەعۇرلىم كوبىرەك بىلگەن سايىن, سوعۇرلىم كوبىرەك وزدەرىن جانە جاقىندارىن قورعاي الادى, – دەيدى Aitu جوباسىنىڭ جەتەكشىسى الەكساندر دەنيسەنكو. ءبىز وسىنداي قىسىلتاياڭ شاقتا سىزدەردىڭ جانە جاقىندارىڭىزدىڭ دەنساۋلىعىن ساقتاۋعا كومەكتەسەتىن پايدالى دا ماڭىزدى سەرۆيستەر ازىرلەۋدەمىز».
ءبىر ايتا كەتەتىنى, قازاقستاندا بۇل سەكىلدى سەرۆيستەر وسىعان دەيىن جاسالماعان. اnti-corona.kz قازاقستاندىق سايتى بار, بىراق ول تەك ۆەب-نۇسقادا. تەلەگرامداعى بوتتار بولسا, ولاردىڭ جاڭالىق وقۋ نەمەسە دياگنوستيكادان ءوتۋ جاعىنان العاندا اتقارىم اياسى تار. ال ءموبيلدى قولدانبالار اراسىندا CoronaApp-قا ۇقساس سەرۆيستەر قازاقستاندا جوق.
CoronaApp سەكىلدى كوپفۋنكتسيالى سەرۆيستەر – زاماناۋي تەحنولوگيالاردىڭ سوڭعى ترەندى. Aitu بوت-سەرۆيستەرىن قۇرۋ كەزىندە قولجەتىمدى UI(user interface) كومپونەنتتەردىڭ مول جيىنتىعى مەسسەندجەر ىشىندە ءبۇتىن ءبىر ينتەرنەت-دۇكەندى وپ-وڭاي قۇرۋعا مۇمكىندىك بەرەدى, ءتۇرلى تسيفرلى شەشىمدەردىڭ باسىن بىرىكتىرەدى جانە بىرنەشە قولدانبانى پايدالانۋ قاجەتتىلىگىنەن ارىلتىپ, ادام ءومىرىن جەڭىلدەتەدى. مىسالى, Aitu-داعى ەڭ تانىمال سەرۆيستەردىڭ ءبىرى – باسپانا الۋعا ارنالعان مەملەكەتتىك باعدارلاما بويىنشا بوت-كومەكشى «7-20-25» پايدالانۋشىلارعا ولاردىڭ باعدارلاما تالاپتارىنا ساي كەلەتىنىن انىقتاۋعا, اي سايىنعى تولەم مەن نەسيە بويىنشا ارتىق تولەمدى ەسەپتەۋگە, اناعۇرلىم ىڭعايلى وتەۋ كەستەسىن, تۇرعىن ءۇي كەشەندەرى مەن باعدارلاماعا قاتىسۋشى سەرىكتەس-بانكتەردى تاڭداۋعا جانە قاجەتتى قۇجاتتاردىڭ تولىق تىزىمىمەن تانىسۋعا كومەكتەسەدى. ەندى 10-15 قولدانبادا وتىرۋدىڭ قاجەتى جوق. بارلىعى ءبىر ورتادا قولجەتىمدى.
