اتالمىش مەكتەپتىڭ تاجىريبەسىنە نەگىزدەلگەن, سىبايلاس جەمقورلىقتىڭ الدىن الۋدا جۇرگىزىلگەن جۇمىستارىنىڭ قورىتىندىسىنا ارنالعان ونلاين-جيىنعا سىبايلاس جەمقورلىققا ءىس قيمىل اگەنتتىگىنىڭ رەسپۋبليكالىق «سانالى ۇرپاق» جوبالىق كەڭسەسىنىڭ باسشىسى قايىرجان توكۋشەۆ, الاتاۋ اۋداندىق بب باسشىسى قارلىعاش اقمۇرزاەۆا, الاتاۋ اۋدانىنىڭ مەكتەپ باسشىلارى جانە №151 جببم ديرەكتورى گءۇلشات مولداباەۆا مەن وسى باعىتتا قۇرىلعان مەكتەپتىڭ جۇمىس توبى قوسىلدى.
الدىمەن «پاراساتتى مەكتەپ» ارناۋلى كابينەتءى, كلۋب مۇشەلەرىنىڭ قامقورشىلىق كەڭەسى مۇشەلەرىمەن, اتا-انالارمەن, «شاپاعات»ىقشاماۋدانى تۇرعىندارىمەن تىعىز جۇمىس جاسالۋ بارىسى تانىستىرىلدى.
سونداي-اق ونلاين-جيىندا قامقورشىلىق كەڭەسىنىڭ مۇشەلەرى, اتا-انالار تولىق اقپاراتتى مەكتەپ دالىزىندە ورنالاسقان قابىرعا بۇرىشىندا سەنىم تەلەفوندارىنا, «Nur Otan» قوعامدىق قابىلداۋىنا, مەكتەپ ديرەكتورىنىڭ الەۋمەتتىك جەلى بلوگىنا دا اشىق حات جازۋعا تولىقتاي مۇمكىندىكتەرى بار ەكەندىگىن اتادى. سىبايلاس جەمقورلىققا قارسى ستاندارت بويىنشا مەكتەپ قىزمەتكەرلەرى اتقارعان جۇمىستاردىڭ ناتيجەسى, جۇمىس جوسپارلارى, بۇيرىقتار نەگىزى, «زاڭنامالار» توپتاماسى, ۇستازدار اراسىندا وتكىزىلگەن جينالىس, لەكتوريالار بارىسىندا جاسىرىن تۇردە ساۋالناما الىنىپ, ۇستازداردى تانىستىرۋ جۇمىستارى ۇنەمى جۇرگىزىلىپ تۇراتىنىن ايتىلدى.
سىبايلاس جەمقورلىقتىڭ الدىن الۋ جۇمىستارى جونىندە قۇرىلعان كوميسسيانىڭ جۇمىس جوسپارى, قۇجاتتارى تالقىلاندى. كونفەرەنتسيياعا قاتىسۋشىلارعا № 151 جببم-ءتىڭ 2019 جىلدىڭ شىلدەسىنەن جەلتوقسانىنا دەيىنگى ارالىقتاعى سىبايلاس جەمقورلىققا قارسى مونيتورينگ قىزمەتىندەگى سىبايلاس جەمقورلىققا قارسى قاۋىپتىڭ ىشكى تالداۋىمەن تانىستىرىلدى.
– مەكتەبىمىزدە «ادال ۇرپاق» ەرىكتىلەر كلۋبى 2017 جىلدان بەرى جۇمىس ىستەپ كەلەدى. قازىرگى تاڭدا مەكتەپتە 1800 وقۋشى بولسا, سونىڭ 800-ءى وقۋشى كلۋبقا مۇشە. اتاپ ايتساق, وتىز شاقتى اتقارىلعان سىنىپ ساعاتتار, فلەشموب, اكتسيالار, سۋرەت سالۋ, بەينەروليك بايقاۋى جىلدىق جوسپارعا ساي جۇرگىزىلىپ, ونىڭ ىشىندە بۇگىنگى تاقىرىپقا ساي «جەمقورلىققا – جول جوق», «ۆمەستە پروتيۆ كوررۋپتسي» «انتيكوررۋپتسيوننىە سكازكي», «ادال جانە ساتىلمايتىن ەڭبەك» تاقىرىپتارى, «ادال دۇكەن» جۇمىسى بويىنشا ءارتۇرلى ءىس-شارالار وتكىزىلءىپ تۇردى. «ادال ۇرپاق» ەرىكتى مەكتەپ كلۋبى 3 سەكتسيا بويىنشا جۇمىس ىستەيدى, – دەيدى №151جببم ديرەكتورى گءۇلشات مولداباەۆا.
سونىمەن قاتار بەينە-كونفەرەنتسياعا قاتىسۋشىلارمەن بىرگە پسيحولوگيالىق «سىيلىقتار»ترەنينگى ءوتتى. ترەنينگتە ءار قاتىسۋشىعا سۋرەتتەر كورسەتىلىپ, ولار ءبىر سۋرەتتى تاڭداپ سول سۋرەت ارقىلى قانداي قاۋىپ-قاتەر توبىنا جاتاتىندىعىن كورسەتىپ, ءتۇسىندىردى.
بەينە باس قوسۋدى قايىرجان توكۋشەۆ قورىتىندىلاپ, اتالمىش مەكتەپتىڭ جۇمىسىنا وتە جوعارى باعا بەرىپ, جۇمىستى وسى باعىتتا جالعاستىرۋدى ماقۇلدادى. سىبايلاس جەمقورلىققا قارسى ءىس-قيمىل زاڭنامالارىن دۇرىس ورىنداۋ جانە سىبايلاس جەمقورلىقتىڭ الدىن الۋدا مەكتەپ جۇمىسىن ودان ء ارى جەتىلدىرۋ جونىندە ۇسىنىستارىن اتادى.
