وسى جاڭالىقتى ەستىگەن رەسەي بوكس فەدەراتسياسىنىڭ باس حاتشىسى ۋمار كرەملەۆ مايك تايسونمەن جەكپە-جەك ۇيىمداستىرۋ جايىندا ۇسىنىس بىلدىرگەن كورىنەدى. اقش-تىڭ داڭقى جەر جارعان بوكسشىسىنىڭ دا ۇلكەن سپورتتان قول ءۇزىپ كەتكەنىنە ءبىراز جىلدىڭ ءجۇزى بولدى. سوڭعى كەزدەسۋىن 2005 جىلدىڭ 11 ماۋسىمىندا يرلانديالىق كەۆين ماكبرايتقا قارسى وتكىزىپ, تەحنيكالىق نوكاۋتپەن ۇتىلعان تايسون سودان كەيىن شارشى الاڭعا شىققان جوق. ۇستىمىزدەگى جىلدىڭ 30 ماۋسىمىندا مايكل 54 جاسقا تولادى.
«ارينە, مايكپەن كۇش سىناسۋعا مەن ءازىرمىن. ەكى ايداي دايىندالسام, بابىما كەلەمىن. بىراق مەن ونى ۇرىپ قۇلاتامىن دەپ ايتا المايمىن. ويتكەنى, بۇل – بوكس. رينگتە ءبارى دە بولۋى مۇمكىن. باسەكەنىڭ قالاي اياقتالاتىنى تەك ءبىر جاراتۋشىعا عانا ايان», - دەيدى ماسكاەۆ.
ولەگ ماسكاەۆ – قاراعاندى وبلىسىنداعى اباي قالاسىندا دۇنيەگە كەلدى.
1993-2013 جىلدار ارالىعىندا كاسىپقوي رينگتە جۇدىرىقتاستى. سول ارالىقتا 46 كەزدەسۋ وتكىزگەن ايتۋلى بوكسشى 39 رەت جەڭىسكە جەتتى. 28 قارسىلاسىن نوكاۋتقا جىبەردى. سوڭعى رەت 2013 جىلدىڭ 4 قاراشاسىندا بريتانيالىق دەنني ۋيليامستى ۇپاي سانىمەن ۇتتتى.
