ارينە, كوروناۆيرۋس دەرتى ۋشىعىپ تۇرعان كەزدە سپورتتىق جارىستاردىڭ سانىن بارىنشا شەكتەگەن ءجون. سول سەبەپتى دە بارشا جۇرت الماتى قالاسى اكىمشىلىگىنىڭ بۇل شەشىمىن قولداپ وتىر. ونىڭ ۇستىنە, شەتەلدىكتەردىڭ دە قازاقستانعا كەلە المايتىنى انىق. ال ەگەر ساڭلاق سپورتشىلار ونەر كورسەتپەيتىن بولسا, وندا بۇل باسەكەنىڭ قىزىعى دا كەميتىنى انىق. دەسەك تە الاتاۋ باۋىرايىندا جىل سايىن جالاۋى جەلبىرەيتىن جارىسقا بيىل كاسىپقويلار قاتىسپاعانىمەن, اۋەسقويلار اراسىندا سايىس ۇيىمداستىرۋ جاعى قاراستىرىلىپ جاتقان كورىنەدى.
ەستەرىڭىزگە سالا كەتەيىك, «الماتى تۋرىنىڭ» تۇساۋى 2013 جىلى كەسىلگەن بولاتىن. العاشقى دودادا ماكسيم يگلينسكي دارالانسا, ودان كەيىن الەكسەي لۋتسەنكو قاتارىنان ءتورت رەت باس جۇلدەنى ولجالادى. 2018 جىلى يتاليالىق داۆيدە ۆيللەللا توپ جارسا, بىلتىرعى جارىس يۋري ناتاروۆتىڭ جەڭىسىمەن اياقتالدى.
