Nur Otan پارتياسى سارىسۋ اۋداندىق فيليالىنىڭ بەلسەندى مۇشەلەرى مەن اۋداننان شىققان جومارت جۇرەكتى ازاماتتاردان ەرىكتىلەر توبى قۇرىلىپ, ولار اۋدانداعى الەۋمەتتىك كومەككە مۇقتاج جاندارعا قاجەتتى ازىق-ت ۇلىك سالىنعان پاكەتتەردى تەگىن تاراتۋدا. جەرگىلىكتى ازاماتتاردىڭ بۇل باستاماسىنا تۇرعىندار دا ءدان ريزا. كومەككە مۇقتاج جاندارعا كومەك بەرگەندەردىڭ قاتارىندا ساعىنبەك بەگەەۆ, دوسبول جىلقىباەۆ, بايمان الكەەۆ, جەڭىس توعىزاقباەۆ, عاني رىسپانوۆ, مۇرات تولەپبەكوۆ, مەيىرجان حانسەيىتوۆ جانە فارحات شايىمقۇلوۆ سەكىلدى ازاماتتار بار. سونىمەن قاتار, يگى باستاماعا «قاراتاۋ» تكوك, «التىن وردا» جشس, «جاڭاتاس جەل ەلەكتر ستانتسياسى» جشس جانە «اۋداننىڭ ىسكەر ايەلدەرى» ۇيىمى دا وزىندىك ۇلەسىن قوسىپ, قولداۋ ءبىلدىردى.
قايىرىمدىلىق اكتسياسى اياسىندا بارلىعى 7 ميلليون 684 مىڭ تەڭگەگە 535 وتباسىنا جاردەم بەرىلگەن. سونداي-اق, ەرىكتىلەر اۋىلداردا 21 تىگىن ورنىن ۇيىمداستىرىپ, بۇگىندە 13800 بەتپەردە تاراتىلعان. سارىسۋ اۋداندىق اكىمدىگىنىڭ مالىمەتىنشە, 4500-گە جۋىق بەتپەردە اۋداندىق جەدەل شتابتىڭ قورىندا تۇر ەكەن.
جامبىل وبلىسى
