ۇكىمەت • 28 ءساۋىر، 2020

قازاقستاندا 5163 اۋىلدىق ەلدى مەكەن ينتەرنەتپەن قامتاماسىز ەتىلەدى

18 رەت كورسەتىلدى

پرەمەر-مينيستر اسقار ءماميننىڭ توراعالىعىمەن وتكەن ۇكىمەتتىڭ سەلەكتورلىق وتىرىسىندا ەلدى مەكەندەردى كەڭجولاقتى ينتەرنەتكە قولجەتىمدىلىكپەن قامتاماسىز ەتۋ ماسەلەسى قارالدى.

بۇل باعىتتاعى اتقارىلىپ جاتقان جۇمىستار تۋرالى تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى ا. جۇماعاليەۆ، «قازاقتەلەكوم» اق باسقارما توراعاسى ك. ەسەكەەۆ، «ترانستەلەكوم» اق باسقارما توراعاسى ج. نادىروۆ، «كار-تەل» جشس اتقارۋشى ديرەكتورى ە. ناسترادين، سونداي-اق اقمولا وبلىسىنىڭ اكىمى ە. مارجىقپاەۆ پەن سولتۇستىك قازاقستان وبلىسىنىڭ اكىمى ق. اقساقالوۆ باياندادى.

قازاقستاندا ينتەرنەتتى بەلسەندى پايدالانۋشىلار قاتارى ارتىپ كەلەدى. سوندىقتان «تسيفرلىق قازاقستان» مەملەكەتتىك باعدارلاماسىن ىسكە اسىرۋ اياسىندا جەلىنى پايدالانۋشىلاردىڭ ۇلەسى 88%-عا دەيىن، ال تسيفرلىق ساۋاتتىلىق دەڭگەيى 83%-عا جەتەدى. بۇل مىندەتتەردى وسى جىلدىڭ سوڭىنا دەيىن جۇزەگە اسىرۋ 5163 اۋىلدىق ەلدى مەكەندى كەڭجولاقتى ينتەرنەتپەن قامتاماسىز ەتۋگە مۇمكىندىك بەرەدى. ناتيجەسىندە اۋىلداردا 7،6 ملن استام ادام ونلاين ءبىلىم الۋعا، تەلەمەديتسيناعا، مەملەكەتتىك قىزمەتتەرگە، ەلەكتروندىق ساۋداعا قول جەتكىزەدى. 

«توتەنشە جاعداي كەزىندە ينتەرنەتپەن تۇراقتى تۇردە قامتاماسىز ەتۋ ماسەلەسى مەملەكەت باسشىسىنىڭ ەرەكشە باقىلاۋىندا. قازىرگى جاعدايدا ينتەرنەت حالىقتىڭ نەگىزگى بايلانىس ارناسىنا اينالدى، ول سونداي-اق ەلەكتروندىق ساۋدا، ونلاين-وقۋ، ەلەكتروندىق مەملەكەتتىك قىزمەتتەر، دەنساۋلىق ساقتاۋ جۇيەسى، قارجى جانە ەكونوميكانىڭ باسقا دا سالالارىندا ماڭىزدى قۇرال بولىپ وتىر»، - دەدى ا. مامين.

ۇكىمەت باسشىسى تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىنە بايلانىس وپەراتورلارىمەن بىرلەسىپ جوسپارلانعان ەلدى مەكەندەردى ينتەرنەتپەن قامتاماسىز ەتۋ جوبالارىن ۋاقتىلى ىسكە اسىرۋ بويىنشا بارلىق قاجەتتى شارالاردى قابىلداۋدى تاپسىردى.

اكىمدىكتەرگە انتەننالىق - ماچتالىق قۇرىلىستار سالۋعا جانە بايلانىس جەلىسىن تارتۋعا جەر ءبولۋ، ەلەكتر ەنەرگياسىمەن قامتاماسىز ەتۋ ماسەلەلەرىن جەدەل شەشۋ تاپسىرىلدى.

سوڭعى جاڭالىقتار

اراق اۋرۋدان ايىقتىرمايدى

كوروناۆيرۋس • 10 شىلدە، 2020

پنەۆمونياعا باسقا اتاۋ بەرىلۋى مۇمكىن

كوروناۆيرۋس • 10 شىلدە، 2020

كوروناۆيرۋس ىندەتى 3 كەزەڭنەن تۇرادى

كوروناۆيرۋس • 10 شىلدە، 2020

ۇقساس جاڭالىقتار