«ازىق-ت ۇلىك قاۋىپسىزدىگىنىڭ قازىرگى جاعدايى بىرىنشىدەن ءونىمدى ۇزاق مەرزىمگە ساقتاۋ ءۇشىن ساپالى ينفراقۇرىلىمنىڭ جەتىسپەۋشىلىگىمەن سيپاتتالادى. بۇل اۋىل شارۋاشىلىق ءوندىرۋشىنىڭ شىعىنىن ارتتىرادى. ەكىنشىدەن ساۋدا-لوگيستيكالىق ينفراقۇرىلىم نىساندارىنىڭ ءبىر-بىرىمەن دۇرىس ۇيلەستىرىلمەۋى تۇتىنۋشىعا دەيىن جەتكىزەتىن تاۋار جولىن قيىنداتادى. ۇشىنشىدەن ساۋدا ينفراقۇرىلىمىنىڭ ەسكى فورماتتارى ءونىمدى ءتيىمدى تاراتىپ, ۇزاق مەرزىمگە باعانى تۇراقتاندىرۋعا جول بەرمەيدى. سونىمەن بىرگە ەلىمىزدەگى كولىك-لوگيستيكالىق جۇيەنىڭ قىمباتتىلىعى مەن تيىمدىلىگىنىڭ تومەندىگى ترانزيتتىك مۇمكىنشىلىكتەرى مەن ەكسپورتتىق الەۋەتتى تولىق اشۋعا قوسىمشا قيىندىقتاردى تۋىنداتادى», - دەدى باقىت سۇلتانوۆ.
ءمينيستردىڭ ايتۋىنشا, ىشكى نارىقتاعى سۇرانىس وتاندىق ازىق-ت ۇلىك تاۋارلارى ەسەبىنەن جابىلاتىنى ايقىن.
«الايدا قازىرگى ينفراقۇرىلىم, جەتىلدىرىلمەگەن لوگيستيكا, تاۋار اينالىمىنا قاتىسۋشىلاردىڭ ءوزارا ناقتىلانباعان ءىس-قيمىل باعانىڭ ەداۋىر وسۋىنە الىپ كەلەدى. ەلىمىزدىڭ ءاربىر ازاماتى مۇنى وسىنداي جاعدايدا اسىرەسە ماۋسىمارالىق كەزەڭدە سەزىنەدى. جىل سايىن اقپاننان مامىرعا دەيىن, ەگىن قورى تاۋسىلىپ, كورشى ەلدەردەن جاڭا ءونىم كەلە باستاعاندا ءبىز باعانىڭ جوعارى تۇراقسىزدىعىن بايقايمىز. بۇل ءوز كەزەگىندە ينفلياتسياعا تەرىس اسەر ەتەدى», - دەدى مينيستر.
