بۇل قاراجاتتىڭ بەلگىلى دارەجەدە ۇلعايعانىن كورىپ وتىرمىز. وتكەن جولى داعدارىسقا قارسى قولداۋ شارالارىنا ارنالعان پاكەت كولەمى 4,4 ترلن تەڭگە بولعان ەدى. دەمەك, بەلگىلى ءبىر دارەجەدە بۇل قاراجات الداعى ۋاقىتتا دا وسە بەرەتىنىن كورىپ وتىرمىز. بۇعان قوسا بۇگىندە 4 ملن 250 مىڭ ازاماتقا قارجىلاي كومەك كورسەتىلدى. كومەكتىڭ بۇل ءتۇرى دە الداعى ۋاقىتتا ارتا بەرەدى دەگەن سەنىمدەمىز.
جالپى, ەلدەگى تابىسىنان ۋاقىتشا ايىرىلعان ازاماتتاردى قولداۋعا شامامەن 400 ملرد تەڭگە قاراجات ءبولىپ وتىر. شىندىعىنا كەلگەندە مۇلدە تابىس كوزىنسىز قالعان وتباسى ءۇشىن 42 500 تەڭگە دە قاجەت قاراجات. توتەنشە جاعداي كەزىندە مەملەكەتتىڭ ەكونوميكانى قولداۋ شارالارىنىڭ ىشىندە شاعىن جانە ورتا كاسىپكەرلىكتى قولداۋعا باعىتتالعان باستامالاردى, اسىرەسە سالىقتىق دەمالىس جاريالاۋدىڭ ماڭىزدى قادام بولعانىن ايتا كەتۋ كەرەك. سونىمەن قاتار ەڭبەكاقى قورىنا قازان ايىنا دەيىن تولەم جاساماۋ تۋرالى قابىلدانعان شەشىم اسا ورىندى. ەندى جۇمىس بەرۋشىلەر وسىنداي جەڭىلدىكتەردى پايدالانىپ, ءوز جۇمىسشىلارىن قىسقارتپاۋعا ارەكەت جاسايدى. بۇل بەلگىلى ءبىر دارەجەدە جۇمىسسىزدىقتىڭ الدىن الۋ قادامى دەپ قابىلداعانىمىز دۇرىس. بۇعان قوسا اۋىل شارۋاشىلىعى سالاسىن قولداۋعا 200 ملرد تەڭگە ءبولىندى. الدىن الا باعاسى ەسەپتەلىنىپ, فەرمەرلەردىڭ قانشا ءونىم كولەمىن بەرەتىنىن, ونىڭ قانداي باعادا ساتىپ الىناتىنىن انىقتايتىن كەلىسىم جاسالدى. بۇل ەرتەڭگى كۇنى ازىق-ت ۇلىك ونىمدەرىنىڭ باعاسىن تۇراقتاندىرۋعا نەگىز بولاتىن باستاما بولماق. وسى بولىنگەن قوماقتى قاراجاتتىڭ تيىنىنا دەيىن قاجەتتى شارۋانىڭ, راسىمەن مۇقتاج ازاماتتاردىڭ قولىنا جەتۋى ەندىگى ماڭىزدى مىندەت. بۇل جولى بارماق باستى, كوز قىستى ارەكەتتەرگە جول بەرۋگە بولمايدى.
ماقسات حالىق,
GSB UIB بيزنەستى تالداۋ ورتالىعىنىڭ ساراپشىسى, ەكونوميست
