ايماقتار • 28 ءساۋىر، 2020

الماتى ەكونوميكاسىن قالپىنا كەلتىرۋدىڭ ەكىنشى كەزەڭى باستالدى

116 رەتكورسەتىلدى

ەرتەدەن قارا كەشكە دەيىن تىرشىلىگى قىز-قىز قايناپ جاتاتىن الماتى كارانتين كەزىندە ءبىر جاقسىلىپ تىنىس الدى. ەندى قالايدا قالىپتى ومىرگە كوشۋدىڭ قامىن جاساۋ قاجەت-اق. الىپ مەگاپوليستە ەكونوميكانىڭ بىرقاتار سالالارىن قالپىنا كەلتىرۋدىڭ ەكىنشى كەزەڭى باستالدى. كوپتىڭ كوكەيىندە جۇرگەن وزەكتى ساۋالداردىڭ جاۋابىن قالا اكىمىنىڭ ورىنباسارى ساپاربەك تۇياقباەۆ ايتىپ بەردى.

راسىندا، جىلت ەتكەن ءار اقپاراتقا ەلەڭدەپ وتىرعان قالىڭ بۇقارانى مازالاعان ماسەلە كوپ. قاۋىپ تولىق سەيىلدى دەمەسەك تە، ىندەتتىڭ بەتى بەرى قارادى دەگەن سارىنداعى اقپاراتتار ەل ءۇمىتىن قايتا تۇتاتا باستادى.  دەگەنمەن كوڭىلگە ۇيالاعان كۇمان-كۇدىك تە جوق ەمەس. ىندەتتەن ابدەن سەسكەنىپ قالعان تۇرعىندار بۇرىنعىداي كوشەدە ەمىن-ەركىن جۇرە المايتىنىن انىق تۇسىنەدى. ونىڭ ۇستىنە ايداي الەمگە ازۋىن كورسەتىپ داعدارىس كەلە جاتىر دەگەن ءسوز تاعى دا ەركىن تىنىستاۋعا ەرىك بەرمەيتىندەي. سونىمەن قالىپتى ومىرگە قادام باسۋدىڭ ەكىنشى كەزەڭىنە بەت العان الماتىدا قانداي وزگەرىستەر بولادى؟

بۇعان دەيىن مەگاپوليستە كوپتەگەن  سالالار شەكتەۋلى رەجىمدە جۇمىس ىستەپ كەلگەنى بەلگىلى. ولاردىڭ قاتارىندا كولىك، قويما، اقپاراتتىق جانە كوممۋنيكاتسيالىق تەحنولوگيالار سالالارى بار. اكىم ورىنباسارىنىڭ سوزىنشە، بۇل سەكتورلار تولىعىمەن جۇمىسىن قايتا باستايدى. تەك سانيتارلىق تالاپتاردى تولىقتاي ساقتاۋ قاتاڭ قاداعالانادى. الداعى ەكى اپتادا 90 مىڭعا تارتا ازامات ءوز جۇمىسىنا كىرىسەدى دەپ كۇتىلۋدە.

– 50%-عا دەيىن قارجى سەكتورىنا رۇقسات بەرىلەدى. ونىڭ ىشىندە ەكىنشى دەڭگەيلى بانكتەر، ميكروقارجى ۇيىمدارى، ساقتاندىرۋ كومپانيالارى، بروكەرلىك ۇيىمدار جانە لومباردتار، اقشا ايىرباستاۋ پۋنكتەرىن قوسپاعاندا. «لومباردتارعا تۇتىنۋشىلاردى قابىلداۋسىز، تەك ۋاكىلەتتى ورگاندا ەسەپتىك تىركەۋدەن وتۋگە رۇقسات بەرىلەدى. سونداي-اق، بيزنەسكە ارنالعان كاسىبي قىزمەت كورەسەتۋ سالاسىندا: كونسالتينگتىك قىزمەتەر، اۋديت، بۋحگالتەرلىك، زاڭگەرلىك. بۇل سەكتوردا كومپانيا قىزمەتكەرلەرىنىڭ 50% -نا دەيىن جۇمىس ىستەۋگە بولادى. سونىمەن قاتار، تاۋارلاردى ۇيلەرىنە جەتكىزىپ بەرەتىن كومپانيالارعا رۇقسات بار» دەدى ساپاربەك تۇياقباەۆ.

سونىمەن قاتار كولىك جوندەۋ ورىندارى (كولىك جۋ، دوڭگەلەك ايىرباستاۋ) ورگتەحنيكا مەن تۇرمىستىق تەحنيكانى جوندەيتىن ورتالىقتار، جارناما اگەنتتىكتەرى جۇمىسىن باستايدى. اۆتوكولىك ساتۋ ورىندارىنىڭ تەحنيكالىق قىزمەت كورسەتۋىنە دە شەكتەۋ قويىلعان جوق. كولىك جۋ جانە اۆتوسالوندار الدىن الا جازىلۋ بويىنشا جۇمىس ىستەۋى كەرەك.

الماتىدا جۇمىس ىستەيتىن 200 مىڭعا جۋىق ازامات قالادان تىسقارى اۋماقتا تۇراتىنىن ەسكەرسەك، شاھار قاقپالارىنا قويىلعان بلوك-بەكەتتەردىڭ جايى نە بولماق دەگەن زاڭدى سۇراق تۋىندايدى. تۇياقباەۆتىڭ سوزىنشە، مۇنداي بەكەتتەر كارانتين تولىق اياقتالعانشا تۇرا بەرەدى.

– سوندىقتان كاسىپكەرلەردىڭ وبلىستا تۇراتىن جۇمىسشىلارعا سەنىم ارتپاعاندارى دۇرىس. بۇل جۇمىستارعا ازىرشە الماتىلىقتاردى تارتقاندارى ابزال. ساۋدا، قىزمەت كورسەتۋ، قۇرىلىس جانە ونەركاسىپ سالالارى بويىنشا ءبىز جەكە كومپانيالارمەن بىرىگىپ كادرلاردى قايتا دايارلاۋدى جۇرگىزەمىز. ەگەر ماماندار جەتىسپەۋشىلىگىنە قاتىستى ماسەلەلەر تۋىنداسا، بىزبەن حابارلاسىڭىز، ءبىز ءار فاكتىنى زەرتتەپ، ءسىز ءۇشىن كادرلاردى دايىندايمىز. قالادا جۇمىسسىز جۇرگەندەر كوپ، – دەيدى ساپاربەك تۇياقباەۆ.

مامانداردى جەدەل قايتا دايارلاۋدىڭ جاڭا باعدارلاماسى ىسكە اسىپ جاتقانىن حابارلاعان اكىم ورىنباسارىنىڭ بۇل ءسوزى قانشالىقتى قيسىنعا كەلەتىنىن ۋاقىت كورسەتەر. قالا تىرشىلىگىن قامتاماسىز ەتىپ وتىرعان قانشاما بىلىكتى مامان جۇمىستان قاعىلادى دەۋ دە ادىلەتتى شەشىم دەپ ايتا المايسىز. بۇگىنگى تاڭدا شاھارداعى  394 كاسىپورىننىڭ 306-سى جۇمىس ىستەۋگە رۇقسات العان.

سوڭعى جاڭالىقتار

مارقاكولدە كۇزەت كۇشەيتىلدى

ايماقتار • بۇگىن، 10:41

پورترەت (ۇشتاعان)

ادەبيەت • بۇگىن، 08:51

ءار ادام – جەردىڭ تۇتىنۋشىسى

ەكولوگيا • بۇگىن، 08:48

وسىنداي ەلىم بار!

پىكىر • بۇگىن، 08:42

ءار ەلدىڭ ءوز دامۋ جولى بولادى

ساياسات • بۇگىن، 08:40

بايلامى بەكەم ءباتۋالى ءسوز

ساياسات • بۇگىن، 08:37

كەي وڭىردە ۆيرۋس ءورشي ءتۇستى

كوروناۆيرۋس • بۇگىن، 08:24

«مەنىڭ تۋىم» اكتسياسى ءوتتى

ايماقتار • بۇگىن، 08:09

ەلىمىزدىڭ باستى قۇندىلىقتارى

ساياسات • بۇگىن، 08:06

شارالار قاتاڭ ساقتالۋى ءتيىس

تەننيس • بۇگىن، 08:04

«بارىس» – ۇزدىكتەر قاتارىندا

حوككەي • بۇگىن، 08:03

ۇشتى، ۇشتى، شاتىر ۇشتى!..

قوعام • بۇگىن، 07:56

الماتىدا اقىن كوپ...

ادەبيەت • بۇگىن، 07:44

«اقبىلەك». جان جاراسى...

ادەبيەت • بۇگىن، 07:42

شۇعىلا-نۇردى بەتكە الىپ...

رۋحانيات • بۇگىن، 07:38

ابايعا ارنالعان ءمۇشايرا

اباي • بۇگىن، 07:36

سالعىرتتىق سان سوقتىرماسىن

قوعام • بۇگىن، 07:10

كوش باسىندا – مەيۆەزەر

كاسىپقوي بوكس • بۇگىن، 07:10

ۇقساس جاڭالىقتار