ماڭعىستاۋ وبلىسىندا جۇمىسپەن قامتۋعا جاردەمدەسۋدىڭ كەشەندى جوسپارى ازىرلەندى. كەشەندى جوسپار شەڭبەرىندە جۇمىسپەن قامتۋعا جاردەمدەسۋ شارالارىمەن 19 مىڭعا جۋىق ادام قامتىلادى دەپ كۇتىلۋدە. ونىڭ 8 مىڭنان استامى – تۇراقتى جۇمىس ورىندارىمەن. سونىمەن قاتار قىسقا مەرزىمدى كاسىبي كۋرستاردى بىتىرگەن 840 ادام جۇمىسپەن قامتىلادى, 624 ازامات ءۇشىن شاعىن نەسيە قاراستىرىلعان, 635 ادام جاڭا بيزنەس-يدەيالاردى ىسكە اسىرۋ ءۇشىن مەملەكەتتىك گرانتتارمەن قامتاماسىز ەتىلەدى, 376 ادام جاستار تاجىريبەسىنە جىبەرىلەتىن بولادى.
ماڭعىستاۋ وبلىسى اكىمى ءبىرىنشى ورىنباسارىنىڭ ايتۋىنشا, كەشەندى جوسپاردى ىسكە اسىرۋ باستالىپ كەتتى جانە نيەت بىلدىرۋشىلەر جەرگىلىكتى جۇمىسپەن قامتۋ ورتالىقتارى مەن بولىمدەرىنە حابارلاسا الادى.
ماڭعىستاۋ وبلىسى
