ول كانادانىڭ ۆانكۋۆەر قالاسىنداعى سايمون فرەيزەر ۋنيۆەرسيتەتىندە وقيتىن ەدى. الايدا, جاھان جۇرتىنىڭ ۇرەيىن ۇشىرعان كوروناۆيرۋس ينفەكتسياسىنا بايلانىستى ۋنيۆەرسيتەتىمىز ونلاين فورماتتاعى وقۋعا كوشىپتى.
– سودان ەلگە ورالۋعا جينالدىق. ۋنيۆەرسيتەت بيلەت الىپ بەردى. اتىراۋعا امستەردام ارقىلى ۇشاتىن رەيسپەن كەلگەن بويدا وقشاۋلاندىق. ءبىزدىڭ رەيستەگى ءبىر جولاۋشىنىڭ اناليزىنەن كوروناۆيرۋس ينفەكتسياسى راستالدى. ءسويتىپ, ءبىزدى دە 14 كۇن كارانتينگە, ياعني, اتىراۋداعى پروۆيزورلىق ستاتسيونارعا جاتقىزدى. شىنىمدى ايتسام, باستاپقىدا مەندە ينفەكتسيا سيمپتومى بولعان جوق. كارانتيندە ء وزىمدى جاقسى سەزىنىپ ءجۇردىم. دەنە قىزۋىم كوتەرىلمەدى. كارانتين مەرزىمى وتكەن سوڭ, ۇيگە بارامىن دەگەن ءۇمىتىم بار ەدى. بىراق, دارىگەرلەر مەنەن دە ۆيرۋستىڭ تابىلعانىن حابارلادى, -دەيدى ول.
ارينە, اۋرۋدىڭ قاي-قايسىسى دا ادامعا ۋايىم تۋدىرادى عوي. ال, مىناداي قاۋىپتى ىندەتكە شالدىعۋ تۋرالى ەستۋ, تىپتەن قورقىنىشتى ەكەنى راس. ىندەتتىڭ شەڭگەلىنە ىلىنگەنىن ەستىگەندە ايكوركەم دە قاتتى جىلادى. بىرەۋ سەنەر, بىرەۋ سەنبەس, ءدال سول ساتتە بولاشاعى ب ۇلىڭعىر تارتىپ بارا جاتتى.
– بۇل كۇن مەنىڭ ەسىمدە ماڭگى ساقتالاتىن بولار. ەسىمنەن شىعارا الار ەمەسپىن. بۇل – 8 ءساۋىر. ءدال وسى كۇنى مەندە قاۋىپتى ىندەتتىڭ بەلگىسى انىقتالدى. سول كۇنى اتىراۋداعى ينفەكتسيالىق اۋرۋحاناعا ءتۇستىم. ويىما نە كەلىپ, نە شىقپادى دەيسىز. ءارى-ءسارى كۇيگە ءتۇستىم. ۇيدەگىلەرگە تەلەفونمەن ۇزدىكسىز حابارلاسىپ, «ەندى نە ىستەيمىن؟» دەگەن سۇراقتى قايتا-قايتا قويا بەردىم, -دەيدى ايكوركەم كۋسەسوۆا.
ينفەكتسيالىق اۋرۋحاناداعى العاشقى كۇنى ۋايىممەن ءوتىپتى. دارىگەرلەر اۋرۋحاناعا جاتقان ساتتەن باستاپ ەكى ءدارى بەردى. بۇل – كوروناۆيرۋسپەن كۇرەسىپ جاتقان الەم مەديتسيناسى قولدانعان دارىلەر. ءدارى قابىلداعان سوڭ, باستاپقىدا اسقازانى اۋىرعان. كەيىن اۋزىما اششى ءدام كەلەتىن بولدى. دارىگەرلەر بۇل ىندەتتەن ساۋىعاتىنىنا سەندىرىپتى.
– مەنىمەن بىرگە پالاتادا ء ۇش ادام جاتتى. ولاردىڭ ءبىرىن قۇرعاق جوتەل قىسىپ, قاتتى قينالدى. ەندى ءبىرى ءدامدى, ءيىستى مۇلدەم سەزبەدى, -دەپ اۋرۋحانا كۇندەرىن مۇڭايا ەسكە الدى ول.
دارىگەرلەرگە ەشقانداي وكپەسى جوق. ولار كۇن سايىن ناۋقاستاردى بالاشا ماپەلەدى. قال-جاعدايىن سۇرادى. تاڭمەن بەرىلەتىن ءدارىنى قابىلداۋىن قاداعالادى. كەيىن دەنە قىزۋىن ولشەدى. تاڭەرتەڭگى ساعات 10:00 شاماسىندا دارىگەرلەر جاعدايىن تەكسەرەدى ەكەن.
– ءبىر ريزا بولاتىنىم, دارىگەرلەر ءبىزدى دارىمەن عانا ەمەس, جىلى سوزىمەن دە ەمدەپ شىعاردى. مەنىڭ قاۋىپتى ىندەتتەن جازىلىپ شىعۋىما بار ىنتاسىمەن ەڭبەكتەنگەن جانتورە ورىسباەۆا, سالتانات قايىروۆا, نۇرفيا قيزاتوۆا, ءاسيا سيدەشوۆالارعا, بارلىق مەديتسينا قىزمەتكەرلەرىنە العىسىم شەكسىز, -دەپ اعىنان جارىلدى ستۋدەنت. –اۋرۋحانادان شىققان كۇنى قۋانىشىمدا شەك بولعان جوق. سەبەبى, الەمدە بۇل ىندەتتىڭ قۇربانى بولىپ جاتقاندار كوپ عوي. باستاپقىدا «وسى ىندەتتى جەڭىپ شىقسام» دەگەن ارمانىم بولدى. سول ارمانىم ورىندالعانىنا قۋاندىم.
اۋرۋحانادان شىعىپ, ۇيگە كەلە جاتقاندا, كوشەدە كوپ ادامنىڭ الاڭسىز جۇرگەنىنە قىنجىلدى. جالپى, ادام باسىنان وتكىزبەي, قاۋىپ-قاتەردىڭ نە ەكەنىن سەزىنبەيدى عوي.
– قازىر حالىق اراسىندا «ۆيرۋس جوق, اۋرۋحاناعا جاتىپ شىعۋ ءۇشىن اقشا تولەپ جاتىر» دەگەن الىپ-قاشپا اڭگىمەلەر بار. ودان حاباردارمىن. بىراق, سونداي اڭگىمەلەردى تاراتىپ جۇرگەندەر دە, سوعان سەنەتىندەر دە قاتتى قاتەلەسەدى. ويتكەنى, كوروناۆيرۋس –ويىنشىق ەمەس. بۇل – وتە قاۋىپتى ىندەت. كوروناۆيرۋس ءبىزدىڭ ارامىزدا ءجۇر. سوندىقتان, دارىگەرلەر ۇسىنعان ساقتىق شارالارىن قاتاڭ ساقتاعان ءجون. مەنىڭ بارشاعا بەرەر كەڭەسىم ء–وزىڭىزدىڭ, وتباسىڭىزدىڭ, بارشا ادامزاتتىڭ اماندىعىن ويلاساڭىز, تارتىپكە باعىنىپ, تاعى دا قايتالاپ ايتايىن, ساقتىق شارالارىن ساقتاپ, بەي-بەرەكەت ءجۇرۋدى دوعارۋ كەرەك, -دەيدى ايكوركەم كۋسەسوۆا.
ەندى ول دارىگەرلەردىڭ بەرگەن كەڭەسىن ساقتاۋعا بەكىنىپ وتىر. ۇيىندە 21 كۇندىك كارانتيندە بولادى. مەكەن-جايى بويىنشا تىركەلگەن ەمحاناداعى ەپيدەميولوگ-دارىگەرگە كۇن سايىن جاعدايى تۋرالى حابارلاپ, ۆيدەو جىبەرەدى. كارانتين مەرزىمى اياقتالعان سوڭ, قايتادان اناليز تاپسىرادى. ء بارى دە جاقسى بولارىنا سەنەدى.
