قالالىق پوليتسيا ءبولىمىنىڭ ءباسپاسوز قىزمەتى حابارلاعانداي, نۇر-سۇلتان قالاسىندا كارانتين باستالعالى 3 347 ازامات جاۋاپقا تارتىلىپ, ونىڭ 226-سى قاماۋعا الىندى. سونداي-اق 2348 ادامعا ايىپپۇل سالىنىپ, 699 قۇقىق بۇزۋشىعا ەسكەرتۋ جاسالدى. 74 ءىس سوتتا قارالۋدا. اكىمدىكتىڭ كوممۋنالدىق تۇراعىنا 1160 كولىك قويىلدى.
«شەكتەۋلەر مەن ەسكەرتۋلەرگە قاراماستان بلوك-پوستتارعا توقتاماي, كارانتين ايماعىن كەسىپ ءوتۋ ارەكەتتەرى ءجيى ورىن الۋدا. بۇگىندە 143 ادام قاماۋعا الىنىپ, 44 ادامعا ايىپپۇل سالىندى. 24 ماتەريال سوت قارۋىنا جىبەرىلدى», – دەيدى ءباسپاسوز قىزمەتى.
«قۇرمەتتى قالا تۇرعىندارى, ءبىز حالىق قاۋىپسىزدىگىن قامتاماسىز ەتۋ ءۇشىن كارانتين كەزىندە قويىلعان شارتتاردىڭ قاتاڭ ساقتالۋىن تالاپ ەتەمىز. قابىلدانعان شارالارعا تۇسىنىستىكپەن قاراپ, پوليتسيانىڭ زاڭدى تالاپتارىن ورىنداڭىز جانە ولارعا ينفەكتسيانىڭ الدىن الۋعا كومەكتەسىڭىز. بۇل شارالاردىڭ بارلىعى ءسىزدىڭ جانە جاقىندارىڭىزدىڭ دەنساۋلىعى ءۇشىن جاسالدى», – دەلىنگەن حابارلامادا.
ال نۇر-سۇلتان قالالىق پوليتسيا ءبولىمى ارنايى رەجيمدە جۇمىسىن جالعاستىرۋدا. ەلوردادا كوروناۆيرۋس ينفەكتسياسىنىڭ تارالۋىن بولدىرماۋ, ازاماتتاردىڭ ءومىرى مەن دەنساۋلىعىن ساقتاۋ ءۇشىن بارلىق قاجەتتى شارالار قابىلدانۋدا.
