̶ بۇل ءتىزىم كۇشىنە ەنگەن جوق. دەسە دە, ۇلتتىق ەكونوميكا مينيسترلىگى بۇل شەشىمدى قابىلدانباستان نەگە تاراتقانى تۇسىنىكسىز. ويتكەنى, بۇل ءالى دە قارالىپ جاتقان ماسەلە. بۇل ءتىزىم ەكونوميكانى زەرتتەۋ ينستيتۋتى ماماندارىنىڭ جۇمىس قۇجاتتارى دەپ سانايمىن. سول ءتىزىم جەلىگە ءتۇسىپ, كوپتەگەن نارازىلىقتار تۋىندادى. بۇل قولدانىسقا ەنەيىن دەپ تۇرعان ءتىزىم ەمەس. بۇل ينستيتۋت ساراپشىلارىنىڭ ءارتۇرلى نۇسقالاردىڭ ىشىندە قايسى ءتىزىمدى قولدايمىز دەگەن وزدەرىنىڭ جۇمىس قۇجاتتارى, - دەدى پالاتا توراعاسى.
سونىمەن بىرگە, بۇل ءتىزىم «اتامەكەن» ۇكپ-مەن كەلىسىلمەگەن, سوندىقتان ۇلتتىق پالاتا كاسىپورىنداردى تاڭداۋ كريتەريلەرىن قالىپتاستىرۋعا جانە جۇيە قۇراۋشى كاسىپورىندار ءتىزىمىن قۇرۋعا ەش قاتىسى جوق ەكەنىن مالىمدەدى.
̶ بىزگە مينيسترلىكتىڭ باسشىلارى حابارلاسىپ, ۇلكەن كومپانيالاردىڭ جاعدايى قالاي دەگەن انكەتا تولتىرۋ تۋرالى ۇسىنىس جاسادى. ءبىز قارسى بولعان جوقپىز. تەك ورتا جانە ءىرى بيزنەستىڭ جاعدايىن انىقتاپ بەرۋگە عانا كەلىستىك. ويتكەنى «اتامەكەن» توتەنشە جاعداي ەنگىزىلگەننەن بەرى الدىمەن قاراپايىم حالىق پەن ميكرو جانە شاعىن بيزنەسكە كومەك كورسەتۋ قاجەت دەگەن باستامانى قولداپ كەلەدى, – دەدى ابىلاي مىرزاحمەتوۆ.
سونىمەن بىرگە, ابلاي مىرزاحمەتوۆ ۇلتتىق ەكونوميكا مينيسترىلىگى ءتىزىمدى قۇرۋدىڭ ولشەمدەرى مەن قاعيداتتارىن كاسىپكەرلەرگە ءتۇسىندىرۋى كەرەك دەپ اتاپ ءوتتى. ونىڭ ايتۋىنشا, بۇل سۇراق كەيبىر كومپانيالاردىڭ اكتسيونەرلەرى ءۇشىن دە ماڭىزدى بولۋى مۇمكىن. ويتكەنى, ولار ەشبىر ساۋالناما مەن ءوتىنىش بىلدىرمەگەندىكتەرىن ەسكەرۋ قاجەت كورىنەدى. (ول مىسال رەتىندە استانا توبىنىڭ جالعىز اكتسيونەرى نۇرلان سماعۇلوۆتى كەلتىردى).
̶ مۇمكىن, مينيسترلىك بۇنى ساراپتاۋى كەرەك, جانە جۇمىس ماتەريالدارىنىڭ جوباسىن دايىنداعان ساراپشىلار تۇسىنىكتەمە بەرىپ, ماسەلەنى جاسىرماۋى كەرەك. وكىنىشكە وراي, ساراپشىلار شۋ شىققان كەزدە ناقتى تۇسىنىكتەمە جاساۋى كەرەك ەدى. بىراق بۇل ۇەم-ءنىڭ كىناسى دەپ ايتپايمىز, دەگەنمەن ەگەر بۇل تىزىمدەر مينيسترلىك تاراپىنان شىققان بولسا, ناقتى تۇسىندىرۋلەرى كەرەك, - دەدى ابىلاي مىرزاحمەتوۆ.
