ايماقتار • 27 ءساۋىر، 2020

كىتاپحانا ۇجىمى ونلاين شارالاردى ويداعىداي وتكىزۋدە

81 رەت كورسەتىلدى

ەلىمىزدە توتەنشە جاعداي ەنگىزىلگەلى نۇر-سۇلتان قالاسى اكىمدىگىنە قاراستى ورتالىقتاندىرىلعان كىتاپحانالار جۇيەسى قاشىقتىقتان وقىپ جاتقان ستۋدەنتتەر مەن مەكتەپ وقۋشىلارى جانە قالا تۇرعىندارىنىڭ  بوس ۋاقىتىن رۋحاني بايىتۋ ماقساتىندا ناۋرىز ايىنان باستاپ Instagram @kitap_kala، يۋتۋب جانە فەيسبۋك جەلىلەرىن پايدالانىپ،  بالالار كىتابى اپتالىعىن، اقىن-جازۋشىلارمەن تىكەلەي ەفيردە كەزدەسۋلەر، موتيۆاتسيالىق باس قوسۋ، تۇساۋكەسەرلەر، ۆيكتورينالار، كىتاپ وقۋ چەلەندجدەرىن، حيت شەرۋ،  بايقاۋلار،  بەينەلەۋ ونەرى ت.ب. ونلاين ساباقتار وتكىزۋدى ويداعىداي اتقارىپ كەلەدى.

مىسالى، بۇعان دەيىن «شەت ءتىلىن ۇيرەنەمىز»، «مەن بىلەمىن»، «مەن ونى جاساي الامىن» ت.ب. كاسىبي ساباقتار رابيس باعدارلاماسى بويىنشا ونلاين ساباقتار جۇرگىزىپ، قازىرگى جاعدايعا قاتىستى ساقتىق شارالارى تۋرالى روليكتەر  كورسەتىلدى.

اتاپ ايتقاندا، ناۋرىز ايىنىڭ ءۇشىنشى اپتاسىنان باستاپ «بالالار كىتابى اپتالىعى» تۇراقتى وتكىزىلىپ كەلەدى.  وعان  تانىمال جازۋشىلار –  ولجاس سۇلەيمەنوۆ، باقىتجان قاناپيانوۆ جانە بالالار جازۋشىلارى تولىمبەك ابدرايىموۆ، داريا دجۋماگەلدينوۆا، دينا وراز، تىلەۋعازى بەيسەمبەك،  سونداي-اق  رەسسەي ەلىنىڭ  قالامگەرلەرى كيريلل پريۆالوۆ، اننا گونچاروۆا، يۋري نەچيپورەنكو، ميحايل شۆىدكوي، يگور شەۆچۋك ، تاتيانا ريك، اندرەي ۋسچەۆ، اناستاسيا ستروكينا ت.ب. قاتىستى.

سونىمەن قاتار، تىكەلەي ەفير فورماتىندا اقىن-جازۋشىلار سەرىكزات دۇيسەنعازين، نۇرلان قالقا، الماحان مۇحامەتقاليقىزى، اقبەرەن ەلگەزەك، ايتىسكەر اقىن بالعىنبەك يماش، جۋرناليست نۇربەك بەكباۋ ت.ب. كەزدەسۋلەر ۇيىمداستىرىلىپ، ولاردان قازىرگى قوعامعا قاتىستى كوپتەگەن كوكەيتەستى سۇراقتارعا تانىمدى،  قىزىقتى جاۋاپتار الىندى.   سونداي-اق،   ساياساتتانۋشى، باسپاگەر باقىتجان بۇقارباي جانە «نيكا كوممۋكاتيۆتىك دامۋ ورتالىعى» باسشىسى مەرۋەرت جۇنىسبەكپەن موتيۆاتسيالىق كەزدەسۋ  وتە تارتىمدى ءوتتى.

اسىرەسە، نۇر-سۇلتان قالاسىنىڭ تۇڭعىش ءباسپاسوز حاتشىسى، « ۇلى دالا قىراندارى» رەسپۋبليكالىق قوعامدىق  الەۋمەتتىك-مادەني قوزعالىسىنىڭ تەڭ توراعاسى، قازاقستانعا ەڭبەك سىڭىرگەن قايراتكەرى، جازۋشى سادىبەك تۇگەلمەن  سۇحباتتاسۋ وقىرماننىڭ كوڭىلىنەن شىقتى. 

سوڭعى جاڭالىقتار

اراق اۋرۋدان ايىقتىرمايدى

كوروناۆيرۋس • كەشە

ۇقساس جاڭالىقتار