سونىڭ ىشىندە ءبىر كەزدەرى «الەمدەگى ەڭ ءبىلىمدى ەلدەر» قاتارىنان 2-ءشى ورىندى العان يزرايلگە دە قيىن ءتيىپ جاتقان سەكىلدى. ويتكەنى كۇنى كەشە isralove.org سايتى: ء«بىلىم مينيسترلىگى قاشىقتان وقىتۋدىڭ ءتيىمسىز ەكەنىن مويىندادى», دەپ جازدى. ماقالادا جوعارىداعى مويىنداۋعا ساباقتاردىڭ جۇيەلى تۇردە وتپەيتىنى, باعدارلامانىڭ ورىندالماي جاتقانى سەبەپ ەكەنى ءسوز بولعان.
«كنەسسەت (يزرايل مەملەكەتىنىڭ ءبىر پالاتالى وكىلى جانە زاڭ شىعارۋشى ورگانى, ياعني پارلامەنتى. كنەسسەت 140 دەپۋتاتتان تۇرادى – ا.ش.) ءبىلىم بەرۋ كوميسسياسىنىڭ وتىرىسى 22 ساۋىردە كەشكە ءوتتى. وعان قاتىسۋشىلار, ونىڭ ىشىندە ءبىلىم مينيسترلىگىنىڭ وكىلى مەكتەپتەردەگى قاشىقتىقتان وقىتۋ پروبلەمالارىن تالقىلاۋ ءۇشىن باس قوستى. قاتىسۋشىلار بۇل وقىتۋدىڭ ءتيىمسىز ءادىسى ەكەنىن مويىندادى», دەلىنگەن ماتەريالدا.
وسىعان وراي يزرايل ۇكىمەتى باستاۋىش سىنىپ وقۋشىلارىن مامىردا ءداستۇرلى وقىتۋعا قايتا كوشىرمەك. ال شىلدە ايىندا مۇعالىمدەردى مەكتەپتەگى توعىز كۇندىك جۇمىسقا شىعارماق. ەڭ قيىنى ياففو قالاسى مۇعالىمدەر وداعىنىڭ باسشىسى بەن دەۆيد قازىر مۇعالىمدەردىڭ ەڭبەكاقىسىز جۇمىس ىستەپ جاتقانىن جەتكىزدى. وعان قوسا يزرايلدىك پەداگوگتاردىڭ جازداعى ەڭبەك دەمالىسىنان ايىرىلۋ قاۋىپى بار.
«قارجى مينيسترلىگىنىڭ وكىلى ۆەدومستۆونىڭ بالاباقشالار مەن باستاۋىش مەكتەپتەردى اشۋ جوسپارىن جاساعانىن, بىراق ۇكىمەت بۇل ۇسىنىستى قابىلداماعانىن اتاپ ءوتتى. ونىڭ (جوسپار) ءبىرى – اپتاسىنا 4 كۇن جۇمىس ىستەۋ, قالعانى دەمالۋ. بۇل اتا-انالارعا ۇيدەن شىعۋعا مۇمكىندىك بەرەدى.
وتىرىس بارىسىندا يزرايل پارلامەنتىنىڭ جانىندا نارازىلىق ميتينگى ءوتتى, وعان مەكتەپكە دەيىنگى مەكەمەلەردىڭ اشىلۋىن تالاپ ەتكەن اتا-انالار جانە ءماجبۇرلى جۇمىس ۋاقىتىنىڭ وتەماقىسىن العىسى كەلەتىن جەكەمەنشىك بالاباقشالاردىڭ يەلەرى قاتىستى», دەپ جازىلعان ماقالانىڭ سوڭىندا.
قوسا كەتەيىك, قازىر (24 ساۋىردەگى مالىمەت بويىنشا) يزرايلدە 14 مىڭ 592 ادام كوروناۆيرۋس جۇقتىرىپ, ونىڭ 191-ءى قايتىس بولعان.
