نەمىس بۋندەسليگاسىنىڭ باسشىلارى وسىنداي شەشىم قابىلداپ وتىر. ەگەر جەرگىلىكتى بيلىك ولاردىڭ بۇل ۇسىنىسىن قولداسا, وندا جارىس جالعاساتىن بولادى. بىراق الداعى ماتچتاردىڭ بارلىعى دا كورەرمەنسىز وتەدى. سول كەزدەرى ستاديونعا ارى كەتكەندە 213 ادامنىڭ عانا كىرۋگە قۇقى بار. ولاردىڭ بارلىعى دا جاسىل الاڭعا شىعاتىن كوماندالاردىڭ مۇشەلەرى.
گەرمانيا بۋندەسليگاسىنىڭ توقتالعانىنا دا ءبىراز ۋاقىت بولدى. 25 كەزدەسۋدەن كەيىن ازىرگە «باۆاريا» جەكە-دارا كوش باستاپ تۇر. وسى كۇنگە دەيىن ميۋنحەندىكتەر 55 ۇپاي جيىپ ۇلگەردى. ەكىنشى ورىنداعى دورتمۋندتىڭ «بورۋسسياسىنىڭ» باستى قارسىلاسىنان ءتورت ۇپايى كەم. سونداي-اق, «لەيپتسيگ» (50 ۇپاي), مەنحەنگلادباحتىڭ «بورۋسسياسى» (49 ۇپاي) جانە «بايەر» (47 ۇپاي) سىندى كلۋبتار ۇزدىك بەستىكتىڭ قاتارىندا.
