رۋحانيات • 24 ءساۋىر، 2020

ەل ءۇشىن قىزمەت ەتەدى

27 رەت كورسەتىلدى

جاھانعا جايىلعان كوروناۆيرۋس ىندەتى بۇكىل ەلدىڭ ۇرەيىن ۇشىرۋدا. بۇل ەلىمىزگە توتەنشە جاعداي جاريالاۋعا دەيىن جەتكىزدى. كارانتين جاريالانعالى پوليتسيا قىزمەتكەرلەرى مەن ۇلتتىق ۇلان جاۋىنگەرلەرى بىرلەسە قوعام قاۋىپسىزدىگىن قامتاماسىز ەتۋدە تاۋلىك بويى قىزمەت اتقارىپ جاتىر. ۇلاندىقتار رەسپۋبليكا بويىنشا مەملەكەتتىك ماڭىزدى مەكەمەلەر مەن ستراتەگيالىق نىسانداردى ەرەكشە باقىلاۋعا الدى.

بۇگىنگى تاڭدا قۇقىقتىق ءتارتىپ اسكە­رى­نىڭ جەكە قۇرامى توتەنشە جاعداي مەن كارانتينگە بايلانىستى بارلىق شارالارعا جۇمىل­دىرىلدى.

نۇر-سۇلتاندا كۇندەلىكتى ءتارتىپتى كۇزەتۋگە 1200 اسكەري قىزمەتشى بولىنەدى.  ولار پوليتسيا قىزمەتكەرلەرىمەن بىرگە 600 باعىتتا جاياۋ پاترۋلدەۋ ۇيىمداس­تىرادى. سونىمەن قاتار تۇنگى قىز­مەتكە 7 اۆتوپاترۋل ۇلتتىق ۇلاننان بولىنگەن. ءبىز سولاردىڭ قىزمەتىمەن تانىسقان ەدىك.

ەسىل وزەنىنىڭ جاعاسىندا جۇرگەن پاترۋلگە كەزدەستىك. پوليتسيا قىزمەتكەرى قاتارداعى ارنات امانوۆ پەن ۇلاندىق جاۋىنگەرلەر قاتارداعى ومىرزاق سارسەن مەن مارات ايتكەن قىزمەتتە ءجۇر ەكەن.

– ءبىزدىڭ مىندەتىمىز ەلورداداعى توتەن­شە جاعدايعا بايلانىستى كارانتين كە­زىندە كوشەدە كەزدەسكەن ادامداردىڭ قۇ­­جات­تارىن تەكسەرە وتىرىپ، ۇيدەن شىعۋ سەبەبىن انىقتاۋ. ولاردىڭ قاۋىپ­سىز­دىك شارالارىن ورىنداماۋى، بەت­پەر­دە­سىز كوشەدە ءجۇرۋى بويىنشا ءبىرىنشى ءتۇسىندىرۋ ەرەجەلەرى جۇرگىزىلەدى. ەگەر دە جۇمىس بابىمەن بولسا، قىزمەت ورنىنان ارنايى قۇجات بولۋى كەرەك. بارلى­عى ەرەجەگە ساي بولاتىن بولسا، جىبە­رەمىز. سونىمەن قاتار كولىكتەردى دە توقتاتىپ، ءتۇسىن­دىرۋ جۇمىستارىن جۇر­­گىزەمىز. ە­ل­ور­­د­امىزدا كوپشىلىك جي­نا­لاتىن ورىن­دار، ساياباقتاردا قى­دى­رۋعا تىيىم سا­لىن­­عاندىقتان بەيساۋات جۇرگەندەرگە ءتيىس­تى شارالار قول­دا­نىلادى. ەرەجەنى ەكىنشى مارتە بۇزۋ­شىلارعا بەلگىلەنگەن مولشەردە ايىپپۇل سا­لىنادى، – دەيدى ارنات جالعاس­بەك­ ۇلى. سونداي-اق وزدەرىنىڭ ءبىر كۇندىك كەزەك­شى­لىك قىزمەتتەرىمەن تولىعىراق تانىستىرىپ ءوتتى.

– ءبىزدىڭ كەزەكشىلىگىمىزدە كەزدەسكەن ادامدار تۇسىنىستىك تانىتىپ، ۆيرۋستىڭ تارالىپ كەتپەۋىنە قارسى ارنايى قولعاپ پەن بەتپەردەلەرىن كيۋدە. تاۋلىك بويى ۇيدە وتىرۋ قيىن ەكەنى بەلگىلى. ولار دا زەرىگەدى، سىرتقا سەرۋەندەگىسى كەلەدى. كوشەدە ىشىمدىك ىشكەن، يا بولماسا ءتارتىپ بۇزعانداردى كەزدەستىرسەك، سول اۋدانعا قاراستى پوليتسيا بولىمشەلەرىنە اپارامىز، – دەيدى قاتارداعى پوليتسيا قىزمەتكەرى ارنات امانوۆ.

ۇلتتىق ۇلاننىڭ جاۋىنگەرلەرىمەن دە سۇحبات جۇرگىزىپ كوردىك. ەفرەيتور ۇلان بورىباەۆتىڭ قىزمەت بارىسىندا ورەسكەل ءتارتىپ بۇزۋ وقيعالارى بولماعان ەكەن. كۇن سايىن 600 باعىت بويىنشا 1200 ۇلاندىق اسكەري قىزمەتكەر جۇمىلدىرىلدى دەسەك، ولار ەكى اۋى­سىم بويىنشا ەل تىنىشتىعى مەن قاۋىپسىزدىگىن كۇزەتەدى.

– تاڭعى 9:00-دەن كەشكى 16:00-گە دەيىن ءبىرىنشى اۋىسىم بولسا، كەشكى 16:00-دەن باستاپ تۇنگى 23:00-گە دەيىن ەكىنشى اۋىسىم جۇمىس جاسايدى. ودان كەيىن تۇنگى ۋاقىتتا 7 اۆتوپاترۋل قالا كوشەلەرىن باقىلايدى. ءبىزدىڭ مىندەتىمىز – قالا تۇرعىندارىنا ءتۇسىندىرۋ جۇمىستارىن جۇرگىزۋ. رۇقساتتاما قۇجاتتارىن تەكسەرۋ، تىنىشتىقتى كۇزەتۋ. كەيبىر ادامدار كارانتينگە بايلانىستى قاۋىپسىزدىك شارالارىن قولدانبايدى. بەيمەزگىل ۋاقىتتا كوشەدە جۇرەدى. بەتپەردەسىز دە ادامداردى ءجيى كەزدەستىرەمىز. ولارعا ەسكەرتۋ جۇمىستارىن جۇرگىزىپ، ارنايى بازاعا تىركەپ قويامىز. سول ءتارتىپ بۇزۋشى تاعى ءبىر مارتە كەزدەسسە، ايىپپۇل سالىنادى. ءبىر كىسىلەر بولادى «بىزدە بەتپەردە جوق، بارلىق دارىحانالارعا باردىق، ول جەرلەردە دە ساتىلىمدا تابىلمادى»، – دەيدى. «تىركەلۋ ورىندارىنا بايلانىس­تى اكىمشىلىك ورىندارىنا بارساڭىزدار، بەلگىلى ءبىر قۇجات تولتىرۋ ارقىلى ۆي­رۋس­قا قارسى جابدىقتار بەرىلەدى»، دەپ تۇسىندىرەمىز، – دەيدى ەفرەيتور ۇلان بورىباەۆ.

ەلىمىزدە توتەنشە جاعداي ەنگىزىلگەنگە دەيىن دە قالا كۇزەتىندە ادال قىزمەت اتقارىپ جۇرگەن قاتارداعى مەيرامبەك جەكسەنباي مەن قاناپيا سەيىت ۇلى دا ءبىزدىڭ ءبىر-ەكى سۇراعىمىزعا جاۋاپ بەردى.

– ءبىز وتان الدىنداعى ازاماتتىق بو­رى­شىمىزدى ادال اتقارۋ ءۇشىن انت بەر­گەنبىز. سوندىقتان دا بولار، ءبىز ءۇشىن كۇندەلىكتى جاۋىنگەرلىك قىزمەت پەن كارانتين كەزىندەگى قىزمەتتىڭ اسا ايىر­­ماشىلىعى جوق. باستىسى، حا­لىق­قا ادال قىزمەت ەتۋ. ەلىمىزگە الەم­گە تا­رال­­­عان ىندەت كەلگەلى شامالى ۇرەي ورىن العان­داي. دەسە دە، قالا تۇر­عىن­­دارىنان كاران­تين ۋاقىتىندا ۇيدە بولۋلارىن سۇ­رايمىز. ارنايى مامانداردىڭ ايت­قان­­دارىنا قۇلاق اسىپ، سابىرلىق تانىت­سا، ەلىمىز بۇل كۇندەردى دە ارتتا قالدىرادى دەپ سەنەمىز، – دەيدى ۇلان­دىق ساربازدار.

قالا كوشەلەرىن ارالاۋ بارىسىندا باي­قاعانىمىز، قوزعالىس بارىنشا سايا­بىر­سىعان. كەشكى ۋاقىتتا قالادا قىبىر ەتكەن جان جوق دەۋگە دە بولادى. باۋىرجان مومىش ۇلى ايتقانداي، «تار­تىپ­كە باعىنعان قۇل بولمايدى». بۇكىل ەل بولىپ جانساق اقپاراتتارعا سۇي­ەن­بەي، ەلىمىزگە تونگەن ىندەتتى جۇمىلا كوتەرسەك، ءبىز جەڭىپ شىعامىز.

 

ەسەنبول يمانعازى

 

سوڭعى جاڭالىقتار

اراق اۋرۋدان ايىقتىرمايدى

كوروناۆيرۋس • كەشە

ۇقساس جاڭالىقتار