23 ساۋىردەگى جاعداي بويىنشا 42 500 تەڭگەلىك تولەمگە 8 ملن 21 مىڭ ادام ءوتىنىش بەردى.
بىرەگەي وتىنىشتەردىڭ ەڭ كوپ سانى كەلەسى وڭىرلەردە تىركەلدى. ماسەلەن, الماتى وبلىسى – 1 ملن 44,8 مىڭ, تۇركىستان وبلىسى – 998,9 مىڭ, الماتى قالاسى – 896,2 مىڭ, نۇر-سۇلتان قالاسى – 594,5 مىڭ, شىمكەنت قالاسى – 534,4 مىڭ ادام ءوتىنىش جولدادى. وڭىرلەر بويىنشا كەلەسى وبلىستاردىڭ تۇرعىندارىنا جاردەماقى ەڭ كوپ تاعايىندالعان: الماتى وبلىسى – 603,4 مىڭ; تۇركىستان وبلىسى – 496,6 مىڭ; الماتى قالاسى – 403,1 مىڭ.
كەلىپ تۇسكەن 3 ملن 585 مىڭ ءوتىنىم بويىنشا 42 500 تەڭگە تاعايىنداۋدان باس تارتىلدى, سەبەبى ولار تج كەزىندە تابىستىڭ جوعالۋىنا بايلانىستى ماسق-دان الەۋمەتتىك تولەمدى تاعايىنداۋ قاعيدالارىنا سايكەستىگىن تەكسەرۋدەن وتپەگەن.
باس تارتۋدىڭ نەگىزگى سەبەپتەرى تومەندەگىدەي:
- ءوتىنىش بەرۋشىنىڭ جەكە دەرەكتەرىنىڭ دۇرىس كورسەتىلمەۋى;
- بانكتىك شوت ءنومىرىنىڭ دۇرىس كورسەتىلمەۋى;
- ءوتىنىش بەرۋشىدە تۇراقتى جالاقىسىنىڭ بولۋى (ونىڭ ىشىندە مەملەكەتتىك قىزمەتكەرلەر مەن بيۋدجەتتىك ۇيىمداردىڭ قىزمەتكەرلەرى);
- ءوتىنىش بەرۋشىنىڭ توتەنشە جاعداي ەنگىزىلگەنگە دەيىن رەسمي جۇمىس ىستەمەگەن زەينەتاقى مەن جاردەماقى الۋشى بولىپ تابىلۋى;
- ءوتىنىش بەرۋشى ءۇشىن توتەنشە جاعداي رەجىمىن ەنگىزگەنگە دەيىن سوڭعى 12 اي ىشىندە مىندەتتى الەۋمەتتىك اۋدارىمداردىڭ, زەينەتاقى جارنالارىنىڭ جۇرگىزىلمەۋى, بجت تولەمەۋ نەمەسە بەيرەسمي ءوزىن ءوزى جۇمىسپەن قامتىعانداردىڭ ءوتىنىش بەرگەنگە دەيىن بجت تولەمەۋى;
- ءوتىنىش بەرۋشىنىڭ قايتىس بولۋى نەمەسە قازاقستان رەسپۋبليكاسىنىڭ اۋماعىنان تىس جەرگە تۇراقتى تۇرۋعا كەتۋى.
الەۋمەتتىك تولەم الۋعا ءوتىنىمدى eGov پورتالى, 42500.enbek.kz ۆەب-سايتى جانە https://t.me/Help42500Bot مەكەنجايى بويىنشا Telegram-بوت ارقىلى بەرۋگە بولادى.
ءوتىنىشتىڭ قارالۋ ستاتۋسىن 42500.enbek.kz سايتىندا تەكسەرۋگە بولادى.
قوسىمشا قاراۋدى تالاپ ەتەتىن ەرەكشە جاعدايلاردا ازاماتتار 42500@enbek.kz, 42500@gfss.kz ەلەكتروندى مەكەنجايلارىنا جازباشا ءوتىنىش بەرە الادى.
ماسق-تا تولەم جاساۋ تۋرالى شەشىم قابىلدانعاننان كەيىن ءوتىنىش بەرۋشىگە SMS-حابارلاما كەلەدى. كەيىننەن ءوتىنىش بەرۋشىنىڭ دەرەكتەرى «ازاماتتارعا ارنالعان ۇكىمەت» مەملەكەتتىك كورپوراتسياسى» كەاق-قا جىبەرىلەدى, ول ونى ەكىنشى دەڭگەيدەگى بانكتەرگە تولەم جۇرگىزۋ ءۇشىن جىبەرەدى. ەستەرىڭىزگە سالا كەتەيىك, قولدانىستاعى قاعيدالارعا سايكەس تج كەزەڭىندە قىزمەتتىڭ شەكتەلۋىنە بايلانىستى تابىسىنان ايىرىلعان جاعدايدا ءبىر ادامعا ماسق-تان ايىنا 42 500 تەڭگە مولشەرىندە بەرىلەتىن الەۋمەتتىك تولەم كەلەسى ساناتتارعا:
– جەكە كاسىپكەرلەرگە, شاعىن جانە ورتا كاسىپكەرلىك سۋبەكتىلەرىنىڭ جالاقىسى ساقتالمايتىن دەمالىستاعى قىزمەتكەرلەرىنە;
– كارانتين ەنگىزىلگەن ەلدى مەكەندەردە قىزمەتىن جۇزەگە اسىراتىن ءىرى كاسىپكەرلىك سۋبەكتىلەرىنىڭ جالاقىسى ساقتالمايتىن دەمالىستاعى قىزمەتكەرلەرىنە;
– مەملەكەتتىك مەكەمەلەردى قوسپاعاندا, كوممەرتسيالىق ەمەس زاڭدى تۇلعالاردىڭ جالاقىسى ساقتالمايتىن دەمالىستاعى قىزمەتكەرلەرىنە;
– جەكە پراكتيكامەن اينالىساتىن ادامدارعا (نوتاريۋس, جەكە سوت ورىنداۋشىسى, ادۆوكات, كاسىبي مەدياتور);
– سالىق كودەكسىنىڭ 774-بابىنا سايكەس, بىرىڭعاي جيىنتىق تولەمدى تولەۋشىلەر بولىپ تابىلاتىن جەكە تۇلعالارعا;
– نىساناسى جۇمىستاردى ورىنداۋ (قىزمەتتەر كورسەتۋ) بولىپ تابىلاتىن ازاماتتىق-قۇقىقتىق سيپاتتاعى شارتتار بويىنشا تابىس تاباتىن, سالىق اگەنتتەرى ولار ءۇشىن مىندەتتى زەينەتاقى جارنالارىن اۋدارعان ادامدارعا تاعايىندالادى.
1 جانە 2-تارماقشالار ۇلتتىق باسقارۋشى حولدينگتەردىڭ, ۇلتتىق حولدينگتەر مەن ۇلتتىق كومپانيالاردىڭ قىزمەتكەرلەرىنە قاتىستى ەمەس.
