امەريكاندىق Oracle باعدارلامالار جاسايتىن كومپانياسىنىڭ نەگىزىن قالاۋشى جانە ديرەكتورلار كەڭەسىنىڭ توراعاسى لارري ەلليسون YouTube جانە Zoom ارقىلى وتكەن بەينەكونفەرەنتسيالاردىڭ ساپاسىنا ريزاشىلىق ءبىلدىردى. «كومپانيالار ەشقاشان بەتپە-بەت كەزدەسۋلەرگە ورالمايدى. بۇل جەكە باس قاۋىپسىزدىگى ءۇشىن دە, قارجى ۇنەمدەۋ ءۇشىن دە ءتيىمدى. كومپانيانىڭ تابىسىنىڭ 15-20 پايىزى كەڭسەنى جالداۋعا نەمەسە كوممۋنالدىق شىعىڭدارعا كەتەدى. WeWork كوۆوركينگ جۇيەسى قارجىنى ۇنەمدەۋگە مۇمكىندىك بەرگەندىكتەن, بۇل ۇسىنىستان الپاۋىت كومپانيالاردىڭ وزدەرى باس تارتا المايدى. مەن وعان سەنەمىن», دەيدى لارري ەلليسون.
ەسكە سالا كەتەيىك, Oracle كومپانيادا 136 مىڭعا جۋىق قىزمەتكەر جۇمىس ىستەيدى.الەمنىڭ 17 ەلىندە فيليالى بار.
«ەگەر اركىم ۇيدە جۇمىس ىستەي الاتىن بولسا, وندا ۇلكەن كەڭسەلەردىڭ نە قاجەتى بار. مۇمكىن, كەڭسەنىڭ جال اقىسى نەمەسە كوممۋنالدىق تولەمدەردىڭ شىعاندارىن قىزمەتكەرلەرىمىزدىڭ ايلىق جالاقىسىن جۇمساۋدىڭ كەزى كەلگەن شىعار. قازىرگىدەي اقپاراتتى تەحنولوگيالاردىڭ زامانىندا كەڭسە جالداپ, باسى ارتىق شىعىنعا جول بەرۋ تىم اقىلدى شەشىم ەمەس», دەپتى تەحنيكالىق قولداۋ قىزمەتتەرىن ۇسىنۋشى SAP ريميني كومپانياسىنىڭ باس ديرەكتورى سەت راۆەن.
ونىڭ كومپانياسى لاس-ۆەگاستا ورنالاسقان جانە بۇكىل الەمدە 30 كەڭسەسى بار.
راۆەننىڭ ۇستانىمىن Okta قولدانۋشىسىنىڭ تىركەلۋ دەرەكتەرىن باسقارۋ قىزمەتتەرىنىڭ باس ديرەكتورى تودد ماككيننون دا قولدادى.
وكتا كومپانياسىندا 2 248 ادام جۇمىس ىستەيدى. ولاردىڭ كوپشىلىگى سان-فرانتسيسكوداعى باس كەڭسەدە, قالعانى – باسقا ەلدەردىڭ 12 كەڭسەسىندە ورنالاسقان. ء«بىز وسىعان كەڭسەلەر اۋماعىن ۇلعايتۋدى جوسپارلادىق. كەڭسەمىزدىڭ كوپتىگىنەن قىزمەتكەرىمىزدىڭ ءتيىستى دەڭگەيدە جالاقىسىن كوتەرۋگە مۇمكىندىك بولا بەرمەدى. قاشىقتان جۇمىس ىستەۋ بىزگە بار جوعارى 10 شاقتى شارشى مەتر كەڭسە دە قاجەتىمىزدى وتەيتىنىن كورسەتتى, ال بيزنەس كەلىسىمشارتتارى ءۇشىن كوۆوركينگ تە جەتەدى. سەبەبى كەز كەلگەن كومپانيا ءىرى كەلىسىمشارتتارعا كۇن سايىن قول قويا بەرمەيدى», دەدى ماككيننون.
ءبىز وسىعان دەيىن قازاقستاندا دا كارانتيننەن كەيىن حوۋم كەڭسە سۇرانىسقا يە بولاتىنىن, كەيبىر مەملەكەتتىك كورپوراتسيالاردىڭ وسى ۇردىسكە كەزەڭ-كەزەڭمەن كوشۋدى جوسپارلاپ جاتقانىن جازعانبىز.
قازاقستاندىق ساراپشىلار كوۆوركينگ بيزنەسى بۇعان دەيىن دە پايدا بولعانىن ايتادى. الماتى مەن نۇر-سۇلتاندا كەڭسە جالداۋدىڭ باعاسى قىمبات. سول سەبەپتى شوب وكىلدەرى قازاقستاندىق نەمەسە شەتەلدىك ارىپتەستەرىممەن كەلىسىمشارتقاقول قويۋ ءۇشىن كوۆوركينگتىڭ تيىمدىلىگىنە باسىمدىق بەرە باستاعان.
الماتى
