وتاندىق Global Online Startup Weekend: COVID-19 شىعارىلىمىنا ەلىمىزدىڭ بارلىق ايماقتارىنان 100-دەن استام قازاقستان ەكونوميكاسىنىڭ تۇراقتى دامۋىنا ارنالعان يننوۆاتسيالىق شەشىمدەردىڭ اۆتورلارى قاتىسادى. بۇل شارا تۇپنۇسقا يدەيالاردى جاساۋشىلار, يننوۆاتورلار, بيزنەس قۇرىلىمدار, ۇەۇ جانە قوعامنىڭ باسقا دا بەلسەندى مۇشەلەرى جاڭا تەحنولوگيالاردى قولدانا وتىرىپ, كوروناۆيرۋستىق داعدارىستى ەڭسەرۋدىڭ شەشىمدەرىنىڭ پروتوتيپتەرىن جاساۋ ءۇشىن ءبىر الاڭعا بىرىكتىرىلەدى. «قيىن ۋاقىتتا, ادامزات تاريحىندا ايتىلعانداي, بىرەگەي يدەيالار پايدا بولادى, ءار ءتۇرلى سالادا جاڭاشىلدار پايدا بولادى. جالپىعا بىردەي پروبلەما يدەولوگيالىق جانە ءوز ەلىنىڭ جانە بۇكىل الەمنىڭ بولاشاعىنا بەي-جاي قارامايتىن ادامداردى جۇمىلدىرادى. Techstars Startup Weekend عالامدىق باستاما پروبلەمالاردى شەشۋدى توپ بولىپ بىرىكتىرۋگە شاقىرادى. بۇگىنگى تاڭدا بۇل پروتوتيپ - شەشىم ءپروتوتيپى بولۋى مۇمكىن, بىراق ماقساتتى قولداۋمەن جانە تاجىريبەلى تالىمگەرلەردىڭ كومەگىمەن كەز-كەلگەن يدەيا پراكتيكالىق جازىقتىقتا بەينەلەنەدى. بۇل بايقاۋ, تۇڭعىش پرەزيدەنت قورىنىڭ كەز كەلگەن جوباسى سياقتى, ەڭ الدىمەن, ەرەكشە جانە شىعارماشىلىق جوبالار جاسايتىن تالانتتى قازاقستاندىقتاردى انىقتاۋعا باعىتتالعان», دەدى تۇڭعىش پرەزيدەنت قورىنىڭ ديرەكتورى سەرگەي توقتاروۆ.
سايىس ءۇش كەزەڭنەن تۇرادى. 200-دەن استام يدەيانىڭ ىشىنەن قازىلار القاسى ەكىنشى اينالىمدا وتكەن 100 تۇپنۇسقالىق ءوتىنىمدى تاڭداپ الدى. بۇل كەزەڭدە قاتىسۋشىلار ءوز يدەيالارىنىڭ ءپروتوتيپىن قۇرۋ ارقىلى بىرلەسكەن شەشىمگە كەلۋ ءۇشىن 5-10 ادامنان تۇراتىن توپتارعا بولىنەدى.
26 ساۋىردە وتەتىن قورىتىندى كەزەڭدە ادىلقازىلار القاسى بىرنەشە جەڭىمپازداردى انىقتايدى. ەكىنشى جانە ءۇشىنشى كەزەڭدەر سىلتەمە ارقىلى Discord ونلاين الاڭىندا وتەدى.
«قازىرگى ۋاقىتتا ۆيرۋس الەمنىڭ 200-دەن استام ەلدەرىنە اسەر ەتتى, ولار ەكونوميكالىق جانە الەۋمەتتىك سيپاتتاعى پروبلەمالارعا تاپ بولدى. تۋريزم سالاسى پاندەميادان زارداپ شەككەندەردىڭ ءبىرى بولعاندىقتان, ءبىز بۇۇ-نىڭ «تۋريزم ماسەلەسىن ەمدەيتىن شەشىمدەر» جانە دۇنيەجۇزىلىك تۋريستىك ۇيىمنىڭ جاھاندىق باستامالارىن جانە حالىقارالىق Techstars Online Global Start-Weekend: COVID-19 شىعارىلىمىن قولداۋعا شەشىم قابىلدادىق. بارلىق قاتىسۋشىلارعا ساتتىلىك تىلەيمىن جانە ورتاق كۇش-جىگەردىڭ ارقاسىندا ءبىز ناتيجەلى شەشىمدەردى تابا الامىز دەپ سەنەمىن.
ءبىزدىڭ سەرىكتەستەرىمىزگە تۇڭعىش پرەزيدەنت قورى, «الماتى وبلىسىنىڭ تۋريزم باسقارماسى» مەملەكەتتىك مەكەمەسى كورسەتكەن قولداۋى ءۇشىن العىس ايتقىم كەلەدى. بۇل مەملەكەتتىك ورگانداردىڭ, كوممەرتسيالىق ەمەس قورلار مەن نارىق سۋبەكتىلەرى تاراپىنان سوزبەن ەمەس, ءىس جۇزىندە يننوۆاتسيالىق دامۋعا دەگەن قىزىعۋشىلىقتىڭ ارتىپ كەلە جاتقاندىعىن تاعى ءبىر دالەلدەيدى», دەدى MOST بيزنەس-ينكۋباتورىنىڭ ديرەكتورى اليم حاميتوۆ.
ستارتاپ-بايقاۋدىڭ جۇلدە قورى ميلليون تەڭگەنى قۇرايدى. فيناليستەردىڭ ءبىرى سونىمەن قاتار سينگاپۋردە 2020 جىلدىڭ شىلدەسىنە جوسپارلانعان ەكسكليۋزيۆتى Techstars Innovation Bootcamp قاتىسادى.
Startup Weekend - بۇل 3 كۇندە ستارتاپتى ىسكە قوسۋعا كومەكتەسەتىن حالىقارالىق مودەل. 54 ساعات ىشىندە قاتىسۋشىلار توپ قۇرۋعا, جوبالار تۋرالى يدەيالار قۇرۋعا, ءوز جوبالارىن ازىرلەۋ ءۇشىن قاجەتتى ءبىلىم مەن ستاتيستيكالىق مالىمەتتەر الۋعا مۇمكىندىك الادى.
وسى ۋاقىت ىشىندە Kazakhstan Startup Weekend قاتىسۋشىلارى تۋريزم, دەنساۋلىق ساقتاۋ, ەكولوگيا, الەۋمەتتىك قولداۋ, اۋىل شارۋاشىلىعى, كولىك, قاۋىپسىزدىك, ەرىكتىلىك جانە ويىن-ساۋىق سالالارىنداعى ماسەلەلەردى شەشۋى كەرەك. قازىلار القاسى باسشىلىققا الاتىن نەگىزگى كريتەريلەر: شەشىمنىڭ وزەكتىلىگى, جاڭالىعى, ءپروتوتيپتىڭ بولۋى.
