قاشىقتان وقىتۋ – ءبىلىم بەرۋدىڭ اقپاراتتىق جانە تەلەكوممۋنيكاتسيالىق تەحنولوگيالاردىڭ كومەگىمەن جۇزەگە اسىرىلادى. قاشىقتان وقىتۋ تەحنولوگياسى بويىنشا وقىتۋشىنىڭ نەگىزگى مىندەتى - ءبىلىم الۋشىنىڭ وقۋ پروتسەسىن باقىلاۋ, ماقسات پەن مىندەتتەردى قويۋ, تەلەكوممۋنيكاتسيالىق قۇرالدارىن قولدانۋ, اقپاراتتىق جۇيەلەردەگى رەسۋرستاردى پايدالانۋ, وقىتۋ جۇيەسى بويىنشا ساباق وتكىزۋ ءۇردىسىن جان-جاقتى دايارلاۋ جانە باسقا دا بىرنەشە تالاپتار قويىلادى. ال ءبىلىم الۋشىنىڭ نەگىزگى مىندەتى - ماتەريالدى ءوز بەتىنشە يگەرۋ, جوعارعى دەڭگەيدە ءبىلىمدى ءوز بەتىمەن تولىقتىرۋ, جاڭا اقپاراتتىق تەحنولوگيانىڭ كۇرالدارىمەن جۇمىس ىستەي ءبىلۋ, ءوز بەتىنشە جۇمىستىڭ تەحنيكاسى مەن ادىستەمەسىن, نەگىزدەرىن مەڭگەرۋى قاجەت بولىپ تابىلادى.
- ش.ەسەنوۆ اتىنداعى كاسپي مەملەكەتتىك تەحنولوگيالار جانە ينجينيرينگ ۋنيۆەرسيتەتىنىڭ قاشىقتان وقىتۋعا دايىندىق دەڭگەيى جوعارى, سەبەبى بۇرىننان دا قاشىقتىقتان وقىتۋ ءتۇرى قولدانىلادى. ۋنيۆەرسيتەتتە قاشىقتىقتان ءبىلىم بەرۋ تەحنولوگيالارى: «Univer.yu.edu.kz», «Lessons.yu.edu.kz», «Meet.google.com», «Coursera» جۇيەلەرىن وقىتۋشىلار مەن ستۋدەنتتەر تولىققاندى قولدانۋدا. بۇل جۇيەلەر ارقىلى وقىتۋشىلار دارىستەرى مەن تاجىريبەلىك جۇمىستارىن ونلاين فورماتتا تۇسىندىرۋدە, ال ستۋدەنتتەرىمىز تاپسىرمالارىن, ءۇي جۇمىسىن ونلاين تۇردە كورسەتۋدە. ۋنيۆەرسيتەتتىڭ بۇكىل وقۋ پروتسەسىنە قاتىستى اتاپ ايتار بولساق, عىلىمي جانە وقۋ-ادىستەمەلىك كەڭەستەر, وقۋ ماجىلىستەرى, عىلىمي زەرتتەۋ جانە تاربيە جۇمىستارى, ۆەبينارلار مەن ونلاين-كونفەرەنتسيالار, ونلاين سەمينارلار, ترەنينگتەر, كونكۋرستار, ونلاين الەۋمەتتىك جوبالار, فاكۋلتەتىنىڭ وقۋ-ادىستەمەلىك بيۋرو جۇمىستارى, كافەدرالىق جينالىستار ونلاين رەجيمىندە وتكىزىلۋدە. ونلاين وتكىزۋ ارقىلى ءوز كەزەگىندە وڭ ناتيجەسىن كورسەتۋدە, دەيدى «مەنەدجمەنت» كافەدراسىنىڭ اعا وقىتۋشىسى ا.ك.ساگينديكوۆا.
سونىمەن بىرگە, «Coursera» ونلاين ءبىلىم بەرۋ ارقىلى ۋنيۆەرسيتەت وقىتۋشىلارى مەن ستۋدەنتتەرى كوپتەگەن ونلاين كۋرستارىن تەگىن وقي وتىرىپ, سەرتيفيكات الۋعا ۇلكەن مۇمكىندىك تۋىپ وتىر. «Coursera» - الەمنىڭ ۇزدىك ۋنيۆەرسيتەتتەرىنىڭ ونلاين كۋرستارىن تەگىن وقۋ ارقىلى ساپالى دا, قولجەتىمدى كونتەنت ارقىلى ءبىلىم الادى. بۇنىڭ ءوزى ءبىلىم مەن تاجىريبەنى ۇشتاستىرا وتىرىپ, جاۋاپكەرشىلىك پەن قىزىعۋشىلىقتىڭ ارتۋىنا جانە ءارى قاراي شىڭدالا تۇسۋىنە جەتەلەيدى.
اعا وقىتۋشى ا.ك.ساگينديكوۆانىڭ ايتۋىنشا, قاشىقتان وقىتۋ تەحنولوگياسى ءبىلىم بەرۋدىڭ جاڭا فورماسىنىڭ ءبىرى. «قاشىقتان وقۋدىڭ بەرەر مۇمكىندىكتەرى وتە كوپ. سوندىقتان دا, زامان تالابىنا ساي وزگەرۋ بۇگىنگى كۇننىڭ باستى تالابى دەپ تولىق نىق سەنىممەن ايتۋعا بولادى» دەيدى ول.
