1996 جىلى تۋعان اقتاۋ قالاسىنىڭ تۇرعىنى - كەشە تىركەلگەن 29 جانە 24 جاستاعى ەكى جىگىتتىڭ جۇمىستاسى.
ناۋقاس كوروناۆيرۋستىق ينفەكتسيا جۇقتىرعان اداممەن قارىم-قاتىناستا بولۋىنا بايلانىستى كارانتيندىك ستاتسيونارعا جاتقىزىلىپ, زەرتحانالىق سىناما الىنعان. پتر دياگنوستيكالىق زەرتتەۋ ناتيجەلەرى بويىنشا COVID-19 دياگنوزى ناقتىلاندى. كازىرگى ۋاقىتتا ول وبلىستىق جۇقپالى اۋرۋلار بولىمىنە ورنالاستىرىلعان.
سونداي-اق ناۋقاستىڭ ايەلى مەن بالاسى جانە جاقىن تۋىستارى دا تەكسەرىلۋگە جاتقىزىلدى. ول تۇراتىن اقتاۋداعى 16 شاعىناۋدان 28/1 ءۇيدىڭ پودەزى كارانتينگە جابىلدى. اۋرۋ وشاقتارىندا دەزينفەكتسيالىق جۇمىستار جۇرگىزىلىپ, ەپيدەمياعا قارسى ءىس-شارالار قولعا الىنعان.
