ايتەۋىر قىزىم جۇمىستا, ايتپەسە جاعدايىم تىم اۋىرلاپ كەتەر ەدى. وسىنداي جاعدايدا پرەزيدەنت قاسىم-جومارت توقاەۆتىڭ قيىن كەزەڭدەگى داعدارىسقا قارسى شارالار مەن تابىسىنان ايىرىلعان ازاماتتاردى قولداۋ جونىندەگى مالىمدەمەسى جاريالاندى. مەملەكەت تاراپىنان بىزدەي جانداردىڭ بارىنە ەڭ تومەنگى ەڭبەكاقى كولەمىندە جاردەماقى بەرىلدى. مۇندايدى بۇرىن الىپ كورمەگەن سوڭ با, سەنە قويعان جوقپىن. بىراق قىزىم قايتا-قايتا ايتىپ, قۇجاتتارىمدى جىبەرگەن ەدى. ەكى كۇننەن كەيىن ەسەپشوتىما اقشا ءتۇستى.
ارينە كوپ اقشا ەمەس, بىراق اجەپتاۋىر كومەك ەكەن. سوندىقتان سىندارلى ساتتە حالىقتىڭ مۇقتاجىن تاپ باسا بىلگەن پرەزيدەنتىمىزگە العىس ايتامىن. سونداي-اق ىندەتپەن كۇرەسىپ جاتقان دارىگەرلەرگە 3 اي بويى قوسىمشا اقى تولەنەتىنى دە ايتىلىپ, ورىندالىپ جاتىر. بۇل – وتە ادىلەتتى شەشىم. قازىر ولار بارلىق ادامعا قاتەر توندىرەتىن اجداھامەن كۇرەسۋدە, سوندىقتان ولاردى قولداۋ كەرەك.
پرەزيدەنت ق.توقاەۆ مەملەكەتتىڭ قاراجاتىن حالقىمىزدىڭ جاعدايىن جاقسارتۋعا جۇمساپ وتىر. زەينەتاقى مەن جاردەماقى كولەمىن 10 پايىزعا ارتتىرۋدى, بۇل ىسكە 200 ملرد تەڭگە قاراجات بولىنەتىنىن دە جەتكىزدى. مۇنىڭ ءبارى ءبىزدىڭ بىرلىگىمىزدى, ەل ەكەنىمىزدى كورسەتەتىن كومەك, قولداۋ دەپ بىلەمىن.
ساراش قۇدايبەرگەنوۆا
پەتروپاۆل
