مىسالى, ەندى «قاۋىپتىلىگى اسا جوعارى» ساناتىنا جاتاتىن رەانيماتسيا بولىمشەلەرى مەن ينفەكتسيالىق ستاتسيونارلاردا جۇمىس ىستەيتىن دارىگەرلەر مەن ورتا جانە كىشى مەديتسينا قىزمەتكەرلەرىنىڭ ەڭبەكاقىسىنا 20 ەسە ۇستەمەاقى تولەنەدى. ياعني مەديتسينا قىزمەتكەرىنىڭ ايلىق تابىسى 850 مىڭ تەڭگەگە دەيىن جەتەدى. ال «قاۋىپتىلىگى جوعارى» ساناتقا كىرەتىن پروۆيزورلىق ستاتسيونارلار مەن جەدەل جاردەم دارىگەرلەرى مەن ورتا جانە كىشى مەديتسينا قىزمەتكەرلەرىنە تولەنەتىن ۇستەمەاقى 10 ورتاشا ايلىق تابىس كولەمىندە بەلگىلەنىپ, ولارعا بەرىلەتىن ەڭبەكاقى 425 مىڭ تەڭگە شاماسىندا بولماق. سونداي-اق «قاۋىپتىلىگى ورتاشا» ساناتتاعى كارانتيندىك ستاتسيونار دارىگەرلەرى مەن ورتا, كىشى مەديتسينا قىزمەتكەرلەرى, سانيتار-دارىگەرلەر, مەملەكەتتىك قىزمەتشىلەر مەن جەدەل جاردەم كولىگىنىڭ جۇرگىزۋشىلەرىنە دە 5 ەسە ۇستەمە تولەنىپ, ايلىق تابىستارى 212,5 مىڭ تەڭگەنى قۇراماق.
وسى ماقساتتا جۇمسالاتىن قارجى كوزىن ەسەپتەۋ الماتى وبلىسىندا دا جۇرگىزىلۋدە. وڭىردەگى دارىگەرلەر مەن ءتارتىپ ساقشىلارىن قارجىلاي قولداۋ ءۇشىن وبلىستىق بيۋدجەتتەن 137 ملن تەڭگە بولىنەدى.
– ءبىرىنشى كەزەكتە سىياقى مەديتسينا قىزمەتكەرلەرىنە بەرىلەدى. بۇل ماقساتقا ءبىز 137 ملن تەڭگە بولدىك. ودان كەيىن قاۋىپتى ينفەكتسيانىڭ تارالۋىن توقتاتۋ ءۇشىن حالىقتىڭ دەنساۋلىعى مەن ءومىرىن ساقتاۋ ءۇشىن پوستتا كۇنى-ءتۇنى جۇمىس ىستەپ جۇرگەن پوليتسيا قىزمەتكەرلەرىنە, باسقا دا قىزمەتتەردىڭ, جەرگىلىكتى اتقارۋشى ورگانداردىڭ قىزمەتكەرلەرىنە دە سىياقى تاعايىندالادى, – دەيدى وبلىس اكىمى.
سونداي-اق وبلىس اكىمى بارلىق سانيتارلىق پوستتار مەن بلوك-بەكەتتەردە كۇشەيتىلگەن رەجىمدە جۇمىس ىستەۋدى جالعاستىرۋ كەرەكتىگىن ايتتى. قازىر وبلىس بويىنشا بارلىعى 103 پوست اشىلعان. ونىڭ ىشىندە 57 سانيتارلىق بەكەت جانە 46 كارانتيندىك بلوك-پوست تاۋلىك بويىنا جاعدايدى قاداعالاۋدا.
الماتى وبلىسىنىڭ ەڭبەكشىقازاق اۋدانىنا قاراستى شەلەك اۋىلىنداعى ورتالىق اۋرۋحانا عيماراتى كۇردەلى جوندەۋدەن كەيىن قايتا اشىلدى. ەلۋ جىل بۇرىن سالىنعان نىسانعا سودان بەرى بىردە-ءبىر رەت قۇرىلىسشىلاردىڭ قولى تيمەگەن ەكەن. عيماراتتى جاڭعىرتۋعا رەسپۋبليكالىق بيۋدجەتتەن 484 ملن تەڭگە جانە وبلىستىق قازىنادان 196 ملن تەڭگە قوسىمشا قارجى جۇمسالدى. بۇل قاراجاتقا قۇرىلىس جۇمىسىنان بولەك اۋرۋحانا ماڭىن كورىكتەندىرۋ جۇمىسى جۇرگىزىلىپ, ەم الۋشىلارعا ساپالى قىزمەت كورسەتۋگە قاجەتتى بارلىق مەديتسينالىق قۇرىلعىلار دا ساتىپ الىنىپتى.
قازىر ورتالىق اۋرۋحانادا 2 وپەراتسيا زالى جاڭادان اشىلعان. ەمحانا سوڭعى ۇلگىدەگى رەنتگەن اپپاراتى, ۋلترا دىبىستىق زەرتتەۋ كابينەتى مەن باسقا دا ناۋقاس بويىنداعى دەرتتى ەرتە انىقتاۋعا ارنالعان قۇرىلعىلارمەن جابدىقتالدى. ءتىپتى اۋىلدىق اۋرۋحاناعا كەيبىر اۋدان ورتالىعىنىڭ قولى جەتپەي وتىرعان جاساندى تىنىس الۋ اپپاراتى قويىلعان. ال اۋرۋحانادا 180 ادام جاتىپ ەم-دوم قابىلداسا, ەمحاناعا كەلگەن 310 قارالۋشى ءبىر مەزەتتە دارىگەر تەكسەرۋىنەن وتە الادى. قاجەتتى ماماندار دا جەتكىلىكتى ەكەن.
قازىر شەلەك اۋرۋحاناسىندا 555 ادام جۇمىس ىستەيدى. ونىڭ ىشىندە 73 دارىگەر, 269 ورتا دەڭگەيلى مەديتسينا قىزمەتكەرى بار.
الماتى وبلىسى
