«عىلىم قورى» اكتسيونەرلىك قوعامىندا قازاقستان رەسپۋبليكاسىنىڭ رەسەي فەدەراتسياسىنداعى توتەنشە جانە وكىلەتتى ەلشىسى ع.ورازباقوۆپەن «عىلىم قورى» اق باسقارما توراعاسىنىڭ مىندەتىن اتقارۋشى ا.بايشەكەەۆتىڭ كەزدەسۋى ءوتتى.
«عىلىم قورى» اكتسيونەرلىك قوعامىندا قازاقستان رەسپۋبليكاسىنىڭ رەسەي فەدەراتسياسىنداعى توتەنشە جانە وكىلەتتى ەلشىسى ع.ورازباقوۆپەن «عىلىم قورى» اق باسقارما توراعاسىنىڭ مىندەتىن اتقارۋشى ا.بايشەكەەۆتىڭ كەزدەسۋى ءوتتى.
كەزدەسۋگە عىلىم كوميتەتىنىڭ توراعاسى ن.ىبىرايىم, قازاقستان رەسپۋبليكاسى اتوم ەنەرگەتيكاسى كوميتەتىنىڭ توراعاسى م.ءشارىپوۆ جانە «عىلىم قورىنىڭ» قىزمەتكەرلەرى قاتىستى.
كەزدەسۋ بارىسىندا قازاقستان مەن رەسەي اراسىندا عىلىم مەن يننوۆاتسيا سالاسىنداعى ىنتىماقتاستىقتى كەڭەيتۋ مۇمكىندىكتەرى, جوعارى تەحنولوگيانى دامىتۋ جانە يادرولىق ەنەرگەتيكا سالاسىنداعى ىنتىماقتاستىق ماسەلەلەرى, حالىقارالىق عىلىمي جوبالاردى قارجىلاندىرۋ جانە ۇيلەستىرۋ مۇمكىندىكتەرى, تەحنولوگيانى وندىرىسكە ەنگىزۋ جانە باسقا دا عىلىم مەن تەحنيكا سالاسىنداعى ماسەلەلەر قوزعالىپ, تالقىلاندى.
ع.ورازباقوۆ بىرقاتار عىلىمي باعىتتار بويىنشا قازاقستاندىق ارىپتەستەرىنىڭ قاتىسۋىمەن بىرلەسكەن جوبالاردى جۇزەگە اسىرۋعا رەسەيلىك عالىمداردىڭ ۇلكەن قىزىعۋشىلىق ءبىلدىرىپ وتىرعانىن اتاپ كورسەتتى. وسىعان بايلانىستى ەلشى قازاقستان جانە رەسەي عالىمدارىنىڭ اراسىندا عىلىمي باعىتتاعى ىنتىماقتاستىقتى جان-جاقتى جانە بەلسەندى دامىتۋعا شاقىردى جانە دە عىلىم مەن تەحنيكا سالاسىنداعى مۇنداي ىنتىماقتاستىقتىڭ قازاقستان ءۇشىن, سونىمەن بىرگە, وتاندىق عىلىمنىڭ دامۋى جانە ەلباسىنىڭ وتاندىق عىلىمنىڭ الدىنا قويىپ وتىرعان ماقساتتارىنا قول جەتكىزۋ ءۇشىن بولاشاعى جانە ستراتەگيالىق ماڭىزدىلىعىنىڭ جوعارى ەكەنىن اتاپ كورسەتتى. قازاقستان رەسپۋبليكاسىنىڭ رەسەي فەدەراتسياسىنداعى ەلشىلىگى ەكى ەلدىڭ عالىمدارى اراسىنداعى عىلىمي ىنتىماقتاستىقتى دامىتۋدى جۇزەگە اسىرۋ ءۇشىن قاجەتتى قولداۋ كورسەتەتىنىنە ءوز تاراپىنان سەنىم ءبىلدىردى.
* * *
تاياۋدا استانا قالاسىندا شانحاي ىنتىماقتاستىق ۇيىمىنا مۇشە مەملەكەتتەردىڭ مينيسترلىكتەرى جانە ۆەدومستۆو باسشىلارىنىڭ ەكىنشى جينالىسى ءوتتى.
وسى جيىن شەڭبەرىندە «عىلىم قورى» اق قىتاي حالىق رەسپۋبليكاسىنان كەلگەن دەلەگاتسيامەن كەزدەسۋ ۇيىمداستىردى. كەزدەسۋگە قازاقستان رەسپۋبليكاسىنداعى قحر ەلشىلىگىنىڭ ەكىنشى حاتشىسى لي تسينۆەي, قحر شىڭجان ۇيعىر اۆتونومدى اۋدانىنىڭ عىلىم جانە تەحنيكا باسقارماسىنىڭ باسشىسى دۋن پين, ونىڭ ورىنباسارى حۋ كەلين, قحر عىلىم جانە تەحنيكا مينيسترلىگىنىڭ حالىقارالىق ىنتىماقتاستىق بويىنشا دەپارتامەنتىنىڭ قىزمەتكەرى ليۋ يۋيحۋەي قاتىستى.
كەزدەسۋ بارىسىندا «عىلىم قورى» اق باسقارما توراعاسىنىڭ مىندەتىن اتقارۋشى الماسبەك بايشەكەەۆ قوردىڭ دامۋ بارىسىنىڭ باعىت-باعدارىن تىلگە تيەك ەتتى. سونىمەن قاتار, قىتايلىق دەلەگاتسيا قور جوبالارىمەن تانىستىردى.
كەزدەسۋگە قاتىسۋشىلار عىلىم جانە تەحنيكا سالاسىندا ىنتىماقتاستىق ورناتۋ ماسەلەلەرى, قازاقستان رەسپۋبليكاسىنداعى جانە قىتاي حالىق رەسپۋبليكاسىنداعى عىلىم قورلارىنىڭ قىزمەتتەرى جانە سونىڭ ىشىندە قارجىلاندىرۋدىڭ جولدارىن ناقتى وسى عىلىمي ۇيىمدار ارقىلى تابۋ مۇمكىندىكتەرىن تالقىعا سالدى. سونىڭ ىشىندە پەرسپەكتيۆالى عىلىمي جوبالاردى قارجىلاندىرۋ تەتىكتەرىن جۇزەگە اسىرۋداعى ىنتىماقتاستىققا قول جەتكىزۋ ماسەلەلەرى, «عىلىم قورى» اق جانە قحر-نىڭ عىلىمي-زەرتتەۋ قورلارىمەن كەلىسىمشارت جاساۋ مۇمكىندىكتەرى جايلى, جوعارىدا كورسەتىلگەن ۇيىمداردا تاجىريبەمەن الماسۋ جانە ورتاق جوبالاردى جۇزەگە اسىرۋ ماقساتىندا مامانداردى ىسساپارعا جىبەرۋ مۇمكىندىكتەرى تۋرالى ماسەلەلەر تالقىلاندى.
«ەگەمەن-اقپارات».
