ەگەر ءسىز زورلىق-زومبىلىق قۇربانى بولساڭىز, ماماندار سىزگە مىنا ارەكەتتەردى ورىنداۋعا كەڭەس بەرەدى:
دەرەۋ پوليتسياعا 102 تەلەفونىنا حابارلاسىڭىز. «سىزدەرگە ماسكالار مەن انتيسەپتيكتەر ءتۇستى مە؟» دەگەن قۇپيا ءسوزدى قولدانىڭىز. وسىلايشا, وتباسىنداعى زورلىق-زومبىلىقتى جاسىرىن حابارلاۋعا بولادى. سودان كەيىن تۇرعىلىقتى مەكەن-جايدى كورسەتۋ كەرەك. Qamqor.gov.kz پورتالى ارقىلى ونلاين-ءوتىنىم جىبەرۋگە بولادى. ء«سىز پوليتسيا قىزمەتكەرىنەن تۇرمىستىق زورلىق-زومبىلىق بولعان جەرگە بارىپ, قۇقىق بۇزۋشىعا قارسى شارا قولدانۋدى تالاپ ەتۋگە قۇقىلىسىز», – دەيدى دەپارتامەنت وكىلدەرى.
جاراقات العان جاعدايدا 103 تەلەفونىنا حابارلاسىپ, جەدەل جاردەم شاقىرىپ, سوت-مەديتسينالىق ساراپتامادان وتۋگە پوليتسيا قىزمەتكەرىنەن انىقتاما الۋ كەرەك. سونداي-اق رەسپۋبليكادا بالالار, جاستار مەن ەرەسەكتەرگە زورلىق-زومبىلىق كورسەتىلگەن جاعدايدا 150 سەنىم تەلەفونى تاۋلىك بويى جۇمىس ىستەيدى. ساۋالداردى telefon150.kz سايتىندا نەمەسە +77081060810 whatsapp ءانونيمدى ءنومىرى ارقىلى جولداۋعا بولادى.
سونىمەن قاتار ەلوردادا داعدارىس ورتالىقتارى جۇمىس ىستەيدى. وندا ايەلدەرگە پسيحولوگيالىق جانە زاڭگەرلىك كومەك كورسەتىلىپ, ۋچاسكەلىك ينسپەكتورلارمەن, قاجەتتى ۇيىمدارمەن بايلانىسۋ جولدارىن ۇسىنادى. شاعىمنىڭ انونيمدىگى مەن قۇپيالىعىنا كەپىلدىك بەرىلەدى. «ومىرىڭىزگە قاۋىپ تونگەن جاعدايدا, كومەك cۇراۋ ءۇشىن ورتالىقتارعا جۇگىنە الاسىز», – دەلىنگەن حابارلامادا.
ورتالىقتاردىڭ مەكەن-جايى جانە بايلانىس تەلەفوندارى:
1) نۇر-سۇلتان قالاسى اكىمدىگىنىڭ ء«ۇمىت» داعدارىس ورتالىعى» كمم سەنىم تەلەفونى: +7 7172 49-78-89 e-mail: centr_07_2013@mail.ru
2) «قورعاۋ-استانا» جەكە قورى سەنىم تەلەفونى: +7 7172 63-46-01, 30-60-73 e-mail: Korgau_astana@mail.ru.
سونداي-اق نۇر-سۇلتان قالاسى اكىمدىگى جانىنان ايەلدەرگە كەڭەس بەرىپ, قاجەتتى قولداۋ كورسەتەتىن ايەلدەر ىستەرى جانە وتباسىلىق-دەموگرافيالىق ساياسات جونىندەگى وبلىستىق كوميسسيا جۇمىس ىستەيدى.
سونىمەن قاتار نۇر-سۇلتان قالالىق پوليتسيا ءبولىمىنىڭ ايەلدەردى قورعاۋ بولىمشەسى قيىن جاعدايعا تاپ بولعاندارعا زاڭ جۇزىندە كەڭەس بەرۋگە, تۇرمىستىق زورلىق-زومبىلىق قۇرباندارىنا كومەك كورسەتۋ ءۇشىن 8 (7172) 71 60 63 سەنىم تەلەفونىن ۇسىنادى.
