اۆتوموبيل ساتىپ الۋ جونىندە كەلىسىم جاسالعاننان كەيىن اۆتوسالون وكىلى VIN-كودتى, سونداي-اق كليەنتتىڭ جسن-ى كورسەتىلگەن قاجەتتى قۇجاتتارىن بەكىتىپ, eGov پورتالى ارقىلى اۆتوكولىك قۇرالىن تىركەۋگە ءوتىنىم بەرەدى. بۇل ءوتىنىم ساتىپ الۋشىنىڭ جەكە كابينەتىنە كەلىپ تۇسەدى. ساتىپ الۋشى eGov پورتالىنداعى جەكە كابينەتىنە كىرىپ, وتىنىممەن تانىسادى. اۆتوموبيلگە ارنالعان مەملەكەتتىك نومىرلىك بەلگىنى تاڭداي وتىرىپ, مەملەكەتتىك باج سالىعىن جانە تىركەۋ الىمىن تولەيدى جانە ءوزىنىڭ ەلەكتروندىق تسيفرلىق قولتاڭباسىمەن (ەتسق) قول قويىپ, ءوتىنىمدى راستايدى. ساتىپ الۋشى دايىن تەحنيكالىق قۇجات پەن نومىرلىك بەلگىنى ءتيىستى حابارلاما كەلگەن سوڭ, بىرنەشە ساعاتتان كەيىن مامانداندىرىلعان حقكو-دان ءوز بەتىنشە الا الادى. بۇدان باسقا, الدىن الا رەسىمدەلگەن سەنىمحات بويىنشا قۇجاتتاردى جانە مەملەكەتتىك ءنومىردى ۇيگە جەتكىزۋ قىزمەتىن پايدالانۋىنا بولادى.
قازىر مامانداندىرىلعان حقكو-دا تج كەزىندە ەلەكتروندىق ۇكىمەت پورتالى ارقىلى رەسىمدەلگەن دايىن قۇجاتتار مەن ءنومىر بەلگىلەرىن بەرۋ تەرەزەلەرى عانا جۇمىس ىستەيتىنىن ايتىپ وتكەن ءجون. ونلاين تىركەۋ قازىرگى ۋاقىتتا قازاقستان اۋماعىندا جاسالعان, سونداي-اق ەۋرازيالىق ەكونوميكالىق وداققا كىرمەيتىن ەلدەردەن اكەلىنگەن اۆتوموبيلدەر ءۇشىن مۇمكىن.
بۇل قىزمەتتى قر تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى, قر ىشكى ىستەر مينيسترلىگى, «ازاماتتارعا ارنالعان ۇكىمەت» مك كە اق جانە «ۇلتتىق اقپاراتتىق تەحنولوگيالار» اق بىرلەسىپ ىسكە اسىردى.
ماڭعىستاۋ وبلىسى
